Рет қаралды 103,186
Epilepsiya bosh miyaning surunkali kasalligi boʼlib, asosan tutqanoq yoki tirishish xurujlari bilan kechadi. Bu kasallik birlamchi, yaʼni tugʼma yoki ikkilamchi, yaʼni baʼzi bosh miya kasalliklari natijasida rivojlanadi. Bundan tashqari, epilepsiya hech qanday sababsiz ham kelib chiqishi mumkin.
Hozirgi vaqtda 40 dan ortiq epilepsiya shakllari maʼlum boʼlib, ular kasallikning boshlanish yoshi, klinik koʼrinishlari va prognozlari bilan ajralib turadi. 70-80% epilepsiyada davolanish foyda beradi. Oldingi paytlarda epilepsiya deganda hushsizlik va talvasalar boʼlgan hamma holatlar tushunilaverilgan. Lekin keyinchalik maʼlum boʼlishicha, epileptik tutqanoqdan tashqari, boshqa asab kasalliklarida ham talvasali tirishishlar qayd etilishi mumkin ekan. Shu sababli epilepsiyadan farqli oʼlaroq, «simptomatik epilepsiya» tushunchasi paydo boʼldi. Bu kasallik boshqa kasallikning maʼlum belgisi hisoblanib, kelib chiqish va rivojlanish mexanizmlari turlichadir.
Koʼpchilik tutqanoq tutgan kishiga birinchi yordam sifatida ogʼziga qoshiq tiqishga urinishadi. Аslida tibbiyot nuqtai nazaridan tutqanoq tutgan kishiga qoshiq bilan yordam koʼrsatish mumkinmi?