تلاعبني هبايب نجد في حزة ظلام الليل يطير النوم من عيني واسامر ليله صعيبه وهذا وقتها المعتاد بالموجز وبالتفصيل ليا من جالها طاري لذيذ النوم تقفيبه تعبت اجاري الواقع وانا مابين حط وشيل اجامل واقعن يصعب على الشعار ترتيبه يهيضني قصيدن في ضميري ماخذ التفضيل بفضل الله سبحانه قصيدي يعرف صحيبه والا ياليل ياليل القصايد ساع زان الليل بسوق القاف لين انه يوفي لي مطالبيه تحيزمت فبنات افكاري اللي كنها القنديل تبث النور من قوة عزم والجزل تحريبه وانا اللي مع بني عمي وفيت ولانقصت الكيل ولاني لابدا الواجب تخلا عن مواجيبه تنومس فيكم الابيات ياعزوه تهد الحيل يزين القاف في بدعه وفي نطقه وتهذيبه كريمين اليمين وفاللوازم ماتحب الميل شعوره والشعوره مابهم شكه ولاريبه والا يحزام جنبي يالشعوره ياشداد شعيل كرمكم يعتبره اللي عليه خلاف في جيبه من مطير الدهاه اللي يعاديهم يذوق الويل قبيلة خلت التاريخ يعرف وشهي الهيبه مطير مطير ياذروة سنام المجد والتبجيل عطيتو رخصة التاريخ واكثرتو كتاتيبه منول قبل صنعات المواتر في ظهور الخيل على صعب التضاريس العنيده قسمنا نجيبه فعايلنا غلاظ شداد جهرا ماتبا تاويل نزلزل معضلات الارض لوهي كانت مصيبه في وقتن فات يومن الخصيم نذللله تذليل نورد من يعادينا على القبر ومناصيبه وقايعنا عديده فالبسيطه راسيه بالحيل ياكم من راس شيخن فعلنا الماضي يهذريبه فعايلنا على الاخصام لاعج الرمك والخيل نهيب روس قومن من سطرنا ترجع مشيبه وهالليله تجمعنا بحفل بدافع التكميل وحق الضيف لاجانا فحفلتنا نهلي به هلا والعود الازرق فوح ريحه يختلط بالهيل عوايدنا على اولنا نسوق الهيل مع طيبه فحفل عيالنا السته شباابن من خيار الجيل مباديهم على شرع الله ونهجه وترغيبه عسى مبروك واعداد السحاب اللي قفاه السيل عسى مبروك واعداد الحروف وفرق اساليبه في محفلكم عسى ربي يقدرني على التمثيل ولاني لابدا الواجب تخلى عن مواجيبه كلمات / عقاب العضيلة
@AbuAdel766 Жыл бұрын
ماشاء الله . مبدع دائماً يا عقاب بن هليل . وللامانة قصيدة محبوكة من مفردة الى لحن . ومشرفة . واعجبني . من مطير الدهاه اللي يعاديهم يذوق الويل === قبيلة خلت التاريخ يعرف وشهي الهيبه 👍👍🫡