مهارات التفكير - مقدمة

[@احمدمجدي-د8ب]

🔴 تفريغ للدقيقة 26:00 (ممكن تراجه يا بشمهندس علشان لو فيه شئ خطأ) مهارات التفكير لدكتور مصطفي سعد 🔴 مهارات التفكير (1) (مقدمة) اذا اردنا ان نتمكن مهنياً من شئ، المفترض ان يكون لدينا اساس معرفي في هذا الشئ. 🖊 ويوجد في الطبيعي انماط من الناس. ✅نمط لا يوجد عنده معارف. ✅نمط يحاول التفكير ويغير من تفكيره ولكن لم يحاول انه يأسس نفسه معرفياً. ✅نمط وهو شخص يحاول ان يجعل نفسه يستطيع التفكير، فبدأ يجعل نمط حياته عبارة عن كثرة القراءة في الكتب التي تتكلم عن مهارات التفكير والمغالطات المنطقية ومعوقات التفكير. • وننتبه لشئ ان مهارات التفكير لا تتحصل بكثرة القراءة ولا بكثرة المعارف، ولكن تتحصل بكثرة التدريبات لانك لن تقرأ كتاب مثلا عن مهارات التفكير ثم بعدها ستصبح شخص ذو تفكير عالٍ! • وانهماكه في كثرة القراءة لا يجعل الامر يعتدل معه!. ✅ النسبة الأصح لمهارات التفكير هي ان يكون عنده معرفة متوسطة وان يحاول ان يحسن مهارات التفكير. 🔴 كيفية زيادة المهارات؟! نطبق مثال مثلا وهو عند تعلم البرمجة، رجل قرأ كتاب كامل عن لغةبرمجية، فهذا لا يعتبر تطوير مهاراته في اللغة بل يجب ان يمارسها! • يوجد في التفكير امر صعب وهو تحديد الصواب من الخطأ، وهذا يكون سهل في بعض المجالات مثلا بالرياضيات عندما احل سؤال اثبات قانون في الرياضيات، اذا لم اعرف احله فالمدرس سيريني الاثبات فأري الحل واتعلم منه، ويوجد صعب مثل مواقف في حياتنا لا نستطيع التصرف فيها فموضوع التطبيق لا نعرف الصح من الخطأ. 👈 ممكن نحسن من المهارات بكثرة السؤال مثلا شخص في موقف قال التصرف الصحيح او تصرف افضل من تصرفك في حل هذا الموقف، فأسال نفسك لماذا هو اختار هذا الاختيار الافضل وانا اخترت هذا الاختيار!. 🔴 فوائد كيف تحدد الكورس كويس ولا وحش؟ فتحدد هذا علي ثلاث محاور: ✅الاول:-ان الكورس يكون به كم من المعارف التي نحتاجها. ✅الثاني:-ان الشخص صاحب الكورس يضع ما يكفي من التدريبات وكلما زادت كلما كان افضل. ✅الثالث:- هو هل التدريبات هذه لها حلول ام لا، بحيث انها تجعلني اطور من نفسي. 🔴 عندما تتخذ موقف او تجاوب علي سؤال يجب ان تسأل نفسك بعض الاسئلة! ✅ هذا السؤال لكي اجيب عليه، ما هي نوعية المعارف التي يجب ان تكون عندي لكي اجاوب عليه. ✅ ما هي الادوات التي يجب ان تكون عندي لكي استطيع اتعامل معاه. ✅ ما هو عمق وقوة هذه الادوات. 👈 نتيجة من هذا وهو ان في حياتك اهتم بي: ✅ان تنوع الادوات التي تمتلكها. ✅ قوة الادوات وجودتها. 🖊 مثال علي هذا: عندما يأتي شخص ويقوم بتقطيع اللحمة، اذا كانت السكينة غير حادة فستقطع بصعوبة، واذا كانت حادة ستقطع بسهولة، فهي نفس السكين ولكن جودتها اصبحت افضل، فمن الممكن ان تكون شخص ذو تفكير وشخص ذو اساس معرفي ولكن الادوات ليست قوية، وممكن ان يوضع في موقف لا يستطيع التعامل معه. 