მიკრო ბიზნესი

მიკრო ბიზნესი
რატომ შეიძლება იყოს სასარგებლო მიკრო ბიზნესის სტატუსის რეგისტრირება?
საქმიანობების ჩამონათვალი, რომლებზეც არ ვრცელდება მიკრო ბიზნესის სტატუსის მქონე ფიზიკური პირებისათვის დადგენილი კალენდარული წლის განმავლობაში მისაღები ჯამური ერთობლივი შემოსავლის 30 000-ლარიანი ზღვარი:
1. სასოფლო-სამეურნეო პროდუქციის მოყვანა, რომელიც ხორციელდება ტრაქტორებით ან კომბაინებით.
2. ხალიჩებისა და ორხოვისებრი ნაწარმის წარმოება.
3. პულოვერებისა და ანალოგიური ნაწარმის წარმოება.
4. ზედა ტანსაცმლის წარმოება, გარდა მოდელების დემონსტრირებისა და ჩვენებისა.
5. საცვლების წარმოება.
6. თავსაბურავების წარმოება.
7. დანარჩენი ტანსაცმლისა და აქსესუარების წარმოება.
8. ხის სხვადასხვა ნაწარმის წარმოება.
9. ტანსაცმლისა და თავსაბურავების ხის საკიდების წარმოება.
10. ხის საოჯახო ნივთებისა და სამზარეულოს საკუთნოების წარმოება.
11. ფაიფურისა და ქაშანურის სამეურნეო-საყოფაცხოვრებო ნაკეთობების წარმოება.
12. სამეურნეო-საყოფაცხოვრებო ჭურჭლისა და ინვენტარის წარმოება.
13. მუსიკალური ინსტრუმენტების წარმოება.
14. აკორდეონებისა და ანალოგიური საკრავების, მათ შორის, ტუჩის გარმონიკების წარმოება.
15. სასულე მუსიკალური ინსტრუმენტების წარმოება.
16. ცოცხებისა და ჯაგრისების წარმოება.
17. საყოფაცხოვრებო საქონლისა და პირადი მოხმარების საგნების რემონტი.
18. საყოფაცხოვრებო საქონლისა და პირადი მოხმარების საგნების რემონტი, თუ ის ხორციელდება ამ საგნების წარმოების, საბითუმო და საცალო ვაჭრობისაგან დამოუკიდებლად, თუ რემონტი ხორციელდება საქმიანობის სხვა სახეობებთან ერთად, მაშინ იგი განეკუთვნება საცალო და საბითუმო ვაჭრობის ან ამ საქონლის წარმოების შესაბამის დაჯგუფებებს.
19. ფეხსაცმლისა და ტყავის ნაწარმის რემონტი.
20. საყოფაცხოვრებო ელექტრონული ნაწარმის რემონტი.
21. საათებისა და საიუველირო ნაწარმის რემონტი.
22. ტანსაცმლის გადაკეთება და რემონტი.
23. საყოფაცხოვრებო საქონლისა და პირადი მოხმარების საგნების რემონტი.
24. თეთრეულისა და სხვა საფეიქრო ნაწარმის რეცხვა და დამუშავება.
25. შინამეურნეობის გაძღოლასთან დაკავშირებული მომსახურება.
შენიშვნა: აღნიშნული საქმიანობების ჩამონათვალზე არ გავრცელდება მიკრო ბიზნესის სტატუსის მქონე ფიზიკური პირებისათვის დადგენილი კალენდარული წლის განმავლობაში მისაღები ჯამური ერთობლივი შემოსავლის 30 000-ლარიანი ზღვარი, თუ ფიზიკური პირი დამოუკიდებლად ახორციელებს ეკონომიკურ საქმიანობას, არ იყენებს დაქირავებულ პირთა შრომას და თავადვე ახორციელებს ჩამონათვალში მოცემული საქონლის ან/და მომსახურების წარმოებას და საცალო წესით მიწოდებას საბოლოო მომხმარებელზე.
აკრძალული საქმიანობების ჩამონათვალი, რომელთა განხორციელების შემთხვევაში არ შეიძლება ფიზიკური პირისათვის მიკრო ბიზნესის სტატუსის მინიჭება
1. საქმიანობები, რომლებიც საჭიროებენ ლიცენზირებას ან ნებართვას, გარდა „ლიცენზიებისა და ნებართვების შესახებ“ საქართველოს კანონის 24-ე მუხლის 261 პუნქტით გათვალისწინებული („საქართველოს დედაქალაქში მსუბუქი ავტომობილით − ტაქსით (M1 კატეგორია) გადაყვანის ნებართვა“) საქმიანობისა.
2. საქმიანობები, რომლებიდანაც მიღებულმა შემოსავლებმა კალენდარული წლის განმავლობაში შესაძლოა გადააჭარბოს 30 000 ლარს.
3. სავალუტო ოპერაციების განხორციელება.
4. სამედიცინო (გარდა სახელმწიფო პროგრამაში ჩართული სოფლის ექიმისა და ექთნის/ფერშლის მიერ გაწეული სამედიცინო საქმიანობისა), არქიტექტურული, საადვოკატო ან სანოტარო, სააუდიტო, საკონსულტაციო (მათ შორის, საგადასახადო კონსულტანტთა) საქმიანობა.
5. სათამაშო ბიზნესი.
6. ვაჭრობა.
შენიშვნა: აღნიშნული დანართის მე-6 პუნქტი არ ეხება იმ შემთხვევას, როდესაც ხორციელდება შესყიდული საქონლის გადამუშავება და მიწოდება.
#მიკრო ბიზნესი #მეწარმე #სამეწარმეო საქმიანობა #ბიზნესი #კრესკო #Cresco

