Рет қаралды 2,625
الافتكاسة المصرية والحمام اللاحم السلفر
اولا انا مفيش عندى سلفر للبيع عشان مفيش حد يفتكر انى بروج او ده فيديو بيع
اتكلمت قبل كده عن ان فبه ناس كتير فى مصر مش مصدقين ان الشركة الفرنسبة عندها حمام لاحم سلفر وان اللاحم السلفر ده ماهو الا وحد مربى حمام مصرى زينا بيفهم فى التهجين جاب دكر لاحم ابيص حجمه حلو ونتابه سلفر سفيفه وجوزهم طلعو زغاليل سلفر
طبعا اللى قال عالموضوع ده حد مشهور جدا وبعتبر علم من اعلام الحمام اللاحم الفرنسى
فا طبعا اخوننا المبتدئين لما شافو الكلام ده افتكر ان كل اللاحم السلفر كده لا دى الشركة فيها علماء بيشتغلو سنوات طويلة لحد مايوصلو للمستوى المطلوب لا طبعا ياجماعة الموصوع مش بالبساطة دى وعشان انت اللى تهجن عشان تعمل سلفر فرنسى ماتقولش عليه فرنسى اه وانت بتبيع قول للمشترى ده سلفر مصرى هايقولك يعنى ايه مصرى فهمه وقول له احنا اللى عاملينه عندنا عشان لما يتفاجأ. يلافبه بيطلع زغاليل زاجل لا يفاحأ
او بيطلع زغاليل ملطشه اه مرة ممكن يطلع شبه اللاحم السلفر بفول شبه وبؤكد على شبه مش لاحم سلفر فرنسى ده احنا هنا فى مصر لما بنيجى نشترى جوز لاحم بنطلع فيه القطط الفاطسه هاتلاقى المشترى بيقول لك بيلحم على كام يوم وحجم بيضه اد ايه ولو فيه ريش فى رجله خفيف يقولك مش لاحم وعايز جفن وردى ورجلين وردى وعايز حجم جامبو وهاتلاقى حد تانى يقول لك الجامبو مش لاحم فرنسى وكل ده وهو عايز قص ب ٤٠٠ جنيه ولو قلت له من باب المعرفه بس سعر اللاحم اللى بختم الشركة الفرنسبة لو جبته من بره يتكلف ١٨٠٠٠ جنيه يقولك ياعم انتو حراميه مع ان انك ماقلتش انك بتبيعه او ان عندك حمام بالختم
الموضوع مش بالسهولة
خلاصة الكلام القص ده لو انا هاشتريه وانا متأكد انه ابن من ابناء الحمام اللاحم الفرتسى البيور اللى احداده كانو جايين من فرتسا بالختم فانت هنا لقيت كنز واوعى تسيبه حتى لو كان غالى هو فعلا هاتلاقيه غالى لان دى حاجه نادرا لو لقيتها فى مصر واعرف انك هاتحط فلوسك فى مكانها الصح واوعى تشترى الافتكاسة اللى قلنا عليها من شويه دى
اولا الحمامه اللى جايه من فرنسا دى السلفر دى مفيش مرة هاتطلع لك حمام بشكل تانى ابدا على مر السنين مستحيل الا اذا ربيتها سايب ودكر طلع بالغلط على نتايه وده مش عيب
ماتشتريش لاحم سلفر او ابيض او اى سلاله من حد بقول لك انت عند شويه حمام ببيعهم عشان بصفى زهقت من الحمام تب صورهم لى فيديو تلاقبه باعت لك الفيديو حمام سايب متربى ٣ او اربع انواع مع بعض اى حمام بيجوز اى حمام يقولك عندى بلدى تقيل ورومى ولاحم وكنج كله عالارض واللى عايز يتجوز حاجه يتجوزها ياخى حرام عليك وممكن فى الاصل كان شارى قص كنج محترم غالى ورماه فى وسط الهيصه دى وبقت كلها بزرميط هو حتى لو جيت سألته فيت اول قص اشتريته عشان انت اشتريه يكون بيور يقول انا مش عارف انا كنت بدبح وباكل اللى يعجبنى
نرجع للاحم السلفر الفرنسى مش المصرى
الفرنسى لايمكن بأى حال يخل معاك فى الالون
لايمكن يخل معاك فى سرعة الانتاج الا اذا اصيب بمرص او ان تكون مقصر معاه فى كلفة او فيتامينات ناقصاه او املاح معدنيه
هاتلاقى الفرنسى بتاخد منه بيض وتحضن زى ده مثلا انا سايب له بيضه يحضنه حاليا اهه لكن لما البيض يفقس والزغاليل بتكون فى العمر ده بيبيض انا بخد البيض ده واخضنه تحت الزاجل وهو هايبض تانى بعد اسبوع تقريبا هاتكون الزغاليل دى كبرت شويه اه والله مابتكونش كبرت اوى عايز تحضن البيص التانى ده حضنه عارف انا بحضنه ليه عشان احافظ على البيض لان الزغاليل دى لما تحرى على الاهالى يوكلوها هاتبوظ الببض هاتدوس عليه تعكه او تكسره وغالبا هايبوظ فا انت بتكون محتار اشيل الزغليل وهى صغيرة ولا اشيل البيص انا عن نفسى بفصل اشيل البيض عشان انا ماعنديش سلفر كتير عايز ازود منه منها الاهالى بكبرو الزغاليا ومنها يبيضو تانى امتى بسيب لهم البيض لما بلاقى الزغاليل كبرت وينفع تتفطم
المصرى مش هايبيض بالسرعه دى صدقنى حتى لو قلت لى انا عندى زاجل بيبيض بسرعه برصه بقولك دى بتكون صدفه غير منتظمه يعنى مش كل مرة
ماتشتريش من المصرى الا اءا كنت هاتذبحه لكن عايز تعمل سلاله وتكون مشهور وتبيع منها اشترى الاصلى حتى لو كان غالى اجتهد عليه واصبر وافرخ منه كتير وحضن بيضه هاتبجى بعد ٦ شهو هاتلاقى عندك قص من انتاجهم اشتغل وبعدها باسبوعين هاتلاقى قص تانى وفى خلال سنه هاتلقى عندك منه حمام كتير شغال وزغاليل اكتر ويبقى عندك مزعة حمام لاحم سلفر لانك بتعرف تفرخ وبالتأكيد عندك حمام تحضين عشان تفرخ منه وتزود الانتاج