مختصة أرطفونية :" الهاتف والتلفاز لايسببان التوحد"

[@MomoMomo-kb6cx]

راكي غالطة اكثر حاجة تأثر في الصغير التلفاز والهاتف لانه الطفل يلد ذهنه فارغ ويملؤه بالرسوم والالوان واصوات من التلفاز وهذا يأثر في ذاكرته ويقل تركيزه وذكاءه في الكبر ارجوكم تابعو محمد الدسوقي مصري طبيب اطفال وفادني بزاااف في تربية اطفالي

[@sandy2018]

الحمد لله الفايدة اللي ديتها من التعليقات خير من ألف ارطفوني والله يعطيكم الصحة انا كنت غادي نأمن ونرسلها لراجلي يضل يلوم فيا على ولدي يقولي نتي اللي مرضتيه صراحة من صغره كنت باه نريح وندير الميناج في غرضي نحطه قدام التيلي طيور الجنة وكراميش في الصباح والحشية وكي كبر التيليفون والنتيجة طفل توحد عنده خمس سنوات مزال مقاليش كلمة ماما لا كلام لا حديث لا لعب مع الأطفال ربي يقدرني على تربيته يارب

[@mimosaa8829]

الله يشافيه يارب إبحثي عل برنامج أندلسية لعلاج التوحد واخدمي معاه . على العموم لازم تلغي الشاشات تماما وتخرجي معاه يوميا نزهة و تلعبي معاه كأنه رضيع تحضنيه تخدميلو على الحواس الخمس الشم التذوق ديريلو ماساج فاليل.... يحتاج إهتمام كبير لاتعتمدي على الاطباء أنت هي الطبيب و العائلة هي الطبيب الاب الام الاهل لاتيأسي . الله يعاونك ننصحك كذلك بقناة غادة زقوت .

[@sandy2018]

@@mimosaa8829 شكرا شكرا شكرااا حبيبتي على نصائحك جعلهم الله في ميزان حسناتك أنا راني معاه قلبا وقالبا والحمد لله ونزعت الهاتف والتلفزيون من المنزل وراني نتواصل معاه ومتتبعة لغادة زقوت وأحمد عبد الخالق طبيب توحد والله يا اختي كنت نتبعله عند طبيب ارطفوني مدة سنتين وخمس مائة ألف في الشهر جلستين فقط مدة أربعون دقيقة لم أجد أي نتيجة ولما بدأت أنا والعائلة معه وبدأت أدرسه في المنزل وادخلته المدرسة تحضيري في ثلاث شهور تحسن كبير والحمد لله رب العالمين عقبال الجميع يارب

[@نولهامل]

❤❤❤❤

[@yakoubtrd705]

كلام المختصة لا علاقة له بالواقع لهدا ولادنا ضاعو لانو المختصين لاعلاقة بالمجال

[@NihadMila]

عندو تأثير سلبي كبير المختصين الكل يقولو تلفون مش مليح وانتما تشجعو على التربية الخاطئة شغل كنسمعك اليوم راح نولي نمد التلفون لولادي الا ضعاف النفوس يتبعو رايك او عندو تاثير بلاك مايبانش بصح اتأكدو يبان التأثير كيدخل يقرا راح تلقاي نقص التركيز تشتت في الافكار احكمو افكاركم ليكم

[@آيةالرحمان-ك1ع]

عندك الحق مجربة وجدت صعوبة في الدراسة بسبب الهاتف والتلفاز

[@nonoxxxpp]

اختي راكي غالطة عندو تاثير سلبي 100ب100 في سن من ستة اشهر حتى العامين في مرحلة تعلم اللغة يجد صعوبة انا وليدي كان يتفرج كراميش و ضرك في الدراسة لقيت صعوبة كبيرة

[@badrobelou2666]

هي ماراهيش تهدر على الرضيع قل من عامين راهي تهدر على طفل من فوق سنتين

[@YounesYazid-q2m]