[@TheEarl732]

მადლობა საინტერესო ვიდეოსთვის

[@fighter8860]

ძალიან დამეხმარა ეს ინფორმაცია სად არ ვეძებე და ძვლივს ვიპოვე თქვენი ვიდეო ❤❤

[@CrescoVlog]

მიხარია თუ გამოგადგათ

[@tamrunina93828]

თუკი შევისყიდი პროდუქციას საზღვარდარეთიდან და ვყიდი ესეიგი ვჭრობაა და მცირე ბიზნესი გამოდის ? ან თუ რანდენიმე ნივთს ერთად ვაერთიანებ, ანუ სახეს ვუცვლი და უსე ვყიდი ინდ მეწარმე ვარ? ინდ მენწარმე რეგისტრირდება მიკრო ბიცნესად თუ ვეღარ? მადლობა წინასწარ

[@nugzari7914]

გამარჯობათ კერძო სახლი მაქ და ხანდახან არის ხოლმე შემთხვევა როდესაც ვაქირაბებ ნახევარ მხარეს ამ შემთხვევაში ვალდებული ვარ რო მქონდეს რაიმე საგადასახადო სტატუსი?

[@user-bv3tr7rd6h]

👍👍👍❤️

[@nikolozshavgulidze9294]

მადლობა ვიდეოსთვის, ასეთი შეკითხვა მაქვს: რითი განსხვავდება მიკრო მეწარმე ინდმეწარმისგან?

[@CrescoVlog]

ნიკოლოზ, გამარჯობა! საკმაოდ რთული კითხვაა ასახსნელად :)) ვეცდები პრაქტიკულ განსხვავებაზე გავამახვილო ყურადღება. ინდ. მეწარმე არის სამართლებრივი ფორმა; ხოლო მიკრო ბიზნესი არის სპეციალური საგადასახადო რეჟიმი განსაზღვრული საგადასახადო კოდექსით. ანუ, "მიკრო ბიზნესი" ეწოდა ფიზიკურ პირებს, რომლებსაც მიენიჭათ შეღავათი საშემოსავლო გადასახადზე. "მიკრო ბიზნესი" სახელია - ბიზნესი არ არის ტრადიციული გაგებით. ინდ. მეწარმეს შეუძლია მიმართოს საგადასახადოს და აიღოს "მიკრო ბიზნესის" სტატუსი იმისათვის, რომ ისარგებლოს შეღავათით. წინააღმდეგ შემთხვევაში დაიბეგრება სტანდარტული განაკვეთებით.

[@lelajaparidze4465]

​@@CrescoVlogგამარჯობა, თქვენი ვიდეოები სწორედ ისაა რაც ძალიან დამეხმარება, ახლა კითხვა მაქვს ასეთი, თუ სწორად მივხვდი მიკრო მეწარმედ დარეგისტრირება ჯობია ინდ მეწარმეობას? და კიდევ ადამიანი რომელსაჯ ჯერ არაფერი აქვს დაწყებული თუ შეუძლია რაიმე პროგრამით დაფინანსდეს და ისე დაიწყოს ბიზნესი? მადლობა ❤

[@gelatsenteradze8442]

ვარ ინდმეწარმე. ჩემი საქმიანობას მიკრო ბიზნესის სტატუსი კანონით არ ენიჭება. ამასთან ერთად დავიწყე ხელნაკეთი ნივთების დამზადება, რომელიც შეიძლება და მინდა მიკრო ბიზნესის სტატუსით ვაწარმოო. რას მირჩევთ? წინასწარ მადლობა.

