Рет қаралды 3,408
မန္တလေးပဲကြော်
ဒီနေ့အတွက် မနက်စာကတော့ မေကြီးအကြိုက်
မန္တလေးပဲကြော်ပါ။ မန္တလေးပဲကြော်ကို အချဉ်ရည် ချဉ်ချိုငံစပ်လေးရယ်၊ထမင်းပူပူလေးရယ်နဲ့ တွဲစားမှာပဲ ဖြစ်ပါတယ်။
အိမ်မှာ နယ်က အဒေါ်တွေ လက်ဆောင်ပေးထားတဲ့ ပဲလွန်းတွေ ရှိနေတာနဲ့ မန္တလေးပဲကြော် ကြော်စားဖို့ မေကြီးပြောနေတာ ကြာပါပြီ။ပဲကို ညထဲကရေစိမ်ထားရမှာကို မေ့မေ့နေတာနဲ့ မလုပ်ဖြစ်သေးတာပါ။
မန္တလေးပဲကြော်ကြော်မယ်ဆိုရင် ပဲလွန်း ဆန်ချိန်ခွက် တစ်ခွက်လောက်ကို ညထဲက ရေစိမ်ထားဖို့လိုပါတယ်။
မနက်ကျ ပဲကို ရေထပ်ဆေးပြီး ဆော်ဒါနည်းနည်းထည့်ပြီး နာရီဝက်လောက်ပြုတ်ပေးပါ။
ပဲနူးပြီဆို ဆား၊dashi ၊ ဂျင်းထောင်းထားတာတွေ ထည့်ပြီး စက်နဲ့ကြိတ်ပါမယ်။ ပဲ ဆန်ချိန်ခွက် တစ်ခွက်ကို ဆန်စိမ်းမှုန့် ထမင်းစားဇွန်း ၁ဇွန်း၊ ကောက်ညှင်းမှုန့် ၁၀ဇွန်း
နဲ့ ရေ ၅ဇွန်းထည့်ဖျော်ပါတယ်။
အားလုံးရောနယ်ပြီးရင် တနာရီလောက် နှပ်ထားပေးပါ။
ဆီပူအောင် တည်ပြီး ပူလာမှ မီးလျှော့၊ မီးအေးအေးနဲ့ ကြော်ပါတယ်။ နှစ်ဖက်လုံးရဲလာရင် ရပါပြီ။
တွဲစားမယ့် အချဉ်ရည်အတွက် မန်ကျည်းရည် ဖျော်ထားတာထဲကို ငရုတ်သီးစိမ်း၊ကြက်သွန်ဖြူ ထောင်းထားတာရယ်၊ ငံပြာရည်၊ ထန်းညက်ရည်ရယ် ထည့်ပြီး ဖျော်လို့ရပါတယ်။
အပေါ်ယံ ကြွပ်ကြွပ်လေးနဲ့ အတွင်းသား အိအိ၊ ဂျင်းအနံ့မွှေးမွှေးလေးနဲ့ မန္တလေးပဲကြော်ကို ထမင်းနဲ့ စားစား၊ ဒီတိုင်းစားစား စားကောင်းတာသေချာပါတယ်ရှင်။
#မန္တလေးပဲကြော် #ပဲကြော် #foodlover #cookingblog #food #foodblog #recipe #burmesefood #burmesesnack #fyp
#မန္တလေး
Follow my journey and be part of my story.
Instagram: www.instagram....
KZbin:
/ @hotchilli84
TikTok:
www.tiktok.com...
Facebook:
www.facebook.c...