مجلس نسائي عزاء الحسين ع لطم نسوان10 محرم،،، ليلة الوحشه» لخوي حسين وين الوحشه اصليهه/القصيده مكتوبه

#القصيدة
لخوي حسين وين الوحشة اصليهه
وكلمـن فاگـده الوادم تعزيهـــه
ــــــــــــــــــــــــــــــــــــــــــــــــــــــــ
مفگود الحنين اوحشته الليله
وين انصب عزاه اوين اصليله
بلبر ضايعه وتاهت مداليله
ولا خيمه البقت نلتم بعد بيهه//
............
مشتعله الخيم والنار منشوبه
وروحي الله الحنين حسين مصيوبه
ضلت جثته اموذره ومگلوبه
عطشان وين چبدته امصوبيهه//
.............
عطشان الحنين وناشفه عروگه
عگب حسين ياضيم الذي انضوگه
اسحگ بلجمر والجدم محروگه
تنذل المره لون مـات واليهه //
.............
تنذل الحرم لو ماتو الوليان
فرن بلبراري ولزمن الوديان
مهضومه وصحت يحسين يلعطشان
اگعد يلغريب ودور عليهه//
.........
اگعد للحرم يحسين دورهه
شوف الغاليه مكسور خاطرهه
يم جسمك لفت والشمر جرجرهه
بـــاجر گال للكوفه يوديهه//
.............
باجر گالهه تروحين ميسوره
من جور الدهر كسرات مكسوره
ماجابت لخوهه حسين كافوره
مايرضه الشمر يمه يخليهه//
...........
مايرضه الشمر زينب تضل عنده
تجر بلهون سهم الصوبه بچبده
لا حفرت گبر لا وسدت خده
ردت تنتحب والحزن غاطيهه//
...........
ردت والغريب اعله الرمل نعشه
تعثر والجدم مايحمل الممشه
الليله مضلمه ومكدره اوحشه
اشلون اشلون يازينب گضيتيهه//
...........
لخوي حسين وين الوحشه اصليهه
....... تمت