Ma nistax ngħix trankwill, Dil-ħajja tat-tgerfix, Nixtieq li kont ma neżistix, Irrid immur fejn hemm l-imħabba, Jekk baqa' post fejn hemm l-imħabba, Irrid inkun viċin, Ingawdi l-bqija tad-destin, Problemi kullimkien, Ngħix ħajti iddisprat, Inħossni veru umiljat, Iż-żmien jisbroffa l-enerġija, Dan il-muntanja ġewwa fija, Fid-dahna sewda dlam, Fejn qalbi tfittex ftit serħan Qatra nida bħal djamant fuq il-peprin, Raġġ ta' tama fiż-żerniq ta' jum sabiħ Inessuni l-egoiżmu U jimlewni bl-ottimiżmu Ma' l-għanja tal-merill Nixtieq li ngħix trankwill Inħoss qtigħ ta' qalb, Qed naħli ħin prezzjuż, Qed ngħix fid-dubji u għanjus, Insibni nħares lejn is-sema, Ha nara t-talb huwiex jinstema', Ta' bniedem bla futur, Bħal pupu mneżża' u miksur, Qatra nida bħal djamant fuq il-peprin, Raġġ ta' tama fiż-żerniq ta' jum sabiħ, Inessuni l-egoiżmu, U jimlewni b'ottimiżmu, Ma' l-għanja tal-merill nixtieq li ngħix trankwill.