მეუფე კალისტრატე-დოკუმენტური ფილმი ორ ნაწილად. ნაწილი 2

ფილმი მოგვითხრობს ქუთათელ-გაენათელ მიტროპოლიტ კალისტრატეს (მარგალიტაშვილი) საოცარი ცხოვრებისა და მოღვაწეობის შესახებ.
აქ გაეცნობით XX საუკუნის ბოლო პერიოდის ეპოქალურ მოვლენებს, ფარული ბრძოლების ისტორიებს, თუ როგორი გააფთრებით, ბოლო კუდის მოქნევით დევნიდა წითელი ურჩხული-საბჭოთა ათეიზმი, დედა ეკლესიის წიაღში დამკვიდრებულ უშიშარ მეომრებს, რომელთაც პირადად იტვირთეს ერის ჯვარცმა და ერის დაფლვა, მისი გარდაუვალი მკვდრეთით აღდგომის მოლოდინში.
ფილმში პირველად გაჟღერდა ჩერნობილის უდიდესი კატასტროფის აქამდე უცნობი ფაქტები, საიდანაც ვგებულობთ მეუფე კალისტრატეს ლეგენდარული თავგანწირვის ისტორიას.
აქ გადმოცემულია მისი შეუპოვარი ბრძოლა სოლომონ II -ის ნეშტის გადმოსვენების პროცესში, როდესაც მეუფე ვერ შეაშინეს ვერც თურქეთის შეიარაღებული ძალების ალყით, ვერც ფანატიკოსთა დაჯგუფებების მუქარით...
აქ თვითმხილველები მოგვითხრობენ, თუ როგორ გააბრუნა ქუთაისთან მოსული ტანკები მეუფე კალისტრატემ , სადაც საუკუნოვანი მახვილი ჩაეცა საქართველოს აღმოსავლეთ და დასავლეთ ნაწილებად დაყოფის დიდ და ბნელ გეგმას...
ფილმში აღწერილია მისი გმირული ჩაფრენა ცეცხლმოდებულ სოხუმში, გაწირული ქალაქის დაცემამდე სამი დღით ადრე...
მაყურებელი პირველად გაიგებს მეუფე კალისტრატეს აქამდე უცნობი, ძალზე მნიშვნელოვანი წინასწარმეტყველებების შესახებ, პირველად მოისმენს მისი ფარული ღვაწლისა და მრავალრიცხოვანი სასწაულების ისტორიებს...
მოკლედ, ნახეთ და თავად დარწმუნდით...