Рет қаралды 15,082
#Ghazal #ZahidAzmi #NishateGham
Main is Jahan Me Nahi Hun...By: Habeeb Ur Rahman Zahid Azmi Umri
غزل۔۔۔از: مولانا حبیب الرحمن زاہد اعظمی
آواز: حافظ شیخ عبیداللہ، ورنگل
پیش کش: شیخ اسماعیل افضل، سید ظہیر دانش عمری
میں اس جہاں میں نہیں ہوں تنہا ، ہے غم کی اک کائنات اپنی
خوشی کا دن گو نہیں ہے میرا ، مگر ہے غم کی تو رات اپنی
یہ آخرِ شب کی سوگ واری ، دل حزیں کی یہ بے قراری
لگے ہے ایسا کہ بجھنے والی ، ہے اب یہ شمعِ حیات اپنی
خود اپنے گھر میں ہوں اجنبی میں ، بھرے جہاں میں ہوں میں اکیلا
کچھ اس طرح دن گزارتا ہوں کہ دن ہے اپنا نہ رات اپنی
ہے وقتِ رخصت چلے بھی آؤ ، کہ جانے والے کا دل تو ٹھہرے
تمھیں خبر بھی نہیں ہے شاید ، کہ آخری ہے یہ رات اپنی
سنو! کہ ہم پھر نہ مل سکیں گے ، بڑھو! کہ دیدارِ آخری ہے
اٹھو! کہ اٹھنے کو ہے جنازہ ، چلو! چلی ہے برات اپنی
!ؔکہاں کے ساتھی ، کہاں کے ہم دم ، فقط یہ خوش فہمیاں ہیں زاہد
پڑی جو اُفتاد ہم پہ کوئی ، کسی نے پوچھی نہ بات اپنی
(نشاط غم : صفحہ نمبر:38) سن اشاعت: مئی 2018
ناشر: ادارۂ تحقیقات اسلامی جامعہ دارالسلام عمرآباد، تمل ناڈو ،