Рет қаралды 118
မေမေ
------------
ကျနော့်ကို ဗိုက်ထဲလွယ်ထားရတဲ့အချိန်မှာ
တနေ့တနေ့ သင်္ချိုင်းကို
မေမေ့ မျက်လုံးနဲ့
မျက်စောင်းသုံးခါထိုးခဲ့ရသလား မေမေ
ကိုးလလွယ်
ဆယ်လဖွား
မေမေ့ရဲ့ အံကြိတ်စွန့်စားခန်းမှာ
ဘယ်လောက်တောင် နာကျင်ခံစားခဲ့ရမလဲ
တခါတလေ
ကြေးညှော်တွေ ကင်းစင်ဖို့
ကျနော့်ကို အသံတိတ်ဖွတ်လျှော်
မအားလပ်တဲ့ကြားက
ကျနော့်မစင်ကိုလည်း ထမင်းနဲ့ရောစားခဲ့ရမှာပေါ့ မေမေ
မေမေ ဘယ်လောက်ပဲ ပြုပြင်ပြုပြင်
ကျနော်ဟာ မဖြူစင်ခဲ့ပါဘူး
အရက်သောက်တယ်
လောင်းကစားပြုတယ်
ကဗျာရေးတယ်
ဘယ်လောက်ပဲ မှောက်မှောက်မှားမှား
ကျနော်လေ
လူတဖက်သားအပေါ်မှာတော့
ဘယ်တော့မှ မကောက်ကျစ်ခဲ့ပါဘူး
မေမေ
ဒီမှန်သော သစ္စာစကားကြောင့်
မေမေ့အရင် ကျနော်သေရပါစေ
မေမေသေမှာကို ကျနော်မမြင်ရက်လို့ပါ ။
#ကိုသားဦး
#poems
#saiphyowai #audiolibrary #poems #saiphyowai #ကဗျာရသ #Poems #Poetry #SimerjeetSingh #Motivation #MotivationalPoem #MotivationalPoetry #MyanmarPoems