[@CrescoVlog]

გამარჯობა, ბატონო გელა, შეგიძლიათ მიიღოთ მიკრო ბიზნესის სტატუსი, რომლის ჭრილშიც განახორციელებთ ხელნაკეთი ნივთების დამზადებას. ხელნაკეთი ნივთებიდან მიღებულ შემოსავალს დაადეკლარირებთ მიკრო ბიზნესის სტატუსის ქვეშ და არ დაბეგრავთ. ხოლო დანარჩენ შემოსავალს არ გაითვალისწინებთ მიკრო ბიზნესის დეკლარაციაში და დაბეგრავთ ისე, როგორც ეკუთვნის ამ საქმიანობას.

[@giorgimakharadze3497]

გამარჯობა.მაქვს 1000 კვ ტერიტორია ბათუმში პრესტიჟულ ადგილზე.მინდა თვითონ ავაშენო მრავალ ბინიანი საცხოვრებელი კორპუსი, ამისთვის რომელს მირჩევთ ინდმეწარმეთ დავრეგისტირდე თუ შპს?

[@ekaterinepapiashvili9098]

ბატონო გიორგი, ორივეს გააჩნია თავისი დადებითი და უარყოფითი მხარეები - ცალსახად თქმა რთულია. თუმცა, სამშენებლოს მიმართულებით როგორც წესი შპს-ს არეგისტრირებენ. წარმატებები!

[@zazabagagoshvili7522]

მცირე ბიზნესის სტატუსი მაქვს მატერესებს კვების ობიექტის გაკეთება შემიძლიან ?

[@CrescoVlog]

გამარჯობა ზაზა, პირველ რიგში მადლობა კომენტარისთვის. 🤗 რაც შეეხება თქვენს შეკითხვას - აქვე გაგიზიარებთ მცირე ბიზნესისთვის აკრძალული საქმიანობების ჩამონათვალს, რომელიც ასევე მოცემულია ვიდეოს აღწერაში: 1. საქმიანობები, რომლებიც საჭიროებენ ლიცენზირებას ან ნებართვას. 2. საქმიანობები, რომელთა განხორციელება მოითხოვს მნიშვნელოვან ინვესტიციას (აქციზური საქონლის წარმოება). 3. სავალუტო ოპერაციების განხორციელება. 4. სამედიცინო, არქიტექტურული, საადვოკატო ან სანოტარო, სააუდიტო, საკონსულტაციო (მათ შორის, საგადასახადო კონსულტანტთა) საქმიანობა. 5. სათამაშო ბიზნესი. 6. პერსონალით უზრუნველყოფა. 7. აქციზური საქონლის წარმოება. პირველი რიგში, მნიშვნელოვანია, რომ საქმიანობა რომლის განხორციელებასაც გეგმავთ არ იყოს აკრძალული საქმიანობების ჩამონათვალში. საკითხის უფრო დეტალურად მოსაკვლევად გთავაზობთ დისტანციურ კონსულტაციას - [e-mail]

[@mamami7826]

გამარჯობა, სტუდენტი ვარ და ვაპირებ საკუთარი მცირე ბიზნესის დაწყებას,რა საკვირველია მომავალში გაფართოების და დიდ ბიზნესად გადაქცევის პერსპექტივით,მაგრამ თავდაპირველად მცირე რაოდენობით ვიწყებ და საკუთარი პროდუქტის რეალიზებას სხვა კომპანიებთან,კერძოდ სუპერმარკეტებთან ვგეგმავ ხოლო რას მირჩევთ როგორც შპს ისე დავარეგისტრირო თუ როგორც ინდ მეწარმე და მცირე ბიზნესის სტატუსით თუ სხვა რომელიც უფრო რენტაბეულირ იქნება ჩემთვის.მადლობა წინასწარ♥️

[@CrescoVlog]

მოგესალმებით

[@mariamzardiashvili7692]

სანთლის წარმოების შემთხვევაში 30 000 ლარიანი ზღვარი ვრცელდება?

[@CrescoVlog]

მარიამ, გამარჯობა! სანთლებს გააჩნია :)) რელიგიური საქმიანობის ფარგლებში თუ აწარმოებთ - საერთოდ არაა ეკონომიკური საქმიანობას და მიკრო ბიზნესის სტატუსიც არ მიესადაგება. თუ ჩვეულებრივი სანთლებია - მაშინ ვცდელდება 30 000 ლარიანი ზღვარი. აქვე დავამატებ - ნაყიდ სანთელს სახეს თუ არ უცვლით და ისე ყიდით ეს ვაჭრობა იქნება და არა წარმოება; და აკრძალულია მიკრო ბიზნესისთვის. წარმატებები!

