Meaning of life مانای ژیان

پێشکەشە بە یادی دکتۆر هاورێ، مامۆستایەکی ئازیز و مرۆڤێکی جوان …
ئەم نووسینەم لە لاپەڕەی سەرەتای کتێبی ‘جیهان لە دیدی منەوە - The world as I see it’ی ئەلبێرت ئاینشتاینەوە وەرگێڕاوە.
مانای ژیان
“ئەمەی کە ئێمەی فانی تێیداین دۆخێکی سەیرە! هەریەکێکمان بۆ ماوەیەکی کورت لێرەین؛ جا ئەم لێرەبوونە بۆچی مەبەستێکە، نازانین، هەرچەند هەندێک جار وا بیر دەکەینەوە کە هەستی پیدەکەین. بەڵام لە ڕوانگەی ژیانی ڕۆژانەوە، بێئەوەی قووڵ ببینەوە، ئێمە بۆ مرۆڤەکانی ترە کە هەین، بە پلەی یەکەمیش بۆ ئەو مرۆڤانەی تر کە خۆشبەختیی ئێمە بەندە لەسەر زەردەخەنە و باشبوونی ئەوان، دواتریش بۆ هەموو ئەو مرۆڤانەی کە لە نزیکەوە نایانناسین بەڵام ئەوەی کە پێکەوە دەمانبەستێتەوە هاوسۆزییە. من ڕۆژی سەد جار بە بیری خۆمی دەهێنمەوە کە ژیانی تاکەکەسی خۆم و ئەوانیتریش بەندە لەسەر هەوڵ و کاری مرۆڤەکانی تر بە زیندوو و مردووەوە، جا پێویستە وابکەم کە لانیکەم هێندەی لەوانەوە وەرمگرتووە و وەردەگرم، ببەخشمەوە.”
نووسینی: ئارمان خەلیل؛ خویندنەوەی: دیدار شەهلا