«Мұзтау - музам менің»: жаңа кітаптың тұсаукесері

26 сәуірде А.С. Пушкин атындағы облыстық кітапханада, жазушы Назым Слямқызының «Мұзтау - музам менің» атты жаңа кітабының тұсаукесері өтті.
Назым Слямқызы қазақ қыздар педагогикалық институтының филология факультетін бітірген. 1997 жылдан бері жеке кәсіпкерлікпен айналысады. Жеке кәсіпкерлікпен ғана айналысып қоймай, кітап жазуды да қолға алған. «Қош бол, қиындық! Өз-өзін жеңу майданы», «Кәсіп жасаудың құпиясы», «Үй алудың жолдары» атты кітаптары жарыққа шыққан. Ал, «Бәрі де мүмкін...» - автордың тұңғыш кітабы. Бұл туындысы тылсым жұмбағы мен шешілуі қиын шиеленіскен қилы тағдыр түйіндеріне толы.
Сонымен қатар, автордың «Ақша бұлтпен сырласу», «Тырналар әні» атты әндері елімізде болып жатқан індетке арналған.
«Мұзтау - музам менің» кітабын оқи отырып, автормен бірге Мұзтау шыңына сапар шегесіз. Автордың өз кітабына Мұзтауды арқау етуі тегін емес. Мұзтау жай шың емес, ұлылардың рухы мекен еткен шың. Мұзтау дүниежүзіндегі ғарышпен байланысатын жеті нүктенің бірі.
Алматы қаласынан кітап тұсаукесеріне арнайы шақырылған автор шығыстық жерлестерімен, әдебиетсүйер қауыммен жүздесіп, өз шығармашылығымен таныстырып, жаңа кітабы туралы сауалдарға жауап берді.

[@gulzhankamelkanova884]

Керемет кездесу болыпты. Сыныптасымыз Назымымызды біз өте жоғары бағалаймыз! Арамыздан суырылып шыққан асылымызды дәріптейміз, мақтан етеміз! Қаламың ұштала берсін!!! Денсаулығың мықты болып, халықаралық деңгейдегі жазушы болуыңа тілектеспіз!!!🎉🎉🎉🎉🎉👏👏👏👏👏👏👏

[@user-jw8go7mz3d]

Туған жерге деген сағыныш пен махаббат әр перзентінің бойынан орын алсын!

[@user-ev7lt4sy3i]

Нағашы апа ❤❤❤