تجربتي الشخصية كام لأربع اولاد يشاهدون التلفاز خير مايخرج لزنقة بالتلفزيون تعلمو لغات ونشاطات والكثير من الأشياء اما بالنسبة لكراميش فهي كارثة مافيها حتى معنى يغنو بلهجة تاعهم وفيها صداع برك لازم تخيري واش يشوف والله غير وليدي ثلث سنوات يهدر فصحى فالجمعية وين يقرأ بحكم مايعرفش الدارجة يعرف لقبايلية برك يهدر معاهم بالفصحى واكتسبها مالتلفاز والهاتف كاين قنوات مفيدة مثل تعلم مع زكريا و عمر وهنا ...الخ

[@badrobelou2666]

@@YounesYazid-q2m والله نفس القنوات لي تعلم وليدي بيهم تعلم مع زكرياء وكاين انشيد الروضة أفتح ياسمسم وكاين حتى ابليكاسيو تعلم منهم الجمعة والطرح اكبر واصغر وكتابة الخروف التكنولوجيا مليحة كي نخسنو استعمالها وحنا نوجهوهم واش يشوفو

[@mimosaa8829]

اسمحيلي هناك تناقض في الكلام من جهة قلتي مايسببش التوحد و من جهة" ممكن نقول غزلة" و الغزلة تكون بسبب إدمان الطفل للهاتف و التلفاز وتعلقه بهم وعيشه في عالم إفتراضي بدل عالم حقيقي كل هذا يؤدي إلى حرمان بيئي أعراضه تشبه تماما التوحد وإذا لم يتدارك الاهل الامر مبكرا الطفل يكبر بسمات توحد ويعيش بها أما قضية الجينات فهذه إجابة يقولها الاطباء لما لايجدون تفسير والامر خاطيء لان التوحد إزداد بنسبة كبيرة جدا في المجتمعات أما الامراض الجينية فهي لاتنتقل بهاته السرعة وإلا تنقرض الحياة، الابحاث دائما يركزوا على السبب الجيني للتوحد لانهم لايريدون الافصاح على السبب الحقيقي أو لانهم يجهلونه أصلا ، ليس كل أطفال التوحد عندهم جينات توحد هذا ماتوصل إليه البحوث أما من تقدم في علم الجينات فهم يرون تغيرات تطرأ على الجينات بسبب البيئة التي يعيش فيها الانسان ، الطفل حتى ولو كانت عنده قابلية جينية للتوحد إذا تم وضعه في بيئة سليمة لايصبح متوحد ويكون طفل عادي . هذا علم epigenetique مثلا نفرض شخص عنده جينات مرض السكري لو نضعه في بيئة فيها توتر وأكل غير صحي و قلة حركة أكيد سيصاب بالسكري لان البيئة هي التي ساعدت على إيقاض الجين الموروث أما لو يعيش هذا الشخص في بيئة سليمة دون توتر و ياكل صحي ويعمل رياضة فهو لايصاب بالسكري لان الجين لم يفعل . كذلك التوحد له عدة عوامل من بينها البيئة التلفاز الهاتف يجب منعهم خلال الثلاث سنوات الاولى أي في مرحلة تطور وبناء الدماغ . التوحدي هو شخص عنده اضطراب بسبب برمجة الدماغ بطريقة غير سليمة، حرمان الطفل من الحركة و التفاعل مع العائلة والاشياء الطبيعية المحيطة به من خلال وضعه امام التلفار او الهاتف ليكون كالدمية لايتحرك في سن ماقبل ثلاث سنوات هو الذي يؤدي الى برمجة غير مناسبة للدماغ وتأخر في الكلام وتأخر في كثير من المكتسبات .

[@AnnatimoTamer]

راكي غالطه يا سيدتي الفاضله اكبر ادمان وعدو للبشر هي وسائل الاتصال بانواعها عل الكبير و الصغير اصبح الهاتف ادمان الناس ولات تايهه بفضل هدا العدو الصغير ف زمن مضى كان التلفاز يفتح لفتره من الزمن كان فقط الراديو والجيل كان فعلاا من ذهب دراسه ومستوى تعليمي احسن بكثير من اليوم في ظل تواجد كل الوساءل المتاحه . اليوم الزوجه هامله الزوج كيفها الاطفال مرميه ف اغلى الحضانات أين هو دور الام كربه بيت ومربيه بالدرجه1

[@NadiaNadou-f4s]

متسمعولهمش راهم يخرطو علينا برك

[@آيةالرحمان-ك1ع]

مستحيل التلفزيون والهاتف كارثة تجربة مع ثلاث اطفال نصيحة

[@fatyfaty2641]

صح عندها الف حق انا راني كبير ولادي اكبار بكري كانو لاسقين في تيلي صدقوني غير اتعلمو حوايج بزاف منو وقت قنوات فرنسية بكري مثل بيوي وتيليتون وللحمد الله كبرو وتخرجو زوج مهنديسين وحد استاذة لغة فرنسية

[@fxhdejf2614]

الحمد الله الله يبارك

[@ninanina9919]

الله يبارك

[@benchelighemfella6827]

اي تفسير هذا من مختصة.مدي التلفون لوليدك هو يريح ونتي تريحي.اصبح ادمان للكبير والصغير وفي امور تافهة وليست ذو قيمة.هو طالطريق الاول للعزلة الاجتماعية التي نعيشهاللكبير والصغير ورانا عايشينها كامل.والتوحد علم واسع لسنا قادرين في الجزائر حتى الان على تشخيصه.ليس لدينا مختصين.فالارطفونية ليست لها القدرة على تشخيصه ومعالجته.حنا برك فالجزاير يروحو عندهم لانو مكاش بديل.فالتوحدي لابد له من مختص اجتماعي ونفساني ومختص في الامراض العقلية لتحديد درجة النمو العقلي لديه.ومراكز متخصصة.رانا بعاد وهذه الفئة راهي تعاني بزاف.حتى طريقة الكلام تاعهم باستهزاء يحيرو هاذ القنوات.وكل واحد المشكل داير روحو فاهم

[@touaimohammed6985]

في امريكا ومازال مالقاوش الاسباب الحقيقؤة للتوحد وهاذي الاستاذة لقات الحل قتلك التلؤفون مايسببش التوحد. يعني عالمة كبيرة.

[@daviddivaio7535]

علاش تاع الماريكان خير منا يا المسمومة

[@fatyfaty2641]

هي ماقلتش واش هو سبب التوحد قاتلك التلفون متلفزة مشي هي لتسبب التوحد

[@اممحمد-ح8ج]

عندها الحق التلفز و الهاتف مايديروش التوحد انا وليدي عاش بطيور الجنة وكراميش وتعلم يهدر و الالوان بالعربية و الانجليزية في عمر اقل من ثلاث سنوات اما بنتي قالولي ماتخليهاش تتفرج و منعتلها التلفاز و ندمت بزاف راهو عمرها قريب خمس سنوات ماعندهاش معظم مخارج الحروف وراني نتبع عند اورطوفونيست

[@badrobelou2666]

انا ولادي عاشو بالتلفاز نمن سن سنتين نبدا نعلمهم بالاغاني الحروف والارقام والالوان والحواس لكبير الله ايبارك ماشاء الله لباس بيه وتاني كان ساكت مايحبش يهدر مشيت مبدء يدير التوحد بصح نهار درتلو كيما خوه تعلم الخروف ورجع يكون جمل من كلمتين المهم ضبط الوقت مايفوتش ساعتين فنهار لانو يكتسب مهارات من اللعب

[@badrobelou2666]

​@@اممحمد-ح8جانا والله نفس شي وليدي لكبير تعلم الله ايبارك كلش من التلفاز بصح انا نخير واش يشوف من اليوتيوب ندير فالتلفاز وليدي تاني قلت كيما نتي راهو عامين قريب ونص مقارنة لخوه لي خليتو يشوف مخارج الحروف مكاش مالا عندي شهرين خليتو يشوف والله غير رجع ينطق ويكون جملة من كلمتين وتعلم الحروف وبعض الكلمات

[@fadaya-uo7zd]

من بكري نتفرجوا tele عندها الحق بصح هذيك طيور الجنة هاراج تهيج الدراري

[@mimosaa8829]

لا راكي غالطة بكري الميكي ياربي نتفرجو عشرين دقيقة برك في اليوم ونروحو نلعبوا أو نراجعوا دروسنا و أصلا حتى دخلنا للمدرسة باش ولينا نتفرجوا . أما الآن قنواة خاصة بالرسوم المتحركة H24 الطفل يصبح مدمن بالسيف عليه ويلصق في التلفاز او الهاتف و الخطر الكبير هو لما يبدا يتفرج لما يكون رضيع أي الاهل يخلوه بالسوايع مع الهاتف او التلفاز هنا راح يصبح إما متوحد إما عندو تأخر كلام أو ضعف تركير أو إضطراب فرط النشاط و الحركة ....وغيرها من الاضطرابات لي راهم يعانيو منها الاطفال اليوم ، وحصلوا فيهم الاولياء و الاساتذة في القسم

[@BenrabiaFares]

عسي الطفل لراه معاكم نحلو التليفون في يدو وخليه يلعب مع أقرانه

[@tlemcenDZ1]

تلفون المفرط يدير التوحد

[@fleurnoir2267]

واش راكي تخرطي علينا انا ولدي كان صغير خليته مع طيور جنة والله رجع كيما توحد لا كلام لا تركيز نعيطلو ميدورش ايا خلينا منك تشجعي فالأماهات على تفاهات خلو ولادكم يلعبو حتى و مالقاوش واش يديرو خير من تلفون

[@NinaFadel]

هي قصدها التلفزيون و الهاتف يزيد يفاقم و يبين المرض ويخليه يبان و يظهر فهمتيني ربي يشفيه لازملو يندمج مع الأطفال في الروضة و الخارج البيت 👌❤

[@رزانرزان-ك6د]

أنا ابني يعاني من صعوبة التعلم رآه ينة خامسة قد مانتعب ماكانش نتيجة لا تركيز لافهم مالقيتش الحل 😢

[@NinaFadel]

@@رزانرزان-ك6د اديه عند أخصائي نفساني يشوفو و ارقيلو أيضا عند كاش راقي حقيقي و ربي يشفيه ويعافيه🤲💖

[@ikramkm1464]

لا لا يأثر على الطفل مش يدير التوحد لكن يدير حوايج أخرى ، كالعزلة و الانطواء مام يقدر يوصل يفضل يتفرج و يخلي هاداك الشمل العائلي مام تحاولي تقنعيه و تجبديه صعيبة بزاف ، صراتلي شخصيا بدراع ما خرجت منها كنت نفضل نتفرج على حوايج بزاف كانت نرمالمو نديرها بسبب كنت مالاة شهور نود بيه و نرقد بيه بسبب عمل والدي الكريمين، لكن هاداك الوقت كنا نتعلمو بزاف حوايج لكن دوك وشراهو يبث ربي معا الأولياء تحسهم الآن البرامج تزيد الغباء مثلا برك ماشا و الدب كيفاه تساهم في تنمية فكر التمرد رغم الاعتذار و بزاف أمور يحاولو يرسخوهالهم و يفسدو براءة الأطفال

[@جنانالهدى-ي1ر]

ماشا انا كبيرة وكي نشوفها نحب نجيفها،،، لكن في قصه ماشا داروا تمويه شكون يتقبل طفله صغيرة تعيش مع دب،، وهي ماشا الحقيقية بنت روسيه،، راحت للسرك مع عائلتها،، ففترسها الدب فالسرك،، يعني الرسوم بحد ذاتو،، عندو خبايا وخفايا 😮

[@ikramkm1464]

@@جنانالهدى-ي1ر باينة هاذي ماكانش حاجة ما فيهاش هدف ، كاين كرتون غراف هيلين كبرنا و تربينا بيهم لكن هاذا الوقت ،نوصي كل أم و أب و يردو بالهم ، كل حركة كل لون كل سلوك محسوب و بدقة و الطفل صفحة بيضاء ليتكون يرفدها ، نداء لكل ولي يقعدو مع ولادهم و يشوفو وشراهم يتفرجو ماش مدلو و خليه ، قادر مايبانش وش هز على الأول لكن على سنوات تظهر مام يفيق و يحب ينحيها و شايف بالي مايش مليحة يعاني باش يبدلها وحدو فحاذروا حاذروا حاذروا

[@imyourhope5977]

انا ابني يتفرج كراميش تعلم الهدرة و يحفظ اغانيهم بصح وحد الوقت عطيتلو تلفون وللى يتفرج كيما ديانا و شفا انا نديرلو تعلم الحروف و هو يشوف لي فيديو تعهم يبدل لاحظت تغير في سلوك تاعه ولا عنيف يدير الفوضى بزاف ندمت على الدقيقة لي عطيتلو تلفون منها خلاص نديه معايا للكوزينة نحكي معاه نلعب معاه و الحمد لله.

[@NihadMila]

مراكش تلاحظو انو القنوات هاذو راهم يشجعو في التربية السلبية في كل شيء الهاتف و............ ربي يهديكم بركاو ما تسممو في عقول الناس

[@AmtalahAmtalah]

يدير أمراض أكثر من توحد

[@ayaghaza1349]

هاديك لي قاتلهم مديلو التيليفون هو يريح وانت تريحي وخدة كارثة قاتلك مايلقى مابدير اعطيلو التيليفون خير ههه والله غير صح ربي ولادك باراكات خنا نمدو لولادنا العاب يركبو ورقة وستيلو يخربشو برقد يقعد مربع يديه ومانمدلوش التيليفون

[@CeliaBoumbadji-oe5rk]

بنتي عمرها9اشهر تتفرج تلفاز ونوريلها هاتف وتلعب ويلعبو معاها يعني مشي غير تلفاز وتتفاعل مع تلفاز مع لولو وناسة مع قط متكلم تحب تهدر معاهم مرة نمدلها العاب

[@SeddikiYoucef-i9y]

طفلي 3 سنوات حمد لله معندوش توحد تواصل تاعو جيد يحب يلعب مع اطفال اقرانه ميديرش الحفاضة نزعتهالو في شعال يطلب كل حجاته بجمل مفيدة نفهمه غاية كي يطلب حاجة عنده حصيلة تاع كلمات مليحة لكن كي بدالي يهذر بدأ لكلام مش مفهوم تحسب شينوية و لا هندية ومع وقت بدأ يطور بعد مكان يطلب كل ٱحتياجته بالإشارة و لا يقولي و بجملة يعني تطور مليح لكن مزال كي يبغي يطول فالهذرة يقول كلام مش مفهوم كي سقسيت قالولي هاذي سموها رطانة و تروح مع الوقت لي عندها تجربة كيما هاذي تنجم تفيدني كيفاش جازت عليها مع علم ميروحش الحضانة شكرا

[@يمامةالوئام]

نفس مشكل ابنتي تؤخر النطق وكاين لي يحسبوها متوحدة وهي تفهم كلش وعندها وعي ولكن تتكلم بالانجليزية و العربية لغتها ركيكة

[@يمامةالوئام]

نفس مشكل ابنتي تؤخر النطق وكاين لي يحسبوها متوحدة وهي تفهم كلش وعندها وعي ولكن تتكلم بالانجليزية و العربية لغتها ركيكة تدرس في التحضيري

[@elysia_pastel]

​@@يمامةالوئامانا بنتي ٥ سنوات تحكي غير بالإنجليزي مع العلم انها تفهم مليح العربية و كل حاسبينها متوحدة بصح هي اجتماعية مع الأطفال و تلعب عادي كي دخلت المدرسه رجعت تتكلم عادي صح نطقها للعربية ركيك لكن عادي مجرد فترة صغيرة المعلمة تعودت عليها في الأول ما كانش تفهمها لكن درك تعودت على العربي مخلط بالإنجليزي و تعرف كل الحروف العربية و الانجليزية تقريبا كل هاد الجيل راه مزدوج اللغات من ربي

[@SeddikiYoucef-i9y]

انا ولدي ماشي مزدوج اللغة نهدرو معاه ملي كان صغير بالدرجة تاعنا مي هو كي بدأ ينطق بدأ بالكلام مش مفهوم وهاذي سموها رطانة يبغي يجاري هذرتنا حنا لكبار ليا يبدو يقولو كلام مش مفهوم بصح هو هذر و راه يقول كلشي بصح كي يبغي يطول فالهذرة يبدا غي يهرذ تحسبي شينوي و لا باكستاني هههه ربي يشدهم نشاله

[@fatimaamira5491]

انا بنتي ثلاثة و نص و تخلط في الهدرة متكونش جملة بصح نفهمها واش تطلب و تهدر الإنجليزية و العربية الفصحى كلمات و تعرف الالوان بالإنجليزي و الاسبانية و العربية و الفرنسية و تحسب حتى الثلاثين بثلاثة لغات لكن الهدرة تاعنا متهدرهاش بغيت ندخلها الحضانة بالاك تكتسب رصيد لغوي

