#MM

#MM #700萬種生活 // 全家數人同患癌 遺傳病如計時炸彈 90後掛造口袋攀岩上山下海 消化系統生過千瘜肉終變癌 確診後與男友結婚 丈夫助洗造口「醫生說只要我夠長命，一定會再有癌症」
「 醫生說只要我夠長命，一定會再有癌症，身體隨時都有個計時炸彈。」今年33歲的Michelle 15歲時發現患上一個可怕的家族遺傳病，這病會在消化系統生數百至數千粒瘜肉，最終這病的可怕基因會令瘜肉變成癌症。「我二家姐、母親、舅父和表妹，都是因為這個家族病而去世的。爸爸也因為腸癌離世了，所以我經常想，何時輪到自己。」
3年前Michelle體內瘜肉變成了腸癌，在肚皮上開了個永久造口，從此身上多了個每天24小時都要掛著的造口袋，但她依舊上山下海，熱愛攀岩、行山、泳綑、馬拉松等不同運動，她總說，自己的人生好像是在患癌後先真正開始。
Michelle家中有六兄弟姊妹，當中一半人患有家族性「結直腸瘜肉綜合徵」這病，首先發現這基因的是當年20歲的二家姐，後來全家一起做身體檢查，發現原來媽媽、大家姐和Michelle都有此基因。15歲時她發現大腸裡生滿瘜肉，需要在未變成癌症前切除大腸。「此病沒有隔代遺傳，父母隨便一個有這基因，兒女就有一半機會遺傳。二家姐離開時還未夠21歲。」Michelle回憶起那段時間一家三口都要入院做手術，媽媽做了切腸手術後沒有問題，但七年後還是變了腸癌，一年內已變成第四期，很快就離開了，當年她53歲。
「這個基因會在其他消化器官生瘜肉，由食道去到小腸都有機會，最近照胃鏡，發現我的12指腸和膽管出口附近都有瘜肉，而且跟腸癌的基因一樣，總有一天會變成癌症，很害怕，不知道甚麼時候會變，經常都不知道甚麼時候會發生。」她就像西西弗斯，每天重覆推石頭到山頂後，大石總是會滾下來，苦難又會重新開始，可能徒勞無功，但依然想與命運抗衡。
「上天關了窗，開了道門給你，雖然我有病，但我認識到我先生Leo。」原本是網友的二人一起不久後，Michelle就決定跟Leo坦白自己的家族病歷史，「我希望那個人在知道我的情況下選擇跟我一起，不想在一起久了，才介意我的狀況，然後分手。早讓對方知道，對他都公平一點。」
Leo笑指得知她病情後沒特別大反應，性格樂天的他就說不會太擔心，「煮到埋嚟就食」，「很多事都能解決得到，沒得擔心那麼多，有甚麼就一起面對。我跟她之間的事都沒有想那麼多，反而是考慮家人多一點，不知我家人怎樣看待她。」
拍拖三年後，Michelle最終確診患上腸癌，人生最艱難的時刻，他們決定結婚。「5月確診，7月就排期註冊，然後拍婚紗相，8月開始做電療化療。」Leo說老婆很想在手術前做好所有憧憬的事，而拍攝結婚照，就是她最夢寐以求的事，希望在最好狀態下完成。因為另一半有遺傳病，加上Michelle化療後都難以懷孕，喜歡孩子的二人無法生育，「他媽媽有問過，接著Leo說我有癌症，我們不會有小孩，最後他母親接受到，他媽媽對我比結婚前還要好。」
因為病情反覆，早前Michelle辭去工作，當家庭主婦照顧先生和專心養病。因為這是家族遺傳疾病，即使癌症康復了 這種基因仍會再次變成癌症，Michelle發現患病時只得15歲，家境不好，父母知識貧乏，所以一直買不到醫療保險，她慶幸自小有公立醫院醫生跟開她和家庭的個案，不用負擔太昂貴醫療開支。
Michelle和Leo性格南轅北轍，一個性格較負面，一個樂天派，天跌落嚟當被冚，二人平日內斂很少直接表達，其實暗裡經常「放閃」，尤其每次Michelle放負時，Leo都會有這種口頭禪：「不用介意，有甚麼所謂」；「我覺得沒甚麼大問題」。除了患病，Michelle天生右手殘缺，出生時幾隻手指都連住了，自小就常要做矯型手術。現在Michelle可以自然地提及右手的事情，都是靠Leo在旁默默鼓勵。
「小時候常因為右手而被同學排斥，會說我是怪物，說我的手很噁心，以前又試過被街童欺凌，所以一向都很自卑。」鏡頭前Michelle說擔心別人對她的手有負評，又怕Leo的朋友會看見，Leo微笑安慰說：「在意的是你自己而已，你右手就像隻小朋友手罷了， 不要把不開心 不好的事放到那麼大，我覺得你做完這麼大的手術都可以痊癒，跟正常人沒有分別，就毋須再這麼在意這事情。」說罷太太又莞爾一笑，「幸好你遇到我這個終極樂觀的人。」