🔴 عندنا معوقات التفكير وهذه مثلا شخص يفكر بطريقة جيدة ممكن ان لا يستطيع ان يحل مشكلة معينة وايضا ويوجد في هذا ما يسمي تفكير احادي وثنائي وتأثير العاطفة علي التفكير. 🔴 هل اذا كان شخص يملك مهارات التفكير ويقدر ان يعرف معوقات التفكير، هل هذا يجعل الحق معه او الصواب ؟ الاجابة: لا!، فالأمر اوسع من مهارات التفكير ومعوقاتها في بعض الاحيان مثل الدين والايدولوجي. 🖊مثال: رجل دين كبير مثلا، يعرفه الناس بانه شخص ذو قدر كبير من مهارات التفكير ثم ضل، والناس اصبحت تذمه.. مثلا عالم دين ذو مهارات اصبح ملازم للسلطان فتكتشف انه ذل بملازمته.. فالصورة اكبر من مهارات التفكير! لان في امور بتساعد الانسان علي اصابة الحق وهي امور اخلاقية مثل عدم وجود الحقد والحسد والكبر والكذب.. فهل الشخص هذا يريد ان يصيب الحق ام هواه كذاب؟! طيب انت الآن آصبت الحق.. هل فعلاً كنت تنوي إنك إن وجدت الحق تتبعه؟!.. مثل كفار قريش، كانوا متكبرين في اتباع الحق رغم اثباته لهم فهذا كان كبر. ✅ اول شئ يصد الانسان عن الحق هو قلبك. ✅ايضا مساحات السواء النفسي، فكلما كان الانسان أكثر سواء نفسي، كلما كان اكثر إصابة للحق. • فالسواء النفسي امر مهم، فنلقي مثلا الملحدين يلحدون بسبب امور نفسية وهذا اغلبهم، مثلا ملحد تعرض لصراعات عنيفة من ابيه فنتج عنه انه رفض ان الاب يوجهه عنده كبى ورفض سلطة الاب، ونتج عنه انه يعتقد ان الاب هذا اشبه بالرب فلا يريد سلطة مطلقاً!. فأنظر بنفسك هل يوجد عندك اثر نفسي سئ فحاول ان تصلحه. • ومثال آخر ايضا: بنت تعرضت للتحرش، فبنت مثلها تقول: احسن لانها تلبس لبس ضيق.. وهذا ايضا يكون رد بعض الشباب والشيوخ.. ولكن المفترض ان اكثر شخص يحس بهذه البنت هي إنسانة مثلها.. يعني تقول: انا ليه اماكن من جسمي ممكن تتمسك في الشارع؟ او جسمي ده ملكي ليه الشخص ده يعمل كده؟!.. فنشوف ان البنت دي اهلها بيجبروها انها تلبس لبس واسع! وهي تريد ان تلبس لبس مثل غيرها! فعندها خلل نفسي من البداية فلا تهتدي للحق. 🔴 وهذا يجعلنا نسأل اسئلة.. لماذا عالم فيزيائي مثل هوكينج وامثاله يلحد ولا يهتدي للحق؟! 🖊لان التصور ان الانسان لو بيفكر كويس جدا كان هيميز ان الاسلام حق ولا باطل ده تصور غلط.. فممكن ان تميز الاسلام انه حق ولكن لا تقبله!، لان الصورة الكبيرة يبدأ يدخل فيها درجة السواء النفسي للإنسان وسلامة القلب وعوامل أخري.. وده يفسر ان شخص بسيط جدا يكون اهدي سبيل من ستيفن هوكينج ، فهذا البسيط يكون عنده حد ادني من العقل وقدرة تميز الدلائل الواضحة علي وجود الإله ولم يرتاب في وجود إله ولم يرتاب إنه ينبغي أن يكون إله واحد! وهذه بديهيات بسيطة. • اذا اصابة الحق تكون بتَوفُر مهارات تفكير ومعرفة معوقاته ووجود السواء النفسي وسلامة القلب.

[@eslam6052]

يا دكتور اتمني ما توقف السلسلة دي عايز اقولك ان انا شخصيا بستفاد منها جدا و بتفرق معايا و بتعدل مفهيم كتير جدا في حياتي, اتمني تنشي قناة خاصة بعيد عن البرمجة و تخليها مخصصه فقط للمحتوي اللي زي كدا ❤

[@TasneemAlEmam]

من مصر وبالكميرا الجديدة مره واحدة 😅 انا كنت طلبت الفديو ده قبل كده، شكراااا جدا جدا جدا والله 🙏

[@Ramadan0Yassin]

اللهم ارزقنا واياكم حسن الخاتمة والحقنا بالصالحين.

[@amazighcoder9312]

يارب يحفظك أستاذنا الفاضل

[@hossammohamedfarouk8101]

بارك الله فيك وزادك علما

[@yousafshoiab1511]

الموضوع مرعب أن الواحد يبدأ يحيد من غير ما يحس و يصبح يهذي و يضل نفسه و الناس اللهم احفظنا ولا تضلنا 😢

[@ZakiFootballVideos]

نتمنى أن لاتتوقف عن الفيديوهات لأننا نستفيد مشكور يا دكتور

[@مشمهم-ه4ن]

متتخليش سعادتي لما عرفت أن حضرتك نزلت مصر 🌺 بجد في ظل تبجح الغرب في ملف اللوط*ية بقا اي مسلم بخاف عليه ونفسي يرجع ويبقا موجود معانا 💐

[@ArabicCompetitiveProgramming]

انا في اجازة لكن انوي الرجوع ان شاء الله في خلال ٣ سنوات

[@مشمهم-ه4ن]

@@ArabicCompetitiveProgramming يا رب ترجع بالسلامة وأسرع من كدا كمان

[@Ramadan0Yassin]

33:19 اهم جزء في الفيديو سوي نفسيا، سلامة القلب، مهارات التفكير

[@freedom2097]

والله مصر نورت يادكتور

[@Ahmed18828]

أقل ما أقوله لك أنني والحمد لله دائما استقي منك الخير جزاك الله عنا خيرا ونفع بك

[@Xardas_]

كنت محتاج هذا الفيديو كثيرا . كلام من ذهب . شكراً أخي الله إنورك

[@jehadkhaled906]

جزاك الله عنا خير الجزاء وبارك الله في علمك وعملك لله الحمد سلسله خواطر من افضل الاضاءات التي أنارت لنا ولاولادنا الطريق ولله الحمد لم نعهد فيها أي مظهر من الهذيان من المغالاه ف الدين أو اظهار الغريب لاستجلاب مدح الناس ولكن كان العكس تماما جزاك الله عنا كل خير ومن نجاح الى نجاح في الدنيا والدين

[@ArabicCompetitiveProgramming]

اكرمك الله :) ولما اهذي انتقدوني وانصحوني :)

[@jehadkhaled906]

@@ArabicCompetitiveProgramming جعلك الله خير قدوه لأولادنا ولا تتأخر علينا في اذاعه حلقات سلسله الخواطر القيمه

[@hassanmahmoud229]

حمدا لله على السلامة يدكتور❤

[@ehab1077]

جزاك الله كل خير دكتور ❤❤ الدقائق تمر معك كأنها ثوان

[@mohamedm8146]

جزاكم الله خيرا يا دكتور ... فعلا" إذا عرف السبب بطل العجب " نفسية الإنسان وخاصة نشأته في بيته ومرحلة الطفولة هي أخطر مرحلة في عمر الإنسان ويجب على كل إنسان عاقل أن يبحث في جذوره ويعالج مشاكله الداخلية عشان يتحرر منها ومتكنش هي الأساس في قرارته وأفعاله بعد كده ... أن عندي مشكلة كبيرة جدا في حياتي ولما حلت وبحثت في جذورها لقيت إنها ترجع لمرحلة الطفولة وبعض الصدمات وبالرغم من المعرفة والوعي دا ممنعنيش إني أقع في نفس الغلط لكن مع الوعي وتنمية المهارة والممارسة الموضوع بيقل أو عالأقل بحاول أتجنب عاوقبه قد ماقدر.

[@waleedabbas1058]

بارك الله فيك يادكتور احسنت احسن الله اليك

[@AbdulRahmanAtef-w5h]

اللهم صل وسلم وبارك على سيدنا محمد وعلى اله وصحبه اجمعين ❤

[@ahmedsaeed4209]

جزاك الله خيرا يا دكتور دايما بنستفيد منك ،ربنا يجعله في ميزان حسناتك

[@youssefmahmoud6268]

ما شاء الله لا قوه إلا بالله أنا بعيد فيديوهاتك يوميا زادك الله من فضله وزادك من العلم والتعليم والالقاء ومن كل خير ونفع بك ونفع من انتفع بك وبارك لك فى عمرك

[@ArabicCompetitiveProgramming]

امين :)

[@omarkhaled7883]

استمر يا هندسه ♥️

[@ab55hh]

