Menejerlik kurs tinglovchilari Prezident maktabi tajribasini o‘rgandi

#yangiliklar
➖ Xabaringiz bor, Maktabgacha va maktab taʼlimi vazirining 2023-yil 15-maydagi “Menejerlik o‘quv kurslarini tashkil etish to‘g‘risida”gi 124-son buyrug‘i asosida joriy yilning 5-iyun sanasidan boshlab A.Avloniy nomidagi milliy-tadqiqot institutida tajriba-sinov tariqasida umumiy o‘rta taʼlim muassasalari direktori lavozimiga nomzodlar uchun menejerlik o‘quv kurslari boshlangan edi.
Mazkur kurs tinglovchilarining nazariy bilimlarini amaliyot bilan bevosita bog‘lash va ilg‘or tajribalarni o‘rgatish maqsadida Toshkent shahridagi Prezident maktabiga sayohat tashrifi tashkil etildi.
✔️Prezident maktabi direktori tinglovchilarni o‘zning boshqaruv metodikalari, maktabning strategik rejasi va uni ishlab chiqish usullari, yaratilgan shart-sharoitlar, yo‘lga qo‘yilgan o‘quv mashg‘ulotlari, darslardan so‘ng olib boriladigan turli xil ijodiy to‘garaklar bilan tanishtirdi.
📹 Bu to‘g‘rida batafsil yuqoridagi videorolikda. 👆👆