沒有了大腸，Michelle的永久造口開在小腸上，所有高纖的蔬菜生果、堅果都不能吃，而吃了難消化的東西亦容易腸塞。因為要清潔造口袋，芝麻糊、朱古力等深色食物都要避免，但嘴饞的Michelle愛吃魚生、BBQ、打邊爐、燒肉等食物，「但吃這些都會很易肚瀉，造口袋的排泄物很快就很多，然後脹了袋子，這些東西要找有廁所的餐廳才敢吃。我總覺得這頭吃完那頭就排泄出來很浪費錢，好像沒有消化過一樣。」
而Michelle覺得比患癌更難接受的，是這麼年輕就有永久造口，她回憶起手術後兩個月她都無法接受，情緒跌入低谷，反而是Leo主動自學如何處理病人造口，那段時間都由他為太太換造口袋。按照造口大小剪裁出袋子底板的袋口位、噴保護膜保護皮膚，有時袋子黏太久皮膚有損傷或敏感，就要灑造口粉；更換時要用除膠劑慢慢將舊袋子撕走，換上新袋子前又要用皮膚保護膜填補凹陷的位置，繁複的程序變常生活日常，Leo沒有一句怨言，「習慣適應了就可以，也不覺特別噁心，知道造口是甚麼一回事，其實是很正常的事，老婆自己選擇的，照顧就預了是一輩子的責任。我從來沒當她是病人，都是正常人地相處。」
兩個月後Michelle亦慢慢走出陰霾，可以獨自照顧自己，也重拾昔日熱愛的運動，更比以前挑戰得更hardcore，畏高的她愛上了攀岩。常被人誤解，身上的造口袋會傳出臭味、沒有自理能力、行動能力弱等，身為年輕的「造口人」Michelle加入造口人協會，希望用自己經歷幫助其他造口人士，希望打破外界對他們的既定印象和迷思。「其實造口袋我們都會做足防漏措施，一點味道也沒有，而你看我這樣上山下海就見到，其實造口人也能活動自如，與平常人無異。」
攀岩的過程除了令Michelle高度專注，能暫時忘記現實煩惱，在懸崖峭壁上怎樣爬、落甚麼腳、手應放哪裡，經歷的困難都需要孤身應對，尤其做「領攀」的角色時，需要把繩子掛到最頂，再給下一個人攀爬上去，好像對應著，她甚麼都靠自己的人生。
「如果我不堅強，可能很難面對這麼多東西，如果可以選擇，我也不想有這麼多經歷。」Michelle一邊翻看舊相簿，一邊回想種種成長片段，努力找了很久，發現原來一家八口沒有留下一張齊人的合照。她淡淡地形容，一家人並沒有因為患同一病而團結，反而二家姐和媽媽離開後，家裡反而變了一盤散沙。自小跟爸爸關係疏離，父母亦忙碌於工作，年幼的她就要學懂照顧自己和弟妹，有問題都習慣自己解決，不靠別人。
「從小到大我都很堅強，覺得哭就像弱者一樣，15歲時做切大腸手術，我抱著媽媽哭，那次後都沒有在別人面前哭過。媽媽最疼愛我，因為常怪責自己生到我有缺陷。」最愛的母親離開時Michelle只有22歲，她害怕會隨年月對父母印象漸模糊，便在前臂紋上父母親的合照，再加上二人的簽名。
「母親走後，如果我一個人有甚麼事，都不能回家尋求幫助， 自小爸爸有甚麼資源都會給弟弟，阿妹跟我關係比較好，但她已移民外國。所以感覺上除了我老公，沒有甚麼親人在香港。」雖然跟父親關係不好，但Michelle在他臨終前，跟妹妹都有陪伴他走過最後的日子，死亡面前再大的喜怒仇怨都放下來，二人終於和解，叫作沒有遺憾，「我老公都有功勞，他說始終都是家人，每個月都跟我跟爸爸吃飯。」
「始終自己有缺陷，無論如何努力也很難，腹部不能太用力，手又握得不太好，又怕撞到造口袋，攀岩時很多事情要想和兼顧。」隨眼前這位只有150多厘米高的女生去攀岩，這頭羨慕完前輩三爬兩撥就攀到一條難度頗高的新路線，那頭她就被激起鬥心走去挑戰。眼看她前段爬得很快，攀至中間有個凹凸位就「卡關」了，進退維谷苦尋無路，途中更鬆了繩，以為她正要放棄之際，她又重整旗鼓吸了一口氣，繼續向上攀。中間卡了幾次關口，最後全部都克服到抵達終點。完成後她卻說：「我想攀多一次，想一氣呵成地爬上去。」
眼前的Michelle好像有種西西弗斯式的精神，如果無法改變命運 就選擇蔑視命運，她說自己的命比巨石更堅硬。「人生很多事情都卡關，好像一出生手就有缺陷，之後到我有遺傳病、家人過世、自己又患癌，經常都要過關，大佬大完一個又要打另一個，不知道何時才是最終大佬。不過前路幾難都好都要頂硬上，『關關難過關關過』，唯有這樣跟自己說。」
策劃：Phoebe王秋婷
拍攝：歐嘉鴻 許先煜
剪接：歐嘉鴻
監製：甄俊宇
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 KZbin APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung

[@phoebewong1462]

第一次聽michelle故仔已覺得好戲劇性 亦令我諗起永無止境受懲罰但最後戰勝到命運嘅西西弗斯 拍攝3日我哋好似見證佢不斷突破自己嘅過程 由倔強易自卑到可以喺人前做爽朗直率嘅自己； 明明個人好叻好勁抽但總係容易自我否定 到可以接受人哋讚美； 由好介意人哋睇佢嘅眼光，到可以自在地分享自己深處嘅感受同經歷； 由一開始嘅小小拘謹同怕醜仔，到攀岩時展露自信又陽光嘅笑容； 仲有同Leo呢頭鬥咀，轉個頭聽到老公讚佢，都係會忍唔住笑到心花怒放🥰 比起想人哋覺得呢個女仔「好慘」，我哋更喜歡呢啲突出到Michelle性格嘅細節 Michelle到今日都仲擔心緊人哋會用咩眼光睇佢🤣不過我對呢點有信心：人哋睇到嘅一定係你嘅勁抽多過你嘅軟弱，因為你真係叻㗎🤍🤍🤍 Michelle IG係：michellew.soul 歡迎大家支持吓佢🙌 祝大家身體健康 情人節快樂 希望Michelle 同Leo繼續放閃 健康甜蜜行落去🫶🏻

[@Daily369]

呢個男人好善良⋯⋯世間少有👍🏽

[@hkmusicneverdie]

完美的好老公，羨煞旁人。❤

[@lam-mr4bm]

嗟來的天使

[@fred65642]

看完這條片 真的不好再怨天怨地 好好愛惜自己和身邊人 祝願Michelle 和他的丈夫 開心渡過每一天 😎

[@leeszeman9650]

衷心祝福佢同佢老公生活愉快 我天生就有脊柱側彎 已經因為咁而影響外觀 21年嗰陣同男朋友嗌交嗌到突然腦中風入咗院 先知道自己原來有煙霧症 即係大動脈4條塞咗2條 所以比平常人易中風 出院之後就成日頭痛痛到嘔 每次頭痛都勁辛苦 次次一痛起上嚟都會諗係未我做咗錯咗啲咩 個天要懲罰我 但好彩男朋友無因為咁而離開我 仲肯搬返我屋企同我屋企人照顧我 我仲因為個病變得樂觀咗 依家諗返都覺得好慶幸嗰日男朋友有同我嗌交 先發現原來有呢個病 如果係年紀大咗先中風就真係唔知有無咁好嘅復原能力 可以好得咁快🥲

[@userqwert6299]

@@leeszeman9650請問你側彎係幾歲發現？係咪中學的健康檢查？細個果陣姿勢正確嗎？🙏🏻

[@leeszeman9650]

@@userqwert6299 幾歲發現就真係唔記得 不過記得好似係小五升小六嗰陣開始帶固定架 一日戴足廿幾個鐘 淨係沖涼嗰陣先唔洗戴 不過都好彩當時有戴足咁多個鐘 依家先唔太明顯 係着緊身衫/背心先明顯啲 不過我個角度都大 我係S形嘅 上面係43度 下面22度

[@leeszeman9650]

同埋我係遺傳嘅 所以唔關姿勢習慣事 因為我原本有個叔公都係有脊柱側彎 不過我有個好壞嘅瞓覺姿勢就真 我由細到大都係焗燒豬瞓 即係趴係到瞓 仲要一隻腳屈起 依家就後悔 因為個胸又扁 仲要搞到度數彎到43度😭😭😭所以真係勸喻所有有脊柱側彎嘅人 唔好趴住瞓覺😮‍💨

[@Mcmell0810]

認識Leo呢位髮型師已經幾年貨仔時間，俾我嘅感覺係專業同埋擁有妙手回春嘅能力😂，佢永遠笑面迎人，用從容嘅態度去面對一切嘅事物，每次提起太太都係甜絲絲嘅！睇完呢篇訪問，原來佢真係咁善良，同埋正能量！ 祝福Leo 同 Michelle 永遠幸福快樂 要健健康康喔！💪🏽 頑張ってください

[@bubblel3537]

可以透露是哪一間髮型屋嗎？🙏

[@Any0ne_01]

喺葵芳 佢有iG㗎

[@TrulyMermaid]

求介紹啊😂

[@Aprilmuimui]

@@Any0ne_01 果間髮型屋係咪S字開頭？🙏🏻

[@Mcmell0810]

@@bubblel3537 葵芳球場隔離嗰間😉

[@chingyan2009]

其實Leo的mindset都好值得借鑑提醒： 1）不要放大悲觀方面 2）任何事情都可轉念：現在學懂照顧患病老婆，將來家人有什麼事情提早知道如何應對；冇小朋友：有固然好，冇嘅話另一方向諗：多啲自由空間，想做咩就做咩 3）在意的是你自己，人地唔在意，「殘缺手>多咗隻小朋友手only」 4）口頭禪：「唔使介意，有乜所謂」，「我覺得冇咩大問題」，能生活到就OK啦 5） 人生有好多整定 擔心唔到咁多 6） 覺得傳統奶奶會好似好衰咁「係因為你標籤咗」

[@stephanietsang666]

正

[@hkmusicneverdie]

完美的好老公，羨煞旁人。❤

[@sherlottelemon]

我都係腸癌康復者 曾經都用過造口袋 帶袋的日子 我真係覺得好難受 每日都驚流便便出來 好大壓力 不太敢常常出街 我覺得你真係好叻 祝你身體健康 生活快樂❤

[@felice1213]

雖然生活總有不如意你都唔好放棄，心態決定心情，祝福你呀🍀 大家都身心健康💪🏽

[@dankahc]

見你話「曾經」，是否康復後，不需再用造口袋？純粹好奇，如冒犯，抱歉抱歉🙏🏻

[@sherlottelemon]

@@dankahc 我係康復者 現在唔需要造口袋

[@beardiver7159]

丈夫很偉大～～～ 祝大家身體健康！過好前路的每一天！

[@charlotte5407]

雖然Michelle 輕描淡寫的說出自己經歷，但相信當中過程毫不容易。Michelle 丈夫Leo有情有義，高EQ。衷心祝福Michelle 同Leo，每天都過著美好同有意義的生活。

[@kat39422]

好inspiring, 之前聽過一句說話，世界上只有一種真正的英雄主義，那就是在認識生命的真相後，依然熱愛生活。在妳身上能夠看到這種熱誠❤

[@sandylmaillps]

Michelle,你好叻。你比我還早確診，我19歲發現這個病，是母係遺傳，婆婆媽媽舅父都是腸癌走。雖然切了大腸預防，近年患了甲狀腺癌，NET ，你讓我或其他病人學到都要加油，借鏡，好榜樣 我成日話點解自己人生好多石頭，一舊比一舊大，看見你攀石，好感動

[@karensheung7387]

祝你早日康復！享受生命

[@lovetravelowo8449]

祝你每日開開心心 過到你想要既生活

[@Asuka-kun-hk]