سبحان الله وبحمده عدد خلقه ورضا نفسه وزنة عرشه ومداد كلماته

[@Learn_whis_me]

جزاك الله خيرا وربنا يبارك فيك ويحفظك

[@ahmedmokhtar6644]

جزاكم الله خيرا

[@ahmedrafat3143]

منور مصر و الله ي دكتور مشاء الله ظهورك في الفديوا مخلي الفديوا في روح ربنا يجزيك خير ي رب

[@shalbyshalby8988]

الله يكرمك يا باشمهندس النقطة دي مهمة جدا جدا وموجودة للاسف

[@mohamedtarek2737]

جزاك الله خيرا

[@عبدالرحمن-غ6ع1ه]

بارك الله فيك يا دكتور 💙💙

[@abdallamahmoudsakr8827]

حمد الله بالسلامة يادكتور ربنا يبارك في حضرتك ❤️❤️

[@mohamedgouda9053]

حمدالله علي سلامتك يا دكتور ❤️❤️

[@programmingarmy]

احبك في الله والله يدكتور مصطفي ، نورت مصر ❤

[@احمدداغر-ض5ت]

وبارك الله فيكم يا دكتور

[@jackgame8841]

can you add an english cc?

[@amirmustafa6123]

حمدلله بالسلامه يا دكتور 💜💜

[@hadir2812]

لا أجد طريقة أميز بها سلامة القلب إلا الاحساس ومراقبة تصرفات الناس مع الآخرين وهما على طبيعتهم ومحدش مركز معاهم، بالاضافة لاراءهم في قضايا زي اللي حضرتك طرحته ف موضوع التحرش .. او في القضايا العامة اللي كثير منها لا نعلم عنه شيئا أما عن مهارات التفكير، فأنا ماحسيتش بوقت الفيديو، زادك الله من علمه .. كيف يمكن تطوير أدوات التفكير؟ والجانب المعرفي يحصل بالقراءة فقط؟ وكيف يمكنني تطوير مهاراتي إذا كان عندي معرفة بسيطة؟ ازاي اوفر لنفسي المواقف الكافية لتطوير مهاراتي ومنين اقدر احصل على Feedback loop مفيدة ف الحتة دي؟ جزاك الله خير الجزاء

[@ArabicCompetitiveProgramming]

النقطة الاولى كويسة النقطة الثانية لعل الفيديو الجاي ينفع اكتر النقطة التالتة حياتك مليئة بالقرارات والاشكاليات...هتتفكري فيهم...وتتفكري لاحقا في العواقب...ولو الناس لها وجهة نظر اخرى تاخديها في الحساب

[@mohamedbatot3613]

@@ArabicCompetitiveProgramming .

[@abdullahhany8401]

@@mohamedbatot3613 ❤️

[@adhmcreative]

ربنا يبارك فيك ويجعلك في ميزان حسناتك ياهندسه🤍

[@youssufhesham3225]

جزاك الله عن أمة محمد خيرا ❤️

[@mohamedmohsen4539]

عايز من حضرتك تنزل الحلقات على الساوند كلاويد

[@ahmedayman7626]

جزاكم الله خيرا يا دكتور .. حمد الله على السلامة .. تعلمت من حضرتك الكثير خلل الأربع سنوات بتوع حاسبات .. مدين لحضرتك وبدعيلك دايما .. كلها أسبوع ونخلص إن شاء الله اخر امتحانات لينا (كشباب تخرج أقصد) .. لو حضرتك في الإمكان نتجمع في مكان أو حاجة وندردش مع بعض ونستفيد من حضرتك .. عن خططنا للمستقبل وأفكارنا والحاجات اللي ممكن نتجنبها. أنا عارف أني هو صعب وأني حضرتك في إجازى ومحتاج تستريح .. لكن لو حضرتك كنت قادر على ده فشئ يسعدنا جدا .. وفي الوقت والمكان اللي حضرتك تحدده. علمكم الله ما ينفعكم.

