مكالمة تقى - أنتي راجعة ليه ؟؟ - أحمد رأفت فويس نوت

صوت
أحمد رأفت
إنجي
--------------------
تصميم و ميكساج و كلمات
أحمد رأفت
______________________
/ ahmedraafatoffical
____________________
(الكلمات)
حمد : ألو ... ألو
انجي : احم .. ألو
احمد : مين ؟؟؟
انجي : انا تقى يا احمد
أحمد : تقى !! ازيك ياتقى ايه اخبارك
رقم مين ده
انچي : ده رقمي التاني اللي انت مش حطه في البلاك ليست
احمد : بلاك ليست ايه يا بنتي عيب عليك
هتلاقيها شبكه مش اكتر
انجي : ياسيدي عادي .. انت عامل ايه
احمد : في نعمه الحمد لله
انجي : مبرووك ياصحبي
أحمد : الله يبارك فيكي
أنجي : مع ان والله ماصدقت اول ماعرفت
بقى احمد اللي طول عمره يقول جواز ايه و بتاع ايه .. يخطب
أحمد : وانا والله كمان مش مصدق بس نعمل ايه بقى سنة الحياة
انجي : ممم .. وده وقعتك ازاي ده
احمد : بما يرضي الله والله ياتقى
أنجي : بما يرضي الله ده انت بقيت شيخ كمان
احمد :،لا خالص والله انا اقصد ان يعني شوفتها و سالت عنها و اتقدمتلها .. فامن غير تنطيت بما يرضي الله
انجي : انت هاتقولي .. انت حافظ مصحفين على يدي
أحمد ... ههههه يخربيت فقرك
انجي : على كل حال يا عم انا قولت اسأل عليك .. ماهو اصل من لقى احبابه
أحمد : عيب عليكي يا تقى هو بس زحمه الدماغ مش اكتر
أحمد : ماشي ياحمد
هاسيبك دلوقت لاحسن خطيبتك تتصل تلقيك ويت ترفعلك الشبشب .. الا صح اسمها ايه
أحمد : أيات .. اسمها ايات
انجي : مش آيه واحده يعني ؟؟! هتفضل برضو مش سالك .. ماتكفكش واحده
أحمد : اهو والله بنحاول .. ربنا يهدينا
أنجي : يارب ياخويا .. يالا باي
أحمد : باي
....................
أحمد : ايوه يا تقى
أنجي : انا لازم ارن عليك كذا مره عشان ترد
أحمد : لا بس نايم وماسمعتش الفون
أنجي : حد ينام بدري كده .. الساعه لسه ٢ وبعدين ماترغيش ليه مع خطيبتك .. والله شكلها مسوده عيشتك
أحمد : لا اتكلمنا مع بعض من شويه و قلنا عشان ننام
أنچي :،يعني هي نامت .. ؟
أحمد : اه تلاقيها نامت
أنجي: طب ممكن تفوق شويه عشان عاوزه اتكلم معاك
أحمد : طب ممكن نأجل الكلام لبكره عشان الوقت متأخر ولو آيات رنت .. ممكن تفهم غلط
أنجي : الله الله .. انت من امتى بتخاف كده
أحمد : القصه مش خوف ياتقى .. هو احترام للبني ادمه ده
أنجي : ياسيدي حول التليفون زي ماكنت بتعمل زمان
أحمد : تؤؤ .. طب ثواني
أحمد : معاكي
أنجي : اصل كنت قاعده ومش جايلي نوم
و لاقيت نفسي حضنه المخده كده .. فافتكرت حضنك .. واخر مره كنا سوا
أحمد : ههه طب اقولك ايه طيب .. مصحياني من النوم عشان تحكيلي حكاية المخده ربنا يهديكي والله يا تقى
أنجي .. يارب ياعم المؤدب
بقولك ايه .. يالا ننام
أحمد : هاتقفلي ..؟
أنجي : لا خليك معايا عالتيلفون لحد ماروح في النوم
أحمد : مانتي عارفه حوار النوم عالتيلفون ده مابينتهيش معانا بسلام
أنچي : لالا هنام .. و لو خرفت بقا اعذرني
أحمد : ماشي يا تقى
.........
انچي : ماتيجي بكره ننزل بالعربيه
أحمد : تقى انا حاسس ان احنا رجعنا نعك تاني
وانا البني ادمه اللي معايا ده مالهاش ذنب بوساختي ده كلها
أنجي : تقصد اني وسخه يعني
أحمد : مقصدش كده
بس البنت ده طيبه و بنت حلال و حتى لو ماكاشفتش العك اللي بعكه ده
ربنا مش هايرضلها الظلم
أنچي : احمد انت اعصابك تعبانه و مش عارف بتقول ايه
تعالى ننزل و نتكلم و انت هاتهدا انا متأكده
.............
انجي : بقالي كذا يوم بكلمك مش بترد عليا
أحمد :،مخنوق شويه و مش بكلم حد
أنجي : وانا حد يا احمد ؟
احمد : ايوه حد يا تقى
أنچي :،طب اهدا بس في ايه مالك
احمد : في ان سبت آيات يا تقى
سيبت انضف بنت عرفتها في حياتي
أنجي : طب ليه كده .. انت عملتلها ايه
شافت اي حاجه بنا ؟!
احمد :ماشفتش اي زفت بنا .. بس هي قلبها كان حاسس بحاجة غلط
ولما قالتلي صارحني و صارحتها .. ماقدرتش تستوعب ان طول المده ده كنت بعك و انا مواعدها ان ابعد عن اي قرف ان كنت في قبل ماعرفها ..
لاقيتها بتقلعلي دبلتي و بتقولي ربنا يهديك لنفسك
انچي : ياعم سيبك منها .. انا هنسهالك
احمد : انتي ايه .. انتي ظهرتيلي ليه تاني
انا كنت بحاول ابقى بني ادم .. ليه كده بس حرام عليكي
انتي عارفه بتجبيني ازاي
وللاسف ديما بتنجي في كده
لان انا بضعف قصادك
انتي واللي زيك اوسخ من الشياطين
الشيطان هاستعيذ بربنا منه
هايسبني في حالي
اما انتي مش سيباني في حالي
أنجي : بقولك ايه يا احمد انا مابتضربكش على ايدك
بس بتذني على وداني .. بتغريني بكلامك و افعالك .. وعشان الطيور،على اشكالها تقع
فابتوقعيني ..انا وسخ اه ..
لكن انتي حقودة و قلبك اسود و بتتمنى زوال النعمه من ايد غيرك
سبيني في حالي لله يا تقى

[@Mariam-kv4ct]

بجد انا بتفرج علي علا التيك توك ودخلت اشتركت على اليوتيوب بس والله جمد عاش بجد انا حبيت المكلمات دي بجد والله 💖💖💖💖💖

[@mohammedembaby1092]

استمر ي صديقي

[@najlabokomya6855]

تحياتي واحترامي لشخصك الراقي مع مزيد من التألق بالتوفيق

[@aliabbood1054]

اني معجبه جدااا بقناتك من التك توك

[@eyad_elmoogy]

انت فنان❤️🥀

[@maha100]

روعاتك فنان 👌

[@ahmedelhoussiny4593]

حلو اوي يا احمد يا ريت تعمل مكالمات توعي البنات اكتر من كدا و عندي افكار كتير حلوه ممكن اقولك عليها

[@engymousa9634]

❤❤❤احمد رافت واحد بس

[@user-js5io1vv1i]

نزل فديوهات صرلك زمان مو منزل شي متابعك على كل مواقع التواصل الاجتماعي 🥀🤍

[@manomagic5927]

جامد والله كمل عاش فشخ

[@salimatn7130]

Magnifique 👏👏👏 bravo

[@mohamedmahmoud6795]

روعة

[@abdelrahmanabdelrehim37]

عاااااااش

[@user-nl2rs6qz9u]

❤❤❤❤❤❤❤❤❤❤

[@user-rm9hg6en9h]

❤❤❤

[@karmahamdy]

ممكن لينك قناة تيك توك

[@user-kz5hz9cr1c]

احمد رد علي الفيس مش عارفه اكلمك 🥺

[@user-jr5bx4gs6e]

المفروض كنت ربط اليوتيوب من الأول يا بونت 🥺💔

[@ahmedraafat-voicenote7446]

اسف عالتأخير

[@basharamori1897]

اللهجة المصرية مذهلة بحيل

[@engymousa9634]

❤❤❤احمد رافت واحد بس