[@bessilayellina85]

مزيه لي هدرتها مختصه خاطر ناس ولات تلعبها تعرف و تقولك الهاتف هو السبب

[@mimosaa8829]

نعم هو واحد من الاسباب الرئيسية و الشائعة في مجتمعنا لا يمكن تجاهل أضرار الهاتف وأصلا أطباء في الخارج لما يأتيهم طفل تأخر في الكلام وهو في سن سنتين أو ثلاث من عمروا ينصحون الاهل بإلغاء الشاشات تماما في البيت لا تلفاز لاهاتف لمدة شهرين أو ثلاث أشهر ثم يصبح الطفل ناطق وواعي بمحيطه بعدما كان غائب . حنا مازال المختصين تعنا بعاد

[@saifiarafik7827]

قولي والله، 😅أنا آمنتك شوفي مع الجماعة

[@وردةالياسمين-ح5م1ز]

شوفي انا ولادي ملى يكونوا ستة اشهور وهوما مع طيور الجنة ولا كراميش يلحقوا عام التيليفون لكن حمدالله نجحين في قرايتهوم ومتفوقين وادكياء ولادي تعلمو اسماء الالوان والحروف والارقام واسماء الحيونات والاشياء مالرسوم تاع الهاتف مام اللغة العربية وليدي ديفو يهدرلي بيها انا شحال من خطرة يقولولى يديرلهوم التوحد الخ ياو التوحد البيبي يزيد معاه والام متفيقلوش حتي يلحق تسعة اشهور باسكوا صغير انا خطرة تلاقيت مع وحدة قالتلى ديت بنتي درتلها الفاكسان تاع تسعة اشهور حكمها منوا التوحد والله غير توحدت ربي فيها كي عاد الفاكسان يدير التوحد التوحد يزيد مع البيبي هدا مكان

[@fatyfaty2641]

از

[@اماسحاق-ص2ض]

​@@وردةالياسمين-ح5م1زلالا عندها الحق الفاكسا كاين أطباء هدرو عليها فيها نسبة نتاع الزئبق تأثر على الصغير وكل واحد والمناعة نتاعو

[@fleurnoir2267]

😂 راهي غير تخرط باش تشجع امهات يعطيو تلفون لأولدهم

[@lavieestbelle517]

​​@@وردةالياسمين-ح5م1زختى علميا ممنوع على الطفل كل الشاشات حتى التلفزة الى عمر السنتين على بالي في بلادنا ما عندناش كفاش الطفل يمضي النهار لكن في بلدان أخرى الأولياء يخرجو أولادهم صباح و عشية يعملو معاه نشاطات مع القيلولة و يربو حيوان أليف يلعب معاه أما طيور الجنة الكثير من الأطفال أثرت عليهم سلبيا الا من رحم ربي

[@taratari1773]

قانون الطبيعة لا افراط ولاتفريط

[@linexiaminline6951]

الطبيعة !!!!!!!!

[@اممحمد-ح8ج]

عندها الحق التلفز و الهاتف مايديروش التوحد انا وليدي عاش بطيور الجنة وكراميش وتعلم يهدر و الالوان بالعربية و الانجليزية في عمر اقل من ثلاث سنوات اما بنتي قالولي ماتخليهاش تتفرج و منعتلها التلفاز و ندمت بزاف راهو عمرها قريب خمس سنوات ماعندهاش معظم مخارج الحروف وراني نتبع عند اورطوفونيست

[@armybts-hh4zj]

حمدي ربي كي منعتيها من التلفاز لوكان بقات تتفرج لوكان راهي لا تتكلم اصلا وهذا المشكل الصغير يولي كبير ماتقارنيش الطفل مع طفل آخر كل طفل وقدراتوا.

[@اممحمد-ح8ج]

@@armybts-hh4zj والله ياختي راكي غالطة ندمت لي منعتها ملي ولات تتفرج في الهاتف راهي بدات تتعلم و تهدر على كل حال الحمد لله على كل شي

[@RadiaMed-ee7uj]

​@@اممحمد-ح8جبلاك الموجات اللي يخرجو من الهاتف ياثرو على الدماغ والنظر والتلفاز مره فالنهار تبانلي عادي اللي لاصقين نهار كامل هادوك صح