Mirfayaz Likməkani - Saqi, ım badə çı badə? .... (ğəzəl)

Soği, ım bodə, çı bodəy? Hiç mıni məstıj nıkay,
Boy, hələ iqlən dərut, çiç be, bəmı vəstıj nıkay.
Tı bığət pırpoz, ji şişəy, rəxdə bodon dastojon,
Ki peşoməy, rə be poymol, i kərən rostıj nıkay.
Zinə az bekef-bekef qardim kinə əyvoni va,
Bomıro noinsofi hiççi qədə dastıj nıkay.
Ya çımı holıj zınəy, vote nıvindom əy jıqo,
Bə səbəb be, dim-dido əy bı səfo, ğəstoj nıkay.
Boy hələ, iqlən biyə, şəv be, diye, maşki bışom,
Qəv okəm bo dardi bəyro, vəs nıbe, sıstıj nıkay.
Otəş ən ve kardə mıncır, emdə əv bə kom vırə,
Çəyro vuji qardışi həmdardıjən dustıj nıkay.
Mirfəyaz, ve soyə bınvışt ki, boto ha handəkəs:
-Əy mıhı jəy bə ğəzəl şe, hiç ımi rostıj nıkay.
Mirfayaz Likməkani
15.12.2023
#mirfayazlikmekani #qəzəl
#əruz #ədəbiyyat #талыши
#tolışəzıvon #تالش #qəzəl