Рет қаралды 3,539
Жетісу облысының Алдабергенов ауылында мемлекеттің қаржысына ауыз су құбырларын жаңартуды қолға алған компания жұмыстарын сапасыз орындап жатыр. Соның кесірінен, салынған құбырлар көпке шыдамай жарылуы мүмкін деген күмән бар. Ал сыбайлас жемқорлыққа қарсы іс-қимыл агенттігі өкілдерінің айтуынша, мердігер компания бұл жұмыстардың құнын шарықтатып көрсеткен. Яғни, жасалған жұмысты қағаз жүзінде 100 миллион теңгеге бағаласа, іс жүзінде оған тек 70 миллион теңге жұмсаған дейді. Ал, бюджеттің 30 миллион теңгесі ұшты-күйлі қайда кетті? Әріптесім Самал Қабышева анықтап көрген еді.
Ескелді ауданына қарасты Алдабергенов ауылында 825 миллион теңгеге су жүйесі жасалуда. Жұмыстарды қолға алған мердігер компания барлығын уақытымен жүргізіп жатыр. Бірақ, қазірдің өзінде істерінде олқылық көп дейді тексеру жүргізген тәуелсіз сарапшылар.
ҚАЙРАТ ИСАБЕКОВ, Сарапшы:
- Міне су траншеяда жатыр, трубаны лақтырып жатыр суға. Сметада суды бұлар откачивать ету керек. Құрғату керек. Оснаваниесін жасау керек. Подушкасын салу керек из мягкого грунта. Соған трубаны салу керек. Одан кейін бірақ көму керек. Олар міне лақтырып жатыр да, артынан көміп келе жатыр. Бұл көп нарушение.
Осындай сапасыз жұмыстың кесірінен құбырлар жарылып, қаражат желге ұшады деген сарапшылар барлығын суретке түсіріп, құжатқа тіркеп алған. Барлық материалды өңірдің сыбайлас жемқорлыққа қарсы іс-қимыл агенттігіне жолдаған.
МАҚСАТ ЖЕБЕГЕНОВ, Сыбайлас жемқорлыққа қарсы іс-қимыл агенттігі Жетісу облысы бойынша департаментінің басшысы:
- Қазіргі келіп түсіп жатқан ақпаратқа сәйкес 100 миллион теңге мердігер компанияға аударылған. Алайда жұмыстар 70 миллион теңгеге ғана жасалған деп біздің ақпарат бар. Оны қазір наразға алып, назарда ұстап отырмыз.
Ал су жүйесін жүргізіп жатқан мердігерді техникалық жағынан қадағалап отырған компания, "барлық жұмыс дұрыс жасалынып жатыр" деп ақталуда.
МЕДЕТ АСАНОВ, «ТН-Строй» ЖШС техникалық қадағалаушысы:
- Может сол кісі келіп қалғанда сол момент болып, сол кісі суретке түсіріп алған шығар. Ол кісі независимый эксперт қой, келеді, біреу шақырады, ол кісі келеді. Сол моментте шит болмай қалған шығар, бригадир болмай қалған шығар. Бірақ оның бәрін, қауіпсіздіктің бәрін күнде келіп тексереміз. Жоқ біз келіспейміз, ол жерде технология қолданылған.
Ал Алдабергенов ауылына 825 миллион теңгеге су құбырына күрделі жөндеу жүргізіп жатқан «КөлсайСтрой» компаниясы Сарыөзек ауылының да су жүйесін жасап, құбырлары бірінен соң бірі жарылып, халық тек шағым айтумен келеді. Сондықтан мамандар, бұл компанияның әр жұмысын майшаммен қарап, тексеріп отыру керек дейді.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informb...
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал