#مجرور

#مجرور "ياملهم الشعر"
كلمات الشاعر : عبدالملك بن عواض الخديدي
أداء : سامي بن تركي
لطلب الشيلات : 0598905858 (واتس اب)
توزيع : استوديو الوزاب
​⁠‪@Alwzab1‬
تصميم الفيديو: سهم العبادل
@-shmal3badl177
كلمات القصيدة:
يا ملهم الشعر سطر ما يريد الفكر
واطر المعاني بجزل القاف نعم الطرا
حدد مسار القلم وانظم بيوت الفخر
واعرف مقام الكلام اللي بليله سرى
مقام روزة خديد أهل الوفا والظفر
دار العلي هيبه وقيمه وعز وذرا
يا مرحبا عد ما لاح الحيا وانتشر
ترحيب ضافي يمثل راية اهل القرا
الجود يبني سلومه فالقصور الحمر
طبعٍ مورَّث لنا والطبع ما يكسرا
لخديد عنوان راسخ والمواقف تسر
ماضي مجيدٍ وحاضر بهجة اللي يرى
رجالها في تواريخ العرب والسير
امجادهم تنكتب وافعالهم تنقرا
والشور والراي يعقد في قصر بن مطر
شيخٍ يحل الأمور الكايدة واكبرا
خديد عزوة نفيع وفالسراة المقر
لابني سعد يوم كان الوقت له منبرا
بطنين فخر النسب بنيانها مشتهر
ترثة عتيبة لها تاريخ ما ينكرا
والعز وسط القلاع اللي تسر النظر
قنة خديد المنيعة فضل رب الورى
وجملة قبايل عتيبة قدرها معتبر
متوثبه للشدايد مثل اسود الشرى
وكل القبايل لها التقدير بدو وحضر
في ظل دولة تطبق شرع رب البرا
المملكة صيتها عالي رفيع القدر
تشهد جميع البشر والقبلة أم القرى
#مجرور #مجرور_الطائف #خديد #الدار_الحمراء #بني_سعد #الطائف #السعودية #شيلات #شيلات_مجرور
#صافي_الثبيتي #سيف_المنصوري #مهناء_العتيبي #مهناالعتيبي #بن_فصلا

[@user-vy1gi6wr9f]

حي ذا الصوت كل الحب والتقدير استاذي ومعلمي الفاضل سامي السعدي راعي الطيب والمواقف المشرفه كلماتي في سطور ماتعبر عن تقديري لشخصك وروحك الجميله

[@user-cs6gw7wb9g]

(عز الله اني سمعت ابيات عز وذخر) (ندري ويدري بها من كان قلبه درى) (هيضتني يالخديدي فوق سطح القمر) (ونزلت اجاري ابيوتك وانت فوق الثرى) (المفخره يالخديدي كان فيها فخر) (بالمسجد اتكون الاول والله الاكبرا) (والعز وان كان ودك بالحياه النصر) (تتبع خطى المصطفى امام كل الورى) (وان كان ودك يحبونك جميع البشر) (النيه الطيبه والعفو عمّا جرى) (ياعتيبه اعزكم وافعولكم تنذكر) (نخوه وسطوه وموتٍ للعدا احمرا) (والمملكه ياولد اخديد بطن وظهر) (ارض الرساله وتاريخٍ لنا امسطّرا) (الوايلي ساق لك فنجاله المعتبر) (من طايف الورد وابياته لك امعطرا)

[@samis3di]

صح لسانك

[@user-cs6gw7wb9g]

@@samis3di صح بدنك وبوحك وعسى عمرك طويل