[@tamrunina93828]

ნაყიდ რამდენიმე სხვადასხვა ნივთს თუ ვაერთინაებ და ისე ვყიდი ეგეც ვაჭრობაა? თუ ინდ მეწარმე ?

[@dzagulibezhanishvili6767]

გამარჯობათ. მცირე მეწარმის განმარტებულია რომ ქონების და უძრავი ქონების გაქირავება არ სარგებლობენ შეღავათით. მიკრო მეწარმის შემთხვევაში მაინტერესებს ინვენტარის გაქირავება, როდესაც 30000 ლარს არ აღემატება წლიური შემოსავალი გათავისუფლდება თუ არა დაბეგვრისგან.

[@CrescoVlog]

მოგესალმებით! სამწუხაროდ, აღნიშნული ვიდეოს მიზანია უბრალოდ გაგაცნოთ განსხვავებული ფორმები, რომელთა დახმარებითაც შეგიძლიათ ბიზნესის წარმოება. ჩვენ არ ვართ საგადასახადო ექსპერტები და ამის გამო დეტალურ საგადასახადო რეკომენდაციებს არ გავცემთ. გისურვებთ წარმატებას!

[@colchis.]

გამარჯობა, სკოლა ახლახან დავამთავრე მაგრამ მინდა პატარა ბიზნესის გაკეთება 🙂 კერძოდ ხელოვნების დარგში, ვაპირებ ჩემი ორიგინალი ნახატების, ტანსაცმლის და აქსესუარების გაყიდვას. ჯერჯერობით 2023 წლამდე პატარა რაოდენობაზე მუშაობას ვფიქრობ და შემდეგში კი პროდუქციის დამატებას. ხატვა და დიზაინის შექმნა საკმაოდ კარგად შემიძლია, რამოდენიმე საერთაშორისო კონკურსიც მაქვს გამარჯვებული, ამიტომ მჯერა რომ 100%-ით გამიმართლებს ამ მხრივ. მაინტერესებს ამ ინფორმაციის მიხედვით რომელ კატეგორიას მივეკუთვნები და ადვილი იქნება თუ არა ბიზნესის დარეგისტრიტება. მადლობა

[@CrescoVlog]

მოგესალმებით! ძალიან საინტერესო და სასიხარულო საქმეს უდგებით და პირველ რიგში წარმატებას გისურვებთ! შეგიძლიათ სამეწარმეო საქმიანობა აწარმოოთ როგორც ინდ. მეწარმემ და ასევე როგორც შპს-მ - რომელიც უფრო მოგწონთ ამ დეტალების გათვალისწინებით - kzbin.info/www/bejne/hIK4ootvi9eSibs ორივეს რეგისტრაცია უმარტივესია. მიდიხართ იუსტიციის სახლში პირადობით და იქვე გირეგისტრირებენ. წარმატებები!

[@colchis.]

@@CrescoVlog გმადლობთ დახმარებისთვის❤

[@CrescoVlog]

@@colchis. ინდ. მეწარმეს თუ გადაწყვეტთ მერე უყურეთ ამ ვიდეოს და ასევე მცირე ბიზნესზე. რეალურად ეს არის საგადასახადო რეჟიმები :) თუ ინდ. მეწარმე მისაღები იქნება თქვენთვის მაშინ სავარაუდოდ მიკრო ბიზნესი იქნება აქტუალური. წარმატებები!

[@Wh0lets]

მიკრო ბიზნესი ინდ მეწარმეა თუ ფიზიკური პირი? და RS.ge-ზე სტატუსი მოქმედი უნდა მოვნიშნო?

[@CrescoVlog]

გიორგი, გამარჯობა! მიკრო ბიზნესი ფიზიკური პირია. rs.ge-ს რაც შეეხება - სამწუხაროდ, აღნიშნული ვიდეოს მიზანია უბრალოდ გაგაცნოთ განსხვავებული ფორმები, რომელთა დახმარებითაც შეგიძლიათ ბიზნესის წარმოება. ჩვენ არ ვართ საგადასახადო ექსპერტები და ამის გამო დეტალურ საგადასახადო რეკომენდაციებს ვერ გავცემთ. გისურვებთ წარმატებას!