عملت لعيلتي شوية جمبري بمزاج عااااالي اوووووووي.. , وعملت تتبيلتين فظاااااع بجد

عملت لعيلتي شوية جمبري بمزاج عااااالي اوووووووي..
عملت جمبري مشوي خلة و جمبري مقلي راس و ديل في الخلة
و شوية جمبري butterfly متغرق في الزبدة و الثوم و الليمون
و شوية جمبري خلطة بجد بجد عااااالمي …
و عملت تتبيلتين فظاااااع بجد
واحدة للمقلي
و التانية للشوي
و التالته لل butterfly
و الرابعه للخلطة ..
يلا بينا
اول طريقة الجمبري الباترفلاي
الطريقة سهلة جداااا
مش هنغسل الجمبري لو بلدي غير بمياه بسسسسس👌🏻
لو مش جمبري بلدي هنضفه بملح و ليمون و جنزبيل بودر و مياه 👌🏻
__
في طاسة سخنة جدا هنزل الجمبري يتشوح علي كل ناحية دقيقتين
او ممكن ترسوه في صينية و تدخلوه الفرن
بس مش عارفة مش برتاح بالطريقة دي
علي النار في بوتوجاز احلي 😍
__
هنزل رشة ملح و كمون علي الجمبري و هو بيتشوح
__
و بعدين هنشيل الجمبري
و نمسح الطاسة بمنديل كدة
و ننزل ملعقة كبيرة من زيت الزيتون
و نص قالب زبدة لو هتعملو نص كيلو بس
لو كيلو جمبري يبقي قالب زبدة كامل🙈🙆🏻‍♀
__
و بعدين ننزل بملعقة كبيرة من الدقة (اختياري)
بس صدقوني بتودي طعم في حتة تانية خالص 👌🏻🙈
__
الدقة :
ملعقة ملح كبيرة
ملعقة كمون كبيرة
١٠ فصوص ثوم مفرومين
٤ فلفل حامي مفرومين ٢ احمر و ٢ اخضر
٤ عصير ليمون كبيرة
__
و بعدين ننزل كوباية كريمة طهي
و ملعقة عسل كبيرة
و معلقة مستردة كبيرة
و رشة من الملح و الكمون تاني
و رشة من الفلفل الاسود
و يا سلام لو في مرقة جمبري نحط منها واحدة هنودي طعم في حتة تانية
__
و بعدين نرجع الجمبري بقي تاني في الصوص
و بالهنااااااااا
__
لازم يتعمل علي الاكل علي طول و هو سخن كدة 🔥😍🙈
__
لازمممممم تجربوه بجد خطير خطير خطير
…
تاني حاجة الدقة عشان
هنجيب ١٠ فصوص ثوم و ٣ فلفل حامي و ٣فلفل رومي و ٣ ليمون و ملعقة صغيرة ملح و ملعقة صغيرة كمون و نضربهم ناعم في الكبة
..
تتبيلة لقلي اي نوع من السمك
و بتتشال في التلاجة في الرف الاول
في برطمان زجاج بتقعد شهر كامل عادي
هي عبارة عن
٢٠ فص ثوم
٦ فلفل حامي احمر
٦ فلفل رومي
ملعقتين كبار ملح (او حسب الرغبة )
ملعقة كبيرة كمون
ملعقة كبيرة بهارات سمك (بتتجاب من العطار)
ملعقة او ٢ مستردة (حسب الرغبة )
ملعقتين كبار خل
عصير ١٠ ليمون
نضرب كل الكلام ده مع بعضه في الخلاط ناعم خالص و بس كدة خلص 👌🏻
____
تاني تتبيلة بقي " الدقة " روح قلب ميوي من جوة
بستخدمها في حجات كتيرة جدا
معظم الاكل تقريبا😂
بس مش بستغني عنها في السمك طبعا
لان دي الدقة الاصلية
هنحط في الهون
او الكبة بس انا بفضل الهون
٢٠ فص ثوم
٦ فلفل حامي اخضر
٦ فلفل حامي احمر
عصير ١٠ ليمون
ملعقتين كبار خل
٢ ملعقة ملح كبيرة
١ ملعقة كمون كبيرة
و لو هنستخدمها للسمك حطو ملعقة كبيرة كمان بهارات
سمك لو هتستخدموها في حجات تانية
يبقي خلوها مع كمون بس
و وقت تتبيل السمك ابقو زودوا ملعقة بهارات السمك دي 👌🏻
و بس كدة ❤
-------------------------------------------
#مي_ماهر #explore #trending #fyp #dubai #السعودية #الامارات #رمضان #cooking #food #ramadan
الطبخ للجميع👌🏻👌🏻
هعرفكم اد ايه الطبخ بجد حاجة سهلة جداااا محتاجة بس عدم اليأس و نجرب مرة و اتنين و عشرة وانتي نفسك هتتفأجي بالنتيجة
انا مكنتش بعرف اطبخ نهائي ولا كنت بدخل مطبخ اصلا
تابعوني و شوفو اد ايه الوصفات سهلة و جدا و نقدر نعمل كل حاجة في بيتنا واحنا واثقين في نظافتها و طعمها كمان تحفة 😍
تابعوني على
ــــــــــــــــــــــــــــــــــــــــــــــــــــــــــــــــ
صفحة فيسبوك | / eltabkhlelgamee3
حساب الانستجرام | / maimaher7
حساب تيك توك | / maimaherrr7

[@nawalgamal2709]

ربنا يزيدكم من فضله يارب كمان وكمان ودايما متجمعين ع خير يارب الناس اللي مش عاجبها يا جماعه انتم نسيتوا ربنا خلقنا طبقات المفروض فيه يكون قناعه ف قلوبكم ولا تمدن عينيك كمان علاقتها بالناس الفقراء او المحتاجبن مش لازم تطلع تصور وتقول انا بساعد علشان انتم تسكتوا ربنا يرزقكم القناعه وحب الخير للناس

[@radwanaser4442]

تسلم ايدك ماشاء الله جميله ونظيفه قوى ❤️❤️❤️❤️❤️

[@saharahmad1796]

ماشاء الله تبارك الرحمن ربنا يزيدك

[@samiraabbas2555]

ماشاء الله تبارك الله انا انبهرت بطريقتك

[@aliaali-st6hv]

ما شاء الله تبارك الرحمن ربنا يبارك لك في احبابك يا حبيبتي ويحسن ما بين يديك

[@salwaeldin4818]

بسم الله ماشاء الله عليك تسلم الايادي الجميله 🎉❤🎉❤

[@user-tm4ry9vp2q]

ماشاء الله تبارك الله

[@monymony8172]

ما شاء الله تسلم ايدك ❤

[@sohahassan201]

حبيبتي الف هنا وشفا تسلم ايديك ياميويه ودايما عاااامر

[@5loli5]

تسلم ايدك حبيبتى

[@remarema7889]

تسلم ايدك. ❤❤❤

[@msria693]

ماشاءالله لاقوة إلا بالله بالهنا على قلوبكم وربنا يحسن مابين ايديك ❤

[@wesamzedan9211]

الله ع الجمال . الجمبري ده عشان اعمله محتاجة ثروة 😁

[@user-tp1tr4bs6i]

😢الف هنا تسلم ايدك ربنا يذدكم اللهم اميين

[@EmanSaleh-ih8up]

ألف هنا

[@Om_Haithem]

تسلم ايدك يا قمر 🎉🎉🎉

[@Retajabdo-xg]

دايما متالقه❤❤❤❤

[@fatenelnawawy4136]

تسلم الايادى 😋😋😋👍

[@omomar7750]

الف هنا ماشاءالله ولاحول ولاقوه الابالله

[@anaqueen1487]

تسلم ايدك ي ميوش

[@amanymakled1737]

ربنا يزيد ويبارك ويزودكو ومينقصش منكو

[@emywail7094]

مي لااااااازم تفتحي مطعم لاااااا زم وكمان براند بهارات مكس لكل اكلة🎉❤

[@sssrrr-md4sj]

ربنا يخليكم لبعض بس نصيحة لا تنسوا نصيب الفقراء شكرا لله على نعمه

[@user-qx4es8sg5f]

