မှိုအစပ်ကြော်နဲ့ ငါးကြင်းချဉ်ပေါင်

အသီးအရွက်ဆို ကိုယ်တိုင်စိုက် ကိုယ်တိုင်ခူးချက်ရတာ ကြိုက်တဲ့မြိုင့်အတွက် မှိုကို ကိုယ်တိုင်စိုက်ပြီး မှိုစပ်မွှေးကြော်လေးကြော်ဖြစ်တယ်ရှင်။ ချက်ချင်းခူးထားတဲ့ မှိုလတ်လတ်ဆတ်ဆတ်တွေကို ငရုတ်သီးစိမ်း၊ ကြက်သွန်ဖြူနီထောင်းပြီး ဆီလေးနဲ့လှိမ့်ကြော် နောက်ဆုံးမှာ ကန်စွန်းရွက်နဲ့ ပင်စိမ်းလေးအုပ်လိုက်တော့ မွှေးနေရောပဲ။
မှတ်မှတ်ရရ မြိုင်ရုံးသွားလို့ ထမင်းဘူးထည့်ရင် မှိုစပ်ကြော် ခဏခဏကြော်ဖြစ်တယ်။ မြိုင်ချက်တဲ့ မှိုအစပ်ကြော်ဆို တော်တော်များများကြိုက်ကြတယ်။ သူငယ်ချင်းက စျေးမှာ မှိုတွေ့လို့ မြိုင့်လိုကြော်စားချင်လို့ ကြော်နည်းလေးမေးတော့ မြိုင်တောင်ပြောပြလိုက်သေး မြိုင်တို့က ထမင်းစားရင် ချဉ်ငံစပ်ပါမှ အဲတော့ ငါးကြင်းကို ချဉ်ပေါင်ရွက်လေးနဲ့ချက် ချဉ်ချဉ်လေးနဲ့ ထမင်းကိုမြိန်လို့ ကလေးလူကြီး မှိုစပ်ကြော်ကြိုက်တော့ လောက်တောင်မလောက်ဘူး