Рет қаралды 380
Sögufélag Kópavogs með athöfn við Kópavogslækinn 1. mars 2014 þar sem afhjúpaður var minningarsteinn um systkynin frá Hvammkoti sem drukknuðu í læknum í vatnavöxtum 140árum áður, þann 1. mars 1874 á leið sinni frá kirkju í Reykjavík.
Athöfnin við lækinn hófst á því að Frímann Ingi Helgason í Sögufélagi Kópavogs, flutti erindi. Arnhildur Jónsdóttir leikkona las kvæði Matthíasar Jochumssonar, Börnin frá Hvammkoti og Sr. Gunnar Sigurjónsson prestur í Digraneskirkju flutti ávarpsorð og fjallaði um atburðinn.
Minningarskjöldurinn var svo afhjúpaður af þeim frændsyskinum Árna Sigurðssyni og Þórunni Önnu Sigurðardóttur, en langamma þeirra Sigríður Elísabet Árnadóttir var sú systkinanna frá Hvammkoti sem komst lífs úr læknum.