Махамбет аудандық соты қызметкерлерінің бір күндік жұмысы

Сот саласында еңбек ететін қызметкердің функциялық міндеттері аса қатты жауапкершілікті талап етеді. Судья - сот саласының тірегі. Ал сот ғимаратына кірген азаматтарды қабылдап, сұрақтары бойынша бағыт-бағдар беретін сот әкімшісінің мамандары.
Сот әкімшісінің басшысы - сот кеңсесінің жұмысы мен соттағы іс жүргізуді ұйымдастырады. Бас маман - сотқа түсіп қаралған істер мен материалдар бойынша іс қағаздар жүргізуге, істерді қабылдау, есепке алу, сақтау және сараптамалық есептер жүргізіп отырады. Бас маман-сот отырысының хатшысы - сот отырысын толық ұйымдастырып, азаматтардың сотқа келуін қамтамасыз етіп, сот отырысының хаттамаларын әзірлейді. Жетекші мамандар сот жұмысының жариялылығын қамтамасыз етіп, кіріс-шығыс журналдарын толтырып, мұрағат қызметін ұйымдастырумен айналысады.
Осындай сала мамандары істердің басын құрап, еліміздің сот жүйесін ілгері дамытуда еңбек етуде.
#сот #судья #махамбет