Рет қаралды 14,978
حشوة سمبوسة الدجاج
حشوة دجاج للسمبوسه والرول والمنتو الكذاب ووو دجاجه مقاس ۱۲۰۰ واكبر اذا حابه توفرين وتضيفين شوي صدور لامانع اما صدور كله بتصير نااااشفه تغسل بخل وتقطع اربع وتوضع بحله يعني قدر جداره قصير وترش بملح وكمون ونقصر النار على تحت ونصب عليها فنجال قهوه مويه بعد ربع ساعه تنقلب على الجنب الثاني طبعا ما تستوي وتذوب مره لا بيطلع تحت زي الماجي مويه غلييظه ومركزه ولونه بني على اصفر اذا برد الدجاج نطلع العظم والجلد ونقطعه بسكين كبار شوي بتقولون العجانه غلط لانه بيطلع خيييوط وهاد براحتكم نفس الماجي اللي طلع من الدجاج نضيف عليه الدجاج والبهارات والكركم والفلفل الاسود والاحمر وكزبره مطحونه انا اضيف دبس رمان وصويا وتمر هندي موب اساسيه ابدا نضيف بصل مقطع على ذوقكم اذا تحبون واضح شرايح نحيفه وقصيره اذا لا قطع صغيييره واذا حطيتوا بصل مقلي بيكون الذ والذ نضيف فلفل حار وبارد وجزر مبشور ونحرك على نار وسط زي ماصورته لكم ومانطول حتى ما يطلع الماء مجرد مايذوب البصل وتمتزج النكهات نسكر تقريبا ربع ساعه اذا هي دجاجه وحده اذا اكثر يختلف على حسب الكميه اذا بردت تمام نضيف الورقيات اللي تحبون كزبره بقدونس شبت انا لازم احط شووووي نعناع يعطي انتعاش ونطعه وبكيفكم اللي يعجبه يجرب واللي يحس غلط سكيب وبس
#رمضان٢٠٢٤ #رمضان2024 #ramadan #سعودية