[@hossamabdelnasser5704]

جزاك الله خيرا يا دكتور .. حضرتك ترشح كورس معين في مهارات التفكير ؟ يفضل في مكان في القاهرة مش online

[@ArabicCompetitiveProgramming]

لا اعلم كورسات في اماكن

[@mohamedahmedgalhoum9185]

ربنا يباركلك و يزيدك يارب يا دكتور ♥️

[@ammar9961]

شكرا جدا لحضرتك ي دكتور والله بستفاد من حضرتك جدا ♥ بس عندي استفسار ازاي لو عرفت اني عندي مشكلة في ال hardware بتاعي مش software مثلا هل في طريقة اقدر اصلح او اعدل الhardware دي بحيث يتناسب مع السوفتوير ؟؟

[@ArabicCompetitiveProgramming]

نعم وهو ده هدف مهارات التفكير واصلاح وتوسعة ادواتك

[@ammar9961]

@@ArabicCompetitiveProgramming يعني انا لو مهارات تفكيري اتطورت من نقطة لاخري كدا ال hardware بتاعي هيتصلح مع الوقت

[@ArabicCompetitiveProgramming]

@@ammar9961 نعم الاساس اللي بنتظر ليه للامور بيتغير

[@mahmoudelazb8028]

ي مرحب بالغالي💙

[@mostafafadel2735]

ازيك يا دكتور ربنا يجعل هذه السلسلة في ميزان حسناتك 💗

[@nano0110]

السلام عليكم ، لو سمحت هل البلاي ليست الخاصة ب c++ صالحة للتعلم ؟ او انها قديمة ؟ وشكراً مقدماً

[@ArabicCompetitiveProgramming]

t.me/mostvision/168

[@nano0110]

@@ArabicCompetitiveProgramming شكراً ، طيب لا مؤاخذة اخاف ازعجتك لكن هل مسابقات البرمجة التنافسية مثل ( ioi ) تشابه مسابقة الكانجارو ؟ قد يبدو السؤال سخيف لكنه مهم بالنسبة لي وشكراً

[@ArabicCompetitiveProgramming]

@@nano0110 لا

[@nano0110]

@@ArabicCompetitiveProgramming لكن في الوصف هم يتشابهون كثيراً وارى انهم يحملون نفس نوع الرياضيات ؟

[@ibrahimkhalid4536]

بارك الله فيك

[@baselahmed6524]

جزاكم الله خيرا 🌹

[@omarsamir4307]

الله يفتح عليك يا دكتور بس عندي سؤال هل القاعدة المعرفية اللي حضرتك اتكلمت عليها تابعه للتخصص يعني بتختلف من تخصص للتاني ولا هي زي قناعات لدى الشخص بيحكم بيها في كل مساحات تشغيل المخ ؟

[@ArabicCompetitiveProgramming]

مهارات التفكير العامة بتفيد في التخصص كل تخصص له معارفة الخاصة بيه

[@omarsamir4307]

@@ArabicCompetitiveProgramming و االعامة دي يا دكتور ليها مصادر متفق عليها ؟

[@ArabicCompetitiveProgramming]

@@omarsamir4307 مجال كبير بيتداخل فيه اكتر من مجال أكاديمي...بس زي ما قلت فرشة معرفية والباقي تطبيق مستمر

[@abdelrahmankhatab4772]

يا الله حمدالله عل السلامة يا بشمهندس 😄😄❤❤❤ حضرتك مش هتكون في مكان معين ممكن نسلم على حضرتك فيه ❤؟؟

[@ArabicCompetitiveProgramming]

مأنتخ في البيت ههه

[@Srlsped]

منور مصر يادكتور ❤️

[@SBcode-s3n]

سلام عليكم دكتور عندى سؤال أنا حاليا أتبع دكتور محمد دسوقي في c++ وخلصت أساسيات و oop هل أتعلم بنية البيانات والخورزميات او ابداء في competitive programming وشكرا وتحية اجلال وتقدير على مجهوداتك من الجزائر

[@freedom2097]

نفس سؤالي

[@SBcode-s3n]

حاليا بدأت حل مسائل

[@freedom2097]

طيب الاساسيات والopp تنصحنى بمين

[@SBcode-s3n]

دكتور محمد دسوقي يقدم شرح ممتاز وأظن أفضل طريقة لتعلم. والتى حاليا اتبعها هي المزج بين الكتب والفيدوهات أحينا تجد معلومات في كتب أعمق وافضل من الفيدوهات

[@a7med3mran44]

مساء الخير يا دكتور كنت عايز حضرتك ف استشاره بسيطه كدا لو ممكن تسيبلي اي وسيلة تواصل اتواصل بيها مع حضرتك.