保重，祝早日康復❤

[@leungkayeeiris4227]

Sandy祝福你❤

[@qqsweety]

加油呀，活在當下就夠，每天都要開開心心❤

[@benyling9777]

真係好感動！希望這夫妻可長命百歳！

[@tanktank5099]

命運對你不公 但上天補番個老公比你 希望你兩夫婦健康快樂咁生活落去

[@mingyinleung5237]

超級感人，多謝MM，呢條片真係真係超級好，男女主角對生命嘅態度值得所有人學習，希望你地繼續加油，活出彩虹！好開心我可以認識到你地嘅故事，真係一路睇一路眼濕濕，你哋表現左對生命嘅熱愛，對抗困難嘅態度同埋詮釋左咩係完全嘅愛！真心祝福你哋一生平安，白頭到老！

[@ivytam5550]

上天好錫你，有這位丈夫，是所有女士都羨慕的，你值得擁有，因為你內心好美麗。感謝你分享你的生命。

[@sohongchang2776]

好正面,好勵志, 好積極,好感動的故事! 值得所有港人學習!

[@uubigbig3805]

老公係天上黎既守護天使👍👍

[@ericachan1423]

呢個老公100分, 對老婆不單只唔介意, 仲密密支持, Michelle加油~凡事都有可能, 有奇蹟的~💪💪💪

[@sawakun]

Michelle你真係好堅強勇敢，我都有基因遺傳病好明基因病嘅痛苦，所以真係好佩服你，你個老公真係好好，加油啊👏祝福🙏身體健康

[@DiverJoyce]

妳嘅堅強令我係最近嘅煩惱中感覺好渺小。希望妳們一直幸福落去🫶🏻

[@Wanleung-1424]

多謝MM同Michelle 做訪問， 鼓勵到港人之外， 給我跟十幾年無見的她再次見面， 好感動！ ❤ Michelle 如果你見到這留言， 希望給我聯絡， 我們小時候在順天和你家玩遊戲的， 你記得我嗎？

[@mwchan286]

Michelle 係一個好可愛的女仔，堅毅不屈，好鍾意佢。 仲有，只有佢老公咁正能量嘅人先配得上佢。好合襯，羡煞旁人❣️ 衷心祝福你倆白頭到老❣️生活愉快❣️🙏🏻

[@geokyantan4921]

丈夫大愛👍🏻😊❤🙏

[@hoyinlungryo]

我媽也是造口人士，深知照顧者的壓力和患者所面對的各種困難，你真是很厲害和堅強，祝你在有生日子都幸福快樂

[@lindawong7661]

Michelle 真係超堅強，怎來的勇氣面對一個又一個難關？Leo 的愛亦至高無上，祝願他和 Michelle 有更多美好的日子。

[@SonYu0306]

我都係大約17歲左右就有造口 25。6歲到就洗血 亦都同屋企人關係唔係好 生活咩都靠自己。。。 但睇得出你好開朗好健談👍🏻 反而我就越活越少說話

[@sanctuary-kb8pt]

你好叻呀！自己一個人搞得掂證明你好堅強好勁！冇所謂講嘢多好定少好㗎，邊樣舒服咪邊樣囉

[@39bb267]

靠自己唔人人都得，你真係好叻！自己愛錫自己開心過每一天，我都有呢個病年半啦，一齊加油💪💪💪

[@qqsweety]

加油呀，活在當下，命運有時真的很難，希望你努力跨過❤

[@TrulyMermaid]

❤❤❤

[@gooddaysinengland]

💪💪💪❤

[@esthergunify]

我有幾年揾Leo 整頭, 好温柔好細心! 同埋言談間feel 到佢既樂觀. Michelle, 可能你一生裡有好多不幸, combo 換返黎最大既幸運, 可能就係個天俾個愛惜你既老公你❤接納自己同對方既愛, 有時識做唔等如咩都要自己做既, [被需要]都係一種幸福, 你倆都要幸福啊~~祝福你們❤

[@kandicekwok8690]

一路睇都眼濕濕 打從心底覺得你好犀利好堅強 一直行過嚟嘅路唔容易 其他人難以想像 亦都只有你自己最清楚 比起加油 更加想祝願你往後可以繼續做自己鍾意嘅嘢 兩夫婦繼續幸福甜蜜❤️

[@kathylam-gz2vx]

