Рет қаралды 31,213
Marvarid bir necha organik qimmatbaho toshlardan biridir. Uning ko’rinishi doim hayratlanarli darajada maftunkor, romantik, jozibalidir. Marvarid mineral emas, va aslida mollyuskaning chig’anog’ida o'sadi.
Mollyusk ichiga begona jism, masalan, qum zarrachasi tushsa, u ichidagi jonzotni qo'zg'atuvchi omilga aylanadi. O'zini himoya qilish uchun, mollyusk tajovuzkorni sadaf deb nomlanuvchi shoyi kabi ipak modda bilan qoplashni boshlaydi. Vaqt o'tishi bilan mollyusk begona jismning ustiga sadaf ajratishni davom etaveradi va u ajoyib marvaridga aylanadi.
Marvaridlar dunyodagi eng qadimgi va eng qimmatbaho toshlardan biri bo'lib, ular 5000 yil oldin ham sotilgan deb ishoniladi.
Marvaridlarning kelib chiqishi haqidagi Xitoy afsonasida aytilishicha, marvaridlar oyning bir qismi ekan. Kechasi oyning nuri suvga tushib va ochiq chig’anoqlarga oqib tushar ekan va u yerda doira kabi marvarid toshini hosil qilar ekanmish.
Ko'p tarixchilar Iskandar Zulqarnaynning eng yoqtiradigan toshi bu marvaridlar bo'lgan deb ishonishadi. Aynan Iskandar Zulqarnaynning harbiy harakatlaridan keyin marvaridlar keng tarqalgan.
Yunonlar har doim marvaridlarni go'zalligi va sevgi va nikoh bilan bog'liqligi uchun qadrlashgan. Ular marvaridlar oilaviy baxtga hissa qo'shadi va kelinning to'y kuni yig'lashiga yo'l qo'ymaydi, deb o'ylashgan, shundan beri kelinga marvarid bilan taqinchoqlar berish an'anaga aylangan.
Qadim zamonlardan to hozirgi kungacha marvaridlar oilani mustahkamlashga yordam beradi, degan ishonch saqlanib qolgan. Marvaridlar ayolga nafaqat zamonaviy va nazokatli ko'rinishga yordam beradi, balki bir tomonlama muhabbatdan ham saqlaydi. Ko'pchilik oq marvarid isitma va yallig'lanishni yengillashtiradi, suyak tizimini mustahkamlaydi, astmatik xurujlarni kamaytiradi, yurakni mustahkamlaydi va ko'rishni o’tkirligini yaxshilaydi deb hisoblaydi.
Shakli va oʻlchami mutlaqo bir xil boʻlgan ikkita marvarid yoʻqligi sababli, ZargarShop tajribali zargarlariga zargarlik buyumlarini yaratishda oq marvaridlar moslarini tanlash uchun bir necha soatlar kerak boʻldi.