صلوا على الحبيب قلوبكم تطيب فالصلاه على الحبيب مسك وطيب اللهم صلي وسلم وبارك عليك ياحبيبي يارسول الله

[@user-jk2xd9nc4x]

إنت حتطي السلطة في حلة الومنيوم وحتطي عليها خل وليمون وتركتيهوم في الثلاجة ومعروف إن الخل والليمون بيتفاعلوا مع الالومنيوم

[@ahmedeleabed5757]

شكلها بيقول انهم كانوا حاجة لكن سبحان العاطي أرزاق لان لو المستوي راقي عمرهم ما يعرضوا انهم أكلوا جمبري كابوريا سبيط الواضح انهم بيئة دوووووووون المستوي الله المستعان

[@hodanabil9915]

بصي لو عايزة تنزلي وصفة دي حاجة جميلة جدا مفيش مشكلة وانت ماشاء الله شاطرة... لكن دي حياتك الشخصية وعزومة عملاها لأهلك وكمان انواع وكميات مش في متناول اغلب الناس فبلاش المحتوى ده حفاظا على مشاعر الناس... الناس بتبص للفيديوهات وتتخيل انك عايشة ف سعادة فظيعة وممكن يكون ف حياتك اوجاع محدش يعرف عنها حاجة.. دي نصيحة من اخت لأختها وربنا يباركلك في حياتك وفي ولادك

[@zizifouad1688]

❤❤ شكرا لك تحياتى ❤❤

[@MoniraMohamed-fy2rj]

مشاءالله لا قوة إلا بالله اللهم صلي وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين

[@mohamedmesaed8146]

ممكن المكان إلى اشتريتى منه الجميرى

[@Maisun.kitchen]

ﷺ اللهم صّلِ وسَلّمْ عَلۓِ نَبِيْنَا مُحَمد ﷺ💙

[@user-mk8jy1gm2e]

تسلم ايدك ممكن اعرف توابل السمك

[@saharemad8700]

لو سمحتر نتيجه مسابقه ميانتا هاتظهر امني

[@user-mm2ic4sr6m]

ممكن تنصحينى بنوع بتوجاز كويس بلت ان

[@myfamilys9936]

حبيبتى مييوى

[@hebamohmedalbarbary7885]

الجمبري سويسرا وطازة بس النوعيه دى بالف الكيلو فى السويس انت جايبه منين طازة كدة

[@user-lp5vs7vv4r]

😋

[@shehabeldeen1]

الحمد لله الذي عافانا مما ابتلاكم به

[@amanylotfy7267]

ربنا رفع بعض الناس فوق بعض درجات ولا يظلم الله مثقال ذره يعني الكل سواء اللي واخد أقل في الدنيا وصابر واخد حسنات أكثر في الآخره وممكن حد احنا فاكرينه غني ومرتاح ومحدش يعلم بحاله الا الله فبلاش حسد عجبا لأمر المسلم إن أصابه سراء شكر فكان خيرا له وإن أصابه ضراء صبر فكان خيرا له الكل سواء والدنيا لا تساوي جناح بعوضه الكل هيموت وفي الآخر أهم حاجه الدين والعمل للآخره

[@user-zm4yz1cm2d]

ده استفزاز بجد لا حول ولا قوة الا بالله العلي العظيم

[@ammohamed6681]

عايزع بهارلت السمك

[@user-ec2yf2ee6b]

انا لو قولت لى بتاع السمك شيش ال جمبرى هيرمى فى وشي ههههههههه

[@artcreativity5739]

ما احنا لو شارين الكمية دى والحجم ده بتاع الجمبرى حيعملنا ايده خلة ويشيش بيها 😂😂

[@user-ec2yf2ee6b]

@@artcreativity5739 هههههههه فعلا

[@archshymaa1866]

@@artcreativity5739ضحكتيني ربنا يسعدك

[@Qare2-Majhool]

طب فين الاكل النهاءى عشان نعمل لايك للفيديو هنعمل لايك على حاجه ماشوفنهاش😢

[@dramalgamal2063]

