Bakıda klassik avtomobillərin yürüşü və sərgisi. 25.08.2019

2019-cu il Avqustun 25-də Bakıda klassik avtomobillərin yürüşü və sərgisi keçirilib.
Azərbaycan Avtomobil Federasiyasının (AAF) təşkilatçılığı ilə keçirilən yürüş Heydər Əliyev Mərkəzinin qarşısından start götürüb.
Yürüşdə 1980-ci ilədək istehsal olunmuş 100-dən çox avtomobil iştirak edib. Onların əksəriyyəti yürüş üçün qeydiyyatdan keçmiş şəxsi avtomobillər olub. Tədbirdə Heydər Əliyev Mərkəzində nümayiş etdirilən klassik avtomobil sərgisinin eksponatları olan nəqliyyat vasitələri də iştirak edib.
Avtomobillər şəhərin mərkəzi küçələri ilə yürüş etdi.
Yürüş-sərgidə “Ford Model A” (1930), “QAZ M 20 Pobeda” (1958), “Mercedes Benz SL 190” (1962), “Ford Mustang” (1966), “Volvo 13134” (1966), “VAZ 21011” (1973), “BMW 3.0 CS Coupe (1974), Qaz 21 , “Qaz 13”- Çayka (1975) və digər unikal avtomobil modelləri təqdim olunub.