Рет қаралды 3,984
Mir Məhəmməd Ağa Yavaş Yavaş Səsləndirən Nicat Ələsgərov - Oxuyur Mirələm Mirələmov
YAVAŞ - YAVAŞ
Sönür həyatımın nurlu günəşi
Qaralır ömrümdə qaş yavaş yavaş
Sındı el içində şəst-i vüqarım
Əyildi sinəmə baş yavaş yavaş
Bağımda bağçamda bar əldən gedir
Ağ sinə üstündə nar əldən gedir
Gözüm baxa baxa yar əldən gedir
Qoy düşsün başıma daş yavaş yavaş
De hara zillənib hara gözlərin
Çəkməsin qoy məni dara gözlərin
Süzəndə qıygacı qara gözlərin
Məni axtaraydı kaş yavaş yavaş
Sevinci özgənin möhnəti mənim
Vüsalı özgənin həsrəti mənim
Ayrılıgı mənim qürbəti mənim
Oldum intizara tuş yavaş yavaş
Bir gizilti duydum əl- ayagımda
Kimsə dada çatmaz qəmli çağımda
Otlar da saralır ömür bağımda
Deyən yaxınlaşır qış yavaş yavaş
Açmasın bağçamda çiçəyim gülüm
Ta niyə danışım, ta niyə gülüm?
Eşitdim gedirsən ərə, sevgilim,
Axdı yanagımdan yaş yavaş-yavaş,
Mən eşqin yolunda çəkdim əziyyət
Deyildi üzümə min tə`nə töhmət
Əlac ona qalıb ay Mir Məhəmməd
Yığış bu dünyadan köç yavaş yavaş
Oxuyur Mirələm Mirələmov