Meanings of Zanussi Perla Max automatic washing machine malfunction codes.

[@اموعد-ص5ر]

طيب لو سمحتي الE20معناه ايه

[@maimohammed]

اتأكدي من إن خرطوم تصريف المياه مش مسدود ولما تتأكدي افصلي فيشة الغسالة ١٠ دقائق وشغليها تاني عشان بيبقى ساعات تهنيج في لوحة التحكم

[@AsmaaAhmed-he4gz]

عندي الغساله مش بتدي انظار انها خلصت

[@maimohammed]

أول ما بتخلص وبيظهر 0 على الشاشة مش بتصفر ؟

[@AsmaaAhmed-he4gz]

@@maimohammed ايوه ليه كده

[@AsmaaAhmed-he4gz]

الاول كانت بتصفر ثلاث مرات بعد ما تخلص دلوقتي لا

[@maimohammed]

أيوه الطبيعي إنها تصفر بس كده في مشكلة في الإنذار بس بسيطة بإذن الله تواصلي مع التوكيل هيغيروه

[@nadanasser1002]

باب الغساله لما بقفله مش بيعمل القفل علي الشاشه اعمل اي ؟

[@maimohammed]

القفل مش بيظهر غير لما بتدوسي على زرار التشغيل 🌹🌹

[@nadanasser1002]

@@maimohammed بدوس و برده مش بيظهر و لا بسشتغل

[@maimohammed]

@nadanasser1002 يبقى كده في مشكلة في لوك الباب لأن الغسالة مش هتشتغل غير لو كان الباب مقفول بطريقة صحيحة

[@rababshoman-zk1fd]

عندي مشكلة Eh0 حله ايه حبيبتي

[@maimohammed]

دي مشكلة في الكهرباء اللي داخلة للغسالة مش مظبوطة يعني ممكن يكون الجهد منخفض أو مرتفع لازم كهربائي يظبط الدنيا ولو التوصيلات فيها مشكلة يظبطها ممكن يكون السلك فيه قطع لو الدنيا تمام في الكهرباء يبقى في خلل بسيط في لوحة التحكم وأنصحك قبل ما تجيبي فني إفصلي فيشة الغسالة لمدة ربع ساعة وشوفي هل مازال العطل موجود 🌹🌹

[@rababshoman-zk1fd]

@maimohammed حبيبتي تسلمي يارب العالمين

[@ahmedeldesoky1071]

EF0 ?

[@محمدالساسي-ك9ص]

عطل e51

[@الشيخمحمدالسعدني-ب6ط]

عندنا العطل 0 ?

[@maimohammed]

اللي أعرفه إن 0 يعني الغسالة خلصت غسيل

[@MalkMohamed-cz7qi]

انا مشكلتي ان زار الاستارت مش بيشتغل بيعلق ممكن يفضل مش عاوز يشتغل وبعد شهر اجرب يلقط مره وبعد كد خلاص ميشتغلش

[@maimohammed]

كده لازم تتواصلي مع التوكيل

[@AyaMohamed-bj1qx]

نفس مشكلتك بالظبط

[@hendm.1123]

كان بيحصل معايا كدا .. وممكن يكون بسبب إن الكهربا ضعيفة فمابيرضاش يشتغل.. لما كنت بشغلها بالنهار كان زرار الاستارت بيعمل معايا كدا ولما بغسل بالليل بتشتغل عادي.. فقولت يبقى من الكهربا

[@Roaasilva-s8r]

السلام عليكم عندي مشكله صوت الغسالة الاول كان عالي جدا زي المكوك الفضائي لما يطلع الفضاء وقت العصر لو فيه حاجة فوق منها بترميها علي الارض ف المهم بعد منضفت الفلتر بدأت الاحظ الصوت هدي بس قلقت لما الصوت هدي ولقيت صوت صفير صغنن وبتسخن من الجنب وحاسه انها لما كانت تعمل صوت بتديني احساس بالامان وحاسة اني عملت فيها حاجة هو ده اي !؟ 🙂😂

[@maimohammed]

😂😂😂 وعليكم السلام ورحمة الله وبركاته بصي بقى أنا أول ما اشتريتها كانت بتتحرك من مكانها حرفيا وبتتهز جامد وهي بتعصر بس قلت كده في حاجه غلط لأن ده مش مقبول خالص في الغسالات . المهم اكتشفت إنها كانت لسه بتوزن نفسها على الأرجل الجديده تقريبا الأرجل كانت مش راكبه كويس وبعدين ظبطت لوحدها عادي وبقى صوتها عادي خالص . وعموما عدد اللفات الزياده بيعلي صوتها وده طبيعي في كل الغسالات . وخدي بالك الفني بيظبط حاجه في الأرجل بتاعتها عشان ماتتحركش من مكانها .

[@renor9027]

السلام عليكم ا نا حسيت انها بتكهرب كهربا خفيفة خالص من ضهر الغسالة لما حطيت ايدي من ورا وهي شغالة وبعد كدا لا

[@Roaasilva-s8r]

@@maimohammed يمكن ريحت نفسها بنفسها 😂 طيب فيه صوت صفير كده ممكن من حضرتك تعملي ريلز لصوت الغساله الاصلي لان بجد خايفه اجيب حد يسرق الحاجات الاصليه اللي فيها وجوزي ملهوش في الحاجات دي 🙂😂

[@Roaasilva-s8r]

@@renor9027 طب استني هبقا احط غسله واحط ايدي اشوفها بتكهرب ولا لا 😂

[@maimohammed]

@Roaasilva-s8r 😂😂😂 طيب حاضر هصور لك صوتها وهي بتعصر 🌹

[@محمدالساسي-ك9ص]

E51

[@maimohammed]

للأسف احتمال مشكلة في الموتور أو لوحة التحكم لازم تتواصل فورا بالشركة لو غسالتك في الضمان بس جرب تفصل فيشة الكهرباء ربع ساعة وشغلها ثاني لأن أحيانا بتبقى في مشكلة في الكهرباء بتعمل الأعطال دي ولازم تقيس جهد الكهرباء اللي داخل وتتأكد إنه يكفي لتشغيل الغسالة

[@خواطرأمرأة-غ9ب]

عندي EF0

[@maimohammed]

بسيطة دي مشكلة في الكهرباء الجهد اللي داخل قليل جربي إفصلي الفيشة ربع ساعة وشغلي وبإذن الله هتشتغل 🌹🌹