Македонски народни приказни - Изгубениот син - 1988

Ново, ново, ново !!! ...а сепак старо, но досега не видено!
...Срцето ми се полни со радост кога секојдневно ми стигнуваат ваши пораки со пофални и убави зборови за моето раководење и уредување на страницава која е посветена на последниот македонски цар, и има за цел да обработува теми од неговата кариера и ексклузивни работи од неговиот живот кои би биле интересни за читателите (неговите обожаватели)!
Епа драги мои, како што ветив така и исполнувам! По предолг период на барање на оваа приказна, конечно ја пронајдовме!!!!
Благодарение на добронамерната Јулијана Митриќеска од Прилеп која одважи и одговори на мојот статус на страницава кој беше посветен на "барањето приказни кои ни фалат", се понуди да ни врачи неколку нејзини стари касети со приказни кои ги снимила во раните деведесети години на минатиот век, успеавме да ја пронајдеме оваа приказна!!!
Исто толку многу благодарност сакам да искажам и до Христијан Аџиоски, човекот кој е огромен обожавател на делото на Ѓорѓи Колозов и кој на секој можен начин се труди да ги зачува од заборав овие бесценети дела, вклучувајќи го и нивното дигитализирање - префрлањето на овие бесценети дела/приказните од ВХС касети на ЦЕДИЊА!
Ете по овој пат приказната стигна до мене и успеавм да ви ја прикажам, а можеби некои од вас ја гледаат и за прв пат!
Радоста е неопишлива кога можам да ја споделам и со сите вас, заедницата на обожаватели!!!
Верувам дека царот не гледа од таму некаде и ни го благословува нашиот труд и работа кои се во служба на зачувување на неговите неповторливи дела, а воедно се и непомерлив дел од македонската култура!
Покрај долго бараните: Рамиз 14ти; Кадијата и сриомавиот; Мечо и наречниците...со гордост во ризницата ја додаваме и приказната: Изгубениот Син од 1988 година!
Ќе бидам преблагодарен доколку ги проверите Вашите стари касети и се најдат следниве приказни кои ни фалат: Правината се тенчи ама не се кини; На нероден Петко капа му кројат; Итар Пејо и бежињата; Итар Пејо и Насрадин Оџа; Арнаутинот од Самбол; Сонот на сиромавиот; Царот и советникот; Ферманот на Рамче; Скршениот бардак...
Епа драги мои, од нас толку!
Гледајте, уживајте и споделете, да не се заборави!!
Со почит!
Ваш, Горан Марковски, уредник на страницата на Ѓорѓи Колозов!