مفيش فيديوهات جديده ؟

[@appleiphone958]

الحلل الامونيوم دي غلط ليه بتستعمليها

[@S2HERY]

استمرى يا حبيبتى وربنا يزيدك من فضلة ويوسع عليكى يا حبيبتى ويحميكى من عين كل واحد وواحدة مرضي منفسنين وغلاويين والحقد ماليهم ويرد سوادهم فيهم ❤

[@AsmaaMohamed-rj2us]

اتقي الله انتي هو علشان الواحد بيقول نراعي مشاعر بعض وربنا قال انه مبيحبش كل مختال فخور يبقي غلاوي وحقود واسود يا شيخة روحي ربنا يديكي ع قد كلامك ده

[@AsmaaMohamed-rj2us]

طيب يا جماعة سيبكوا من مشاعر الناس الغلابة طيب بالنسبة للناس ال عايشين في مجاعة الاولي ان نراعي مشاعرهم ونتضامن معاهم لكن دي لا عاملة حساب لدول ولا لدول

[@osamaeldaly3379]

محدش بيشوفك ليه

[@user-pu5pt2pq7k]

شايله ورقه مسترده هاينز المقاطعه عل أساس ما راح نعرفها 😮 قااااااطعوا ده اقل شي يعني خلاص مش هيبق الاكل اكل من غير هاينز

[@efragefrag1113]

إحنا مش عارفين ناكل شر زمانك مش عارفه الشر اساسا الجو نار فلو سمحتى متعرفليش الضغط منكم لله

[@maisoliman1933]

بجد انت مستفزه اووووووووى بواصفاتك انتى مع عشان ربنا كرمك يعنى ومستواكى كويس وتقدرى تشترى ياشيخه الناس اللى بتنزل فيديوهات من بره وعايشين بره مبيعملوش ولا بيجيبوا اللى انتى بتعمليه

[@hebaelsaeed8167]

متتفرجيش عليها يا حقودة يا غلاوية

[@moqtaba23]

انا مستغربه ومصدومه ازاي في مصر بيحطوا كل الحاجات ديه على السمك والجمبري وكل السي فود يجماعه حرام عليكم قتلتوا الطعم ازاي بتستطعموا نكهة السمك الاكله الوحيده الي مينفعش يتحط عليها اي حاجه هي السمك جربوه من غير كل الحاجات ديه ملحوه واقلوه او اشووه وذوقوا الطعم حتتصدموا

[@sherifsabry8293]

تعليقك بيأكد إنك بتفهمي كويس في الأكل ❤

[@noooooooooooooooga]

كلامك مظبوط وواضح انك اكيله لان الجمبري والسمك مايستحملوش العك اللي حطته ده كله وانا مصريه ومابحطش كل ده ابدااا دي اذواق وهي ذوقها كده من الواضح

[@moqtaba23]

@@sherifsabry8293 حبيبتي شكرا

[@moqtaba23]

@@noooooooooooooooga شكرا حبيبتي ايوه صح هي اذواق

[@ahmedeleabed5757]

عملتي جمبري للعيلة الناس مش عارفة تأكل سمك بلطي تاكل جمبري اتقي الله اتقي الله اتقي الله في الناس حرام عليكي واغلقي القناة نهائي لا حول ولاقوة الابالله العلي العظيم

[@Mariamabdelaziz-bs6xk]

اغنيا يا بنتي مش شايفة الفيلا عاملة ازاي و المناظر و جوزها في الخارجية عايشين في اطة محلولة 😂

[@maisoliman1933]

اقسم بالله مستفزه

[@nadahandy8252]

يستى ربنا يبارك في رزقهم حررام عليكي كفايه انها اتحرمت من حنان الام وهي لسه عندها١٩ سنه مفيش حاجه في الدنيا اكل او فلوس و فسح تساوى حنان امك و القعده معاها

[@yoyaoceans8233]

ايه اللي بتقوليه ده خلاص متتفرجيش

[@ahmedeleabed5757]

@@AmlMostafaHashim وانت مالك أتفرج ولا ما أتفرج يا محشورة في الي مالك فيه كل واحد حر في رأيه يا عديمة الرأي