احمد الصادق الجميل الهادي

عاجبني الجميل الهادي
الخديدو ناير ونادي
مابعادي وعادي
زي غزال الوادي
هو الفريد في الدنيا
في الدلال فرادي
ومابيخفي حنانو
الحنان فيهو بادي
كيف اسيبو وأرحل
أبقي غادي وغادي
السنونو بتبرق
برقه العبادي
صوتو ناعم وناغم
فيه حنين الشادي
والعظيم حبيتو
سيدي سيد أسيادي
ريدو غالي وكنزي
ورثه لي أحفادي
الهواهو حياتي
بهجتي وأعيادي
فيهو بعلن حربي
وأقبل إستشهادي