[@ArabicCompetitiveProgramming]

contacts in bio ask.fm/mostafasaad87

[@HUSS_BOSS]

يريت لو تهتم بتوزيع الاضاءة على حضرتك، هتلاقي الفيديو بقى جودته احسن حتى لو متصور بكاميرا موبايل

[@ArabicCompetitiveProgramming]

حاضر

[@zyadmagdy8974]

ازيك يا دكتور مصطفى والله يا دكتور انا فكرت وحضرتك بتقول"ان مهارات التفكير يجب ان تكون تدريبات عليها لكى نكتسب مهارة التفكير الصحيح" ايه راى حضرتك لو عند حضرتك وقت يبقى بث مباشر او clubhouse وتنقشنا وشكرا لحضرتك على المجهود والسلام عليكم ورحمة الله وبركاته.

[@ArabicCompetitiveProgramming]

اعفيني

[@EzzOps]

اخر جمله "تستفيدو منهم ولكن تتعاملوا بحذز" مش بعرف اعمل كده لان لقيت نفسى بتأثر بالجانب التانى ظهر ده ف اسلوبى و الحده ف الكلام بتاعى لدرجه انا مكنتش عليها قبل كده ف فضلت انى مش هتابع الناس ديه و اتجه لكفاءات تانيه اتعلم منهم

[@ArabicCompetitiveProgramming]

العاقل يجد الاصلح له. هديت للخير

[@mohammedabdellatif5982]

السلام عليكم ازيك يا دكتور ان حاليا داخل تالته حاسبات المفروض اني درست داتا ستركشر الترم اللي فات بس انا حاس اني مش كويس فيها وحاسس اني محتاج ادرسها من الاول ممكن حضرتك تقولي على مصادر او تقولي على طريقه تخليني متقن جدا لداتا ستركشر ولحضرتك جزيل الشكر والتقدير

[@ArabicCompetitiveProgramming]

خد كورس يودمي بتاعي bit.ly/3eXXir5

[@ahmedelazab954]

بعد اذنك ي دكتور انا بتابع مع حضرتك في junior sheet ولكن بتقابلني اسئلة math انا مبقدرش افكر بطريقة صح واستخدم ال math اللي انا خدته في حياتي عموما هل في طريقة اقدر احسن بيها thinking بتاعي في الماث

[@ArabicCompetitiveProgramming]

هتكمل حل وتتعلم من المسائل بس كده

[@ahmedelazab954]

@@ArabicCompetitiveProgramming يعني عادي مفيش اي مشكلة بس اهم حاجة اتعلم الفكرة مش اكتر

[@ahmedelazab954]

شكراا جدا ي دكتور ربنا يكرمك دايما يا رب ❤️❤️

[@ArabicCompetitiveProgramming]

@@ahmedelazab954 عادي

[@ahmedsameh285]

اعذرني، نهاية الكلام تكاد تنسف بدايته، إذا افترضنا أنني على مهارات عالية في التفكير وعندي أساس معرفي قوي، ثم أجد أن احتمال وقوعي في الخطا مرتفع جدا لأسباب لا تتعلق بمستوى مهارات التفكير ومستوى الأساس المعرفي، هذا يصرفني وبشدة عن البحث عن زيادة مستوى مهارات التفكير وزيادة الأساس المعرفي.

[@ArabicCompetitiveProgramming]

ده مشكلتك هنا في التفكير. انا بقولك الهدف الفلاني الوصول اليه له عوامل محتلفة تحققها انت عايز العامل يكون واحد. لو حد تعليمه بسيط تفكيره لن يسمح له بنقاش بقضايا كتير دينية ودنيوية ومهارات التفكير عند هوكينج لوحدها مش هتنفع في مساحات عايزة عوامل تانية زي اتزانه النفسي وحرصه وسعيه لاصابة الحق

[@TasneemAlEmam]

اعتقد كمان ان مهم جدا لاي شخص بيسعي لتطوير مهارات تفكيره انه يحط احتمال وقوعه فالخطأ عشان يسمح لنفسه يسمع للاخر و يمكن يقتنع وينموا اكتر ويكتسب خبره منه يعني في نماذج انتشرت جدا مقتنعه انها اجمد حد فالدنيا ومش حاطين احتمال واحد فالميه ان عندهم اخطاء ضلوا واضلوا والغريب والمحزن ان في كتير بيسقفلهم فاعتقد مهم ما نعتبرش تنميه مهاؤاتنا كضمان وصك للصحه

