Рет қаралды 35,742
كواليس مسرحية العيال كبرت.. يونس شلبي ضرب فنانة ومسح اسم أحمد زكي من الأفيش
يونس شلبي هزأ أحمد زكي في كواليس مسرحية مدرسة المشاغبين لدرجة أنه هو مسح اسمه من الأفيش وقاله: أعقل يا أحمد أنت كومبارس لكن أحمد زكي بعد سنين رد له القلم قلمين..... تبدأ الحكاية لما كان الفنان أحمد زكي رايح مسرحيته الجديد مدرسة المشاغبين وكان مركز جدا في دوره وعمال يفكر إزاي أقدر يثبت نفسه قدام عادل إمام وسعيد صالح، وأول ما دخل المسرح بص على أفيش المسرحية كعادته.
وفجأة لقى اسمه على الأفيش ممسوح خالص ومشخبط عليه، استغرب جدا وأضايق وقعد يسأل المسؤول في المسرح ويتخانق معاه ويقوله: هو مين اللي مسح اسمي مين اللي جاب سلم مخصوص عشان يمسح اسمي من الأفيش، مسؤول المسرح وقتها ارتبك وقاله: أكيد مش أنا يا أستاذ أحمد، لكن أحمد زكي اتنرفز عليه وقاله: يعني مين اللي حاططني في دماغه عشان يجيب سلم مخصوص ويطلع كل المسافة عشان يهيني بالشكل ده.
مسؤول المسرح بص لأحمد زكي وقاله: يا أستاذ أحمد أيه مصلحتي كموظف امسح اسمك ، رد عليه أحمد زكي بحسم وقاله: لو أنت ممسحتش اسمي فأكيد عارف مين اللي عمل المقلب ده في أنت قاعد طول الوقت قدام المسرح، ارتبك مسؤول المسرح وحس أنه في ورطة وقاله: بص يا أستاذ أحمد بصراحة هو فنان صاحبك في المسرحية جاب سلم وطلع مخصوص وطلع و جاب قلم وقماش وشخبط على أسمك وكان بيقول عشان يتربوا ويتعلموا الأدب و يحرموا يعملوا كده تاني، أحمد زكي لما سمع الكلام ده اتصدم من الكلام وقاله: مين الفنان ده مين اللي حاططني في دماغه من الناس اللي بتمثل معايا، رد الموظف وقاله: الفنان ده هو يونس شلبي.. وقتها أحمد زكي اتجنن جري جوه على يونس شلبي وعمل حاجة محدش يتوقعها.
#احمد_زكي
#عادل_امام
#يونس_شلبي
#العيال_كبرت
#مدرسة_المشاغبين