MANGJILJEM || EYD Haika (L) Church

[@AG_Zomi]

Angai var e vantil te lasah bang 😊

[@ginnalhungdim578]

Kalungthim tong kha val val

[@omhk123]

"MANGJIL JEM IN KA TOI KHAOBANG KA HUOL E" Hiche la hi Haika L. Chandel district vangkho a um (L) Pu Thangkhosei Haokip, Volunteer Evangelist in achapa Onjamang Haokip ala choina ahi. 1. Verse khat na - "Mangjil jem in ka toi khao bang ka huol e" ati hi Sap te lekha jem asei na leh achapa lekha a sim sah aseina ahi. Achapa, in le lou, nei le gou, sum le pai a ahuol jou lou ding jeh a lekha ka sim sah hi ka huol na nahi ati na ahi. "Chun le Jo buol na vei gam lei lai ah, hechun min thei lo pet in changbang ei phong Pu Baite hamjang phan lang gol toh chang bang kikim in" ati hi achapa lekha sim na ding sum hol a chahthing(beam) sui a ache nao mun chu masang a aneo lai a anu le apa toh a na buol nao ana lhat nao mun/gam ahi. Hilai a chu sui ding a chahthing len thim le sao thim tah khat aphuh lhuh leh kom a um jeh a tol a kingam louva kikhang sang thim ahin hichu achung a ding a asui leh tumkhat asui jouva atum ni na ding sui ding a alai a atan boh leh akikhan sang jeh a athing toh ama toh kom a kheh lhah tha a chah mit a anahvam laitah ata leh anah gu aki ta boh ahin, na asah behseh jeh a anu akouva kisim lele a hai jong hai thei louva aum lai tah a a thing sui khompi ho lah a Pu Hemjathang Baite in aga to khah a aki su kha ahi ahet doh phat a adel lut a adop toh athin toh atho leh hung hai doh nah nah ahin chu jouva age nau buh lang a akai phei a alup sah a aki chol ahi. Hiche kipana jeh a chu Pu Hemjathang Baite phat thei aboh a 'Chang bang ei phong Pu Baite hamjang phan lang gol toh changbang kikim in ati ahi. 2. A Chorus - "Chitin namtin khangnou kitet na, Mangjil lekha som lhin na, Ka toi selung laigil ah chihtui bang hin luonsah in ka bel Chung Pathen" ati hi achapan class 10 asim a Matric exam khangdong mi tamtah toh kitet ding ahi jeh a Pathen kom a taona aman pih a chih na athum pih ahi. 3. A verse ni na - "Mangjil jem in ka toi khaobang ka huol e, Chun le Jo buol na vei gam lei lai ah, Janthip gampu hung ham in toi ngai selung a mong moi, phaimit singmon thangvan kolni angai e" ati hi achapa lekha sim na ding sum hol a thing(beam) sui ding a achapa toh a loi dang ho toh kon khom ding a aki tep uleh aloi dang ho kin chom chom jeh a hung kon thei ta lou u, hijeh a chu ama leh achapa bou seh akon lhon leh athing sui na lhon gam chu gammang gam gimnei lai tah ana hi in, buh aki sah lhon jong chu jan a daitui dal na ding mai mai a achung theoboh ki dap mai mai ahin, hi che a chu age lhon leh jan ahung hi teng leh buh sah buh lhang a humpi leh sa dang dang aham uleh, akah leh age na lhon kom cha a mi hung ki hou lim ji, thing ki pu a hung kisep lha tobang a hung ging ji ahivang a la koima hung ji lou, ipi pi ham in age na lhon a hung vel vel jeng ji, chu phat leh achapa kicha a imu ngam ji lou, achapan akom a 'jan hida hen lang sun hi peh peh leh kati' ati leh hichun alung atong kha lheh in, jan ahung sot teng leh achapa la kicha lheh jong leh sun a athing sui na alel jeh a aimut leh kho he ji ta lou, gamsa ham ipi pi ham in a buh lhon a hung vel vel jeng ji leh aman jong a meithal achang aki thun a kaosa a aki dop a achapa imu ven toh atho a tou khovah jeng ji ahi. Jan seh a hitia chu aum phat a in lang ahung kile lhon na ding phat lhing masang a hung jam doh tho lhon ahi tai. 4. A verse thum na - "Mangjil jem in ka toi khaobang ka huol e, Chun le Jo lah khan kile ta pon tin, Mongmo hih o ka tuoi ngai, Daamlai jingpi go bang in hamjang phan lang gol toh changbang kikim in, Hamjang phan lang na lungdei toh tangkho hung lam o" ati hi achapa phatthei aboh na ahi, na Nu leh na Pa lah inchen kile doh lhon tapong ting hijong leh mongmo hih in lungneo hih in, hung van phan lang gol nung gol ma hin phan lang na gol na pai toh hung kibang in, Chujong leh hung van phan lang na lungdei toh hung kicheng in lang hinkho hin mang tan tia phatthei aboh ahi. A sei ma bang in achapan M.A. achai in government natoh jong amu in ji jong adei tah toh akicheng in tun anupa lhon in government na atong lhon in Barapani, Shillong ah a inko uvin a khosa uve.

[@lhingngeichingmangvung3350]

N̤g̤e̤i̤ v̤r̤2 e̤