除卻了亞九 ～ 江平 馮玉玲 合唱

曲詞 :
除卻了阿九，重有邊一個及得佢咁銷魂。任得你靚到鬼火咁淒涼，都要讓佢幾分。佢兩頰桃花，不用搽脂盪粉，石榴裙下，佈滿不二之臣。講到佢抱起琵琶，就越發唔使問。唱到關王廟相會，佢重句句咁傾心。銷魂一曲，的是非凡品。鶯喉婉轉，真係蕩人魂。
但知否月不常圓花易落，紅燈夜夜應該早覓知心。妹呀，快活風流非長幸。你遇到個真情者，你就要格外留神。淨係替養母發財，非你本份。我勸你求籤拜佛，應該問番紙自身，因為年紀漸高容漸腿，從前恩客會變作陌路人。
妹呀，你性本係咁聰明，你平日係咁謹慎，又知否黃金難買寸光陰，所謂樹高千丈落葉歸根，人無歸結，好極都係閒聞。面對個世界，你慢慢想真，喉就會噎哽。酒壺拈起，眼淚粘喉吞。總之唔得到上街呢，千日都係無倚憑。試問從良嗰兩個字呀，妹呀，你想透想透唔曾。
(催快) 你知否多少痴男，為你賤視封侯印，知否情到深時會恨更深，總之花債未完都非福份，你休再混，望你 (漸慢) 脫離苦海，好過我步上青雲。

[@kotenist]

很出色.

[@lgsmart9218]

Love this song since young🤗🤗🤗👍👍👍👏👏👏💯💯💯💖💖💖!!! Thanks for uploading 🥳🥳🥳!!!

[@eddychow2511]

fabulous!