[@lateefamer6343]

والله نورت مصر يا دكتور والله عاوز اتواصل معاك يا ريت لو فى واتس

[@ArabicCompetitiveProgramming]

وسائل التواصل في بايو القناة

[@lateefamer6343]

@@ArabicCompetitiveProgramming أولا شرف ليا ردك على رسالتى دكتور مصطفى

[@OmarMohamed-le8yn]

يا بشمهندس انت اشارت انه لا يصح اجبار البنت على لبس الحشمه فكيف الطريق الصحيح

[@amirmohamed6992]

يا بشمهندس انا كنت واخد اساسيات البرمجة في الجامعة وسمعت لناس تانية يوتيوب لما جيت ابدأ مع حضرتك oop مفهمتش الاسئلة ولا الكود بتاع حضرتك واتعقدت وحاسس انى طول الفترة الى فاتت دي بتعلم غلط ممكن تفيدنى او تقولى الغلط منين ؟؟

[@ArabicCompetitiveProgramming]

تعليمك ضعيف الكويس انك حطيت رجلك في المكان الصح ارجع اتعلم وظبط نقط الضعف

[@abdalrhmanhamida602]

ربنا يبارك فيك يا دكتور، مصر نورت :)

[@احمدداغر-ض5ت]

انا محاسب ولكن انا مهتم جدا بتعليم اولادي البرمجه عندي ولد ٩ سنوات وبنت ١٤ سنه ، ابدا معاهم ازاي

[@ArabicCompetitiveProgramming]

١٤ سنة تشوف كورس بلغة البايثون بالعربي زي قناة الزيرو وتتعلم لوحدها. لو معرفتش هتحتاح كورس او مدرس. ٩ سنوات عايز حد اونلاين يعلمه برمجة ببكون فيه حاجات تناسب السن ده

[@alieldin.said1]

ممكن يتعلم Scratch ده تطبيق سهل بيفهم مبادئ البرمجة و ممكن يتعلموا اردوينو في اي مكان تعليم اردوينو في مصر سواء مكان تعليمي او سنتر او مكتبة عامة

[@mohamedtarek2737]

مش عارف والله انا اتلغبطت حضرتك تقصد الشخص الى المتمكن من مجاله مثلا البرمجه بيتكلم فالدين الى هما فئه العلمانيين ولا ايه بالظبط لان انا مبتابعش دول

[@ArabicCompetitiveProgramming]

انا هنا لا اقصد شخص بعينه. اقصد حالة متكررة. انا اتكلمت عن نماج بيرغوا بره تخصصهم في تفاصيل هما غير مؤهلين لها. يعني ممكن يكون طبيب نفسي ملتزم وبيتناقش في قضايا دينية تفصيلية بصورة اهل العلم بيذموها

[@mohamedtarek2737]

@@ArabicCompetitiveProgramming تمام جزاك الله خيرا

[@mohamedtarek2737]

@@ArabicCompetitiveProgramming طيب هل مثلا شخص مهدنس او ايا يكن دا يمنعو او حتى يخلى عليه بعض الشكوك لو اتكلم فى الدين ولا دا بيبقى زى وصمه عار طول حياته لا اقصد المعنى الحرفى. ولكن مثلا تلاقى حد قالك متسمعش للشيخ الفلانى علشان دا طلب العلم وهو ٢٠ سنه او علشان كان تخصصه الهندسه

[@ArabicCompetitiveProgramming]

@@mohamedtarek2737 مش فاهم التعليق اوي بره تخصص الشخص تجاهله لما يخوض في قضايا تفصيلية

[@mohamedtarek2737]

@@ArabicCompetitiveProgramming تمام

[@SBcode-s3n]

سلام عليكم دكتور عندى سؤال أنا حاليا أتبع دكتور محمد دسوقي في c++ وخلصت أساسيات و oop هل أتعلم بنية البيانات والخورزميات او ابداء في competitive programming وشكرا وتحية اجلال وتقدير على مجهوداتك من الجزائر

[@ArabicCompetitiveProgramming]

لا حل الاول تدريبات الكورس بتاعي واعمل المشاريع

[@SBcode-s3n]

يعني احل تدريبات والمشاريع وبعدها أتعلم بنية البيانات والخورزميات

[@ArabicCompetitiveProgramming]

@@SBcode-s3n نعم واتعلم من كورساتي bit.ly/3eXXir5