Рет қаралды 75,751
မောင်တောမြို့က စစ်ကောင်စီစခန်းတွေကို တိုက်မယ်လို့ AA ကြေညာ (ရုပ်/သံ)
မိုးသောက်၊ ဇွန် ၁၈၊ ၂၀၂၄
ရခိုင်ပြည်နယ် မြောက်ပိုင်း၊ မောင်တောမြို့ပေါ်က စစ်ကောင်စီ စခန်းတွေကို တိုက်ခိုက် သိမ်းပိုက်တော့မှာဖြစ်တယ်လို့ အာရက္ခတပ်တော် (AA) က ဇွန်လ ၁၆ ရက်နေ့မှာ တရားဝင် ထုတ်ပြန်ကြေညာထားပါတယ်။
AA အနေနဲ့ မောင်တောမြို့နယ်အတွင်းက စစ်ကောင်စီစခန်းအားလုံးနီးပါးကို တိုက်ခိုက်သိမ်းပိုက်ပြီးပြီဖြစ်ပြီး မောင်တောမြို့ပေါ်နဲ့ မြို့ဝန်းကျင်က လက်ကျန်စခန်းတွေကို စစ်ဆင်ရေးပြုလုပ်မှာဖြစ်လို့ ပြည်သူတွေအနေနဲ့ ၁၆ ရက်နေ့ည ၉ နာရီကနေစတင်ပြီး ထွက်ခွာပေးကြဖို့ တိုက်တွန်းထားတာဖြစ်ပါတယ်။
အေအေအနေနဲ့ မောင်တောမြို့အရှေ့ဘက်ကဘူးသီးတောင် နဲ့တောင်ဘက်ပိုင်းက ရသေ့တောင်မြို့နယ်တွေကို သိမ်းပိုက်ရရှိထားပြီး ဖြစ်ပါတယ်။ မောင်တောမြို့ကို ရမယ်ဆိုရင် မြန်မာနဲ့ ဘင်္ဂလားဒေ့ရှ်နယ်စပ်ကို ထိန်းချုပ် သွားနိုင်မှာဖြစ်ပြီး ဘင်္ဂလားဒေ့ရှ့်နိုင်ငံနဲ့လည်း နိင်ငံရေး စစ်ရေး၊ စီးပွားရေးတွေ လုပ်လာနိုင်မှာဖြစ်တယ်လို့ နိုင်ငံရေး လေ့လာ သုံးသပ်သူတွေက ဆိုကြပါတယ်။
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: bit.ly/3btQYpR