莫鎮賢出新碟唱好女神 酒廊唱歌認識梅艷芳｜合唱《浪淘沙》與羅文變師徒｜胞妹南非車禍離世 生日收死訊崩潰

莫鎮賢說，「有時數數下，我都唔知自己幾多歲！我成日以為自己四十幾五十歲，我媽咪話，你咩四十幾五十歲呀，如果要講，你係五十幾六十歲喇！」現實是，莫鎮賢過兩年就「登六」，「年齡只係一個數字，我覺得心態最重要。」
至少，眼前58歲的莫鎮賢，外形保持得宜，怎樣看也不似「奔六」人士。由85年參加新秀至今，期間兩度退出樂壇，到今天簽約內地唱片公司，再入錄音室。對上一次出歌，是09年為紀念亡妹而推出的《約定天國》。「今次簽新公司錄唱片過程裏面，我睇到人生自由性，原來好珍貴。我唔想有壓力去做，要切合我依家年齡心態，唔再好似以前，為拍劇而拍劇、為唱歌而唱歌，依家可以沿途享受風光。」
莫鎮賢的上半場人生，很戲劇化。愛過痛過試過自尋短見，情路兜兜轉轉終在佛教中領悟；人生最大打擊，是06年胞妹在南非車禍身亡，妹妹的死忌正是他的生日。莫鎮賢說：「人生最大困境最難過一刻，就係同爸爸媽媽報妹妹死訊。」
傷痕永遠都在。看透生死，下半場人生如何規劃？「冇得俾你plan太多，由我妹妹死咗之後，我同佢清理賣樓、結束我哋生意，令我體會無論你做咗幾多樣嘢，只要有一日個天要收返你，你乜嘢都唔使做！」明日有明天固然好，活在當下，可能比較實際。莫鎮賢說，沒有什麼是永恆，像他師傅籮記羅文《家變》的歌詞，「變幻原是永恆」。
莫鎮賢說，自己才是真正的「中年好聲音」，「我好多年前已經推動緊呢個concept，好多人話廢青，我話冇廢青；好多人話廢老，我話更加冇廢老，我哋老而不廢！」
這位中年，當年最紅的一首歌叫《情罪》，今天大家不妨再上KZbin重溫一下，真的動人好聲音，經典不用多，一首就夠了。
#莫鎮賢 #梅艷芳 #羅文 #離世 #shallwetalk
內文連結1：mpweekly.hk/5AKyG
內文連結2：mpweekly.hk/r2WPo
-----------------------------------------------------------------------------------------
立即訂閱《明周》電子版：
bit.ly/3t1Jmmx
明周娛樂 www.mpweekly.com/entertainment
entertainment.mpw
明周文化 www.mpweekly.com/culture
mpw.culture
想食明周 foodiempw
foodie.mpw
INNER innermpw
in__ner