Махаббат деген немене?..

Біздің инстаграм парақшамыз:
...
Ұлықбек Есдәулет
- Шөлдеген жандай қаталап,
«Махаббат… - деймiз, - махаббат!.
Махаббат деген немене,
Бұлақ па iшер жата қап?
Сиқыр ма көзге байқалмас?
Ғажап па ешкiм айта алмас?
Қазына ма екен қымбат бiр
Қарызға берсең қайтармас?
Махаббат деген немене?
От болса егер сөне ме?
Гүл болса егер, сола ма?
Дән болса егер, өне ме?
Махаббат деген немене?
Қолға ұстап, көзбен көре ме?
Тамшыдай көктен түсе ме?
Қамшыдай қолдан өре ме?
Махаббат деген немене?..
Тәнтi еткен тән бе, дене ме?
Табылар бақ па, iздесең,
Өзi iздеп, әлде келе ме?
Сәуле ме,
Сыр ма,
Сезiм бе?
Пәктiк пе,
Ар ма,
Төзiм бе?
Мейiрiм бе екен ол әлде?
Анамның тұрған көзiнде?
Баяғы, бағзы заманда,
Хауа Ана менен Адамға
Еншi боп тиген махаббат
Сый болып жеттi-ау маған да.
Махаббат деген немене?..
- Айтайын, бiлгiң келе ме:
Ол өзi жаңа, көне де
Бабадан жеткен өнеге.
Күмәнiң болса өзiң бiл,
Ғаламат ғашық кезiм бұл…
«Сүйемiн» деген бiр сөзге
Сыймайтын ұлы сезiм бұл!
#tarmaqtar #тармақтар #аудиопоэзия #қазақшапоэзия #өлең #поэзияжүрегімде #махаббатымдыжеткізетінтармақтар

[@syrymbet_dana01]

Жүрекке жетті😭 Махаббат деген «Тармақтар»-ды оқу, тыңдау, сезіну... Ғажайып күйге кенелу Сол сәтте өзіңді бақытты сезіну🌀

[@yessim.abu_02]

Өте таңғажайып сезім алдым