МАНЏА МАК-ИНФО - ГРАВЧЕ НА ТАВЧЕ

Гравче на тавче е најпрепознатливо македонско национално јадење, сочувано и негувано во македонската традиција. Во речиси секој македонски дом, барем еднаш во неделата е на трпезата. И не дека на други места нема грав и специјалитети од него, ама како гравот „тетоец“ подготвен во земјено тавче со сува пиперка - нема никаде. Тоа го велат и постарите генерации на Македонците доселеници во Јабука, кои и ден денес заедно со своите потомци се воодушевуваат од богатиот вкус на гравот. Но, само ако е подготвен како што тоа го правеле нивните баби и прабаби.
Можеби и затоа секоја куќа има свој рецепт и начин на подготовка на ова јадење, кој што вреди да се зачува, да се сподели и да се пренесе на идните генерации. Тоа го знаат и Милорад Младеновски и неговата сестра Милица Додевски, кои живеат во Јабука и ја чуваат и негуваат својата фамилијарна традиција.
Проектот Манџа Мак-инфо е реализиран под покровителство на Градот Панчево, Покраинскиот секретаријат за култура, информирање и односи со верските заедници и општината Пландиште
Емисијата е снимена во Здружението ,,Илинден'' во Јабука