"Мектепке дейінгі ұйымдарда инновациялық технологияларды қолдануда ұлттық ойындардың маңызы" семинар

"Қарлығаш"бөбекжай-бақшасында Шалқар ауданының білім бөлімінің әдістемелік құрылымдық бөлімшесінің жұмыс жоспарына сәйкес "Мектепке дейінгі ұйымдарда инновациялық технологияларды қолдануда ұлттық ойындардың маңызы" тақырыбында аудандық тәрбиешілерге арналған семинар-практикум өткізілді. Бөбекжай - бақша меңгерушісі Г.Д.Бекмағанбетова алғы сөзбен іс-шараны ашты. Балалар базарлығы семинарға қатысушыларға көтеріңкі көңіл-күй сыйлады. Әдіскер Г.Ш.Тәліпова "Мектепке дейінгі ұйымдарда ұлттық құндылықтарды дәріптеу" тақырыбында мәлімдеме жасап,жүргізілген жұмыстарға шолу жасады. "Менің отбасым"тақырыбында қазақ тілі мұғалімі ұйымдастырылған іс-әрекет көрсетті. "Ұлттық құндылықтарды театр әрекеті арқылы дәріптеу"тақырыбында З.Ә.Білмағамбетова шебер класс өткізіп,семинарға қатысушы әріптестермен бірігіп ертегілерді сомдап,жаңаша ұлттық нақыштағы ертегілермен таныстырып,тәжірибе бөлісті. Тәрбиеші Л.Қ.Нұрмашева "Бір шәугім шай" тәрбиеленушілермен интеллектуалды ойынын ойнатты.Тәрбиеші С.А.Байекешова "Балардың ұлттық ойындар арқылы қимыл-белсенділігін арттыру" тақырыбында ойын іс-әрекетін көрсетті. Ұмытылып бара жатырған "Көкпар тартыс" "Бел тартыс",т.б ойындары өте қызығушылқпен ойналды. Тәрбиеші А.Т.Әуезханова Ұлттық құндылықтар көрмесін ұйымдастырып, көрнекіліктердің жасалу,қолдану жолдарымен таныстырып,іс- тәжірибесімен бөлісті. Психолог А.Б.Бекмағамбетова "Көңілді оркестр"тренингін өткізіп,қатысушыларға керемет көңіл-күй сыйлады. Семинар практикумға аудандағы барлық балабақша тәрбиешілері қатысты. "Қызықты асықтар" рефлексиясы арқылы қатысушы педагогтар жаңашылдықпен, ерекше әдіс-тәсілдермен жүргізілген жұмыстарға ,жақсы пікірлерін білдіріп, ризашылықтарын жеткізді. Іс-шара соңында Шалқар ауданының білім бөлімінің әдістемелік-құрылымдық бөлімшесінің әдіскері Ахетова Айнамгүл Саменқызы қорытынды сөз сөйлеп, ұлттық құндылықтарды дәріптеу мақсатында өткізілген семинар-практикум жоғары дәрежеде ұйымдастырылғаны үшін бөбекжай-бақша ұжымына зор алғысын білдірді.