Рет қаралды 202
في الفيديوهات بتاعتنا دي احنا هنستخدم الذكاء الاصطناعي في التصميم سواء بتحب الذكاء الاصطناعي وعايز تتعلمه او حتي خايف منه وكل ماتيجي سيرته او تشوف فيديو لحد بيشرحه او بيتكلم عنه تلف وشك وماتكونش عايز تكمل
الفكره انه لا مفر أصلا من الذكاء الاصطناعي وشوفنا مواقع كتير دلوقتي شغاله بيه واشهرهم طبعا ميدجورني واللي قلب الدنيا اول ما نزل وكان عليه كلام كتير جدا
وبعدها بدات تظهر مواقع تانيه زي مثلا ليوناردو ai و بلو ويلو وغيرها كتير واللي هنتكلم وهنستخدم كل واحد فيهم علي مدار الفيديوهات اللي جايه
ومع التطور الطبيعي للحاجه الساقعه ومابين الاسئله الكتيره من المصممين انه هياخد مكانا ولا لا او انه اداه مساعده مش اكتر ه
تسهل علينا الشغل والتصميم وهتوفر وقت كتير علي المصمم
لقينا شركه ادوبي منزله نسخه فوتشوب بيتا وقال ايه يا مؤمن شغاله بالذكاء الاصطناعي
وبدات واحده واحده تحط الذكاء الاصطناعي في كل البرامج بتاعتها
طبعا المصممين كلهم مكانوش فاهمين حاجه
طب هو هياخد مكانا
طب كده أي حد هيشتغل علي الفوتشوب عادي
طب ايه الدنيا طيب
الحكايه ومافيها انك لازم تتعلم ازاي تستخدم الذكاء الاصطناعي في شغلك
ياما كده ياما فعلا هتقعد في البيت
علي الأقل لو هياخد مكان حد زي ما بيقولو مايكونش انت
فااحنا هندخل المواقع دي كلها ونستخدمها ونشوف الprompt او الجمل والكلمات اللي الناس بتكتبها علشان تطلع صور تستخدمها في تصميماتها
الطريقه دي هتخليك تفهم المواقع دي صح وكمان هتستفاد key words كتيره هتساعدك في البحث عن الصور سواء علي مواقع الذكاء الاصطناعي او حتي في مواقع الصور العاديه زي فري بيك وشتر استوك وغيرها
يلا بينا بقي نشوف ازاي هنسجل في المواقع دي وهنستخدمها ازاي