這套片好應該比有重病和冇病冇痛既人好應去看看這段片,一定有很多反思. Michelle 既勇氣強大令到自已看不見,但別人看得好清楚.她的與别不同令她得到更多,亦值得得到更多鼓勵和支持.正如得到一位真愛既另一半❤❤

[@m_mlautaitai3979]

有個好丈夫陪伴，又正能量。大家幸福生活下去。加油

[@Kimminos]

冇人係冇缺憾，但係我哋可以努力改變同面對佢（你既力量比好多人都強大）， michelle同你老公都好靚😊由心而發嘅靚，加油努力👍

[@irism6574]

Leo嘅輕描淡寫，更顯得情比金堅。

[@Salty2046]

很感動，有幸在情人節看到呢條充滿愛與堅毅的片。 多謝MM, 團隊拍得好正，報道的角度很勵志，不賣惨作招來，最後的大片石牆和壯闊海洋，令人充滿鬥志。 Michelle 祝福你，你擁有鐵一般的毅力，一定無野難倒你! Leo 你的樂觀為身邊人帶來最大幸福!

[@wailo4338]

老公係一份好好既支持 多謝你對佢既無條件付出 ❤

[@isabellachan2002]

希望 Michelle 戰勝癌症，身體健康，日日放閃❤

[@Albert123Lam]

情人節看到最好的情人故事！

[@losingkuen]

主持的聲音導航，聽得出她要盡力壓抑情緒，但字與字之間卻流露出「眼淚 」來 。

[@andylam318]

非常感動的故事，希望兩公婆能夠面對所有嘅困難原來你覺得好難面對嘅事，大把人比你更艱難珍惜生命珍惜每一天

[@joannecheung4730]

老公好好 ！ Michelle好堅強！

[@autsz2012]

十分認同丈夫係片尾既分享。有時遇到困難，唔駛去封閉自己或者逞強以為自己可以搞掂…懂得接受別人既幫助，反而有機會令到個問題以一個自己意想不到既方法得以解決

[@sinyanwinnieho3620]

Michelle, 你的故事真的鼓勵我們❤❤ 感激你

[@christinawan2589]

Michelle, 你加油, 很心痛。未來是開心健康！

[@brianhoisze]

Michelle加油, 上天好公平,人人都有佢嘅價值

[@Bearbung21]

睇到你嘅故事反而要好好檢討吓自己唔好抱怨咁生活，活咗40幾年其實已經係好幸福了😢祝福你繼續堅強樂觀地活下去💪💪💪希望你keep住開心嘅情緒同埋注意飲食係好緊要❤❤❤

[@vinvinyu8006]

真愛的體現。欣賞你們， Michelle and Leo🥰🥰

[@colinal.4450]

祝福MICHELLE和LEO幸福健康快樂

[@ol8435]

感受到滿滿嘅正能量 加油 nothing is impossible 💪🏽

[@rachelsplanet6282]

Michelle, 你很坚强，替你祷告，祝福你与你先生！

[@uwuc4625]

祝福🙏🏻好respect你咁努力樂觀活出自己人生❤

[@vickychan6154]

祝你身體健康！你們的故事，很感動！❤

[@leecarpenter9757]

多謝你們的服務, 努力和旁述

[@rickychan812]

你哋拍片真係好有質素，俾到好多人知有好多人係好積極面對生活👍

[@lamlam3339618]

非常感動🥹你真係做左一件有意義既事，謝謝你

[@louiso6316]

你好堅強亦好勇敢!! 你的勇氣可以給因為感情或金錢而做傻事的人做一個好好的借鏡!! 祝你身體健康!!

[@jasma1494]

祝福你哋, Michelle and Leo!

[@ellb712]

活得有意義Michelle, 每天在生活 不給自己停下來 攀石也要思考 怎上 左或右 右手用力倍加小心 很佩服妳的堅毅 向上邁進精神 也祝福妳和先生新春大吉 順心順意 白頭到老🫶

[@cheungcarolinelouis5130]

Michelle 加油，你好叻， 辛苦晒了

[@alanchan536]

好感動，喺情人節睇到呢條片真係覺得好sweet

[@cheche8495]

要向你學習你的堅強，你的勇敢💪

[@ap8148]

Michelle 加油！明天會更好💪💪

[@nooB-di5so]

活在當下! 祝福michelle 同leo ❤

[@selinachook4775]

天佑你身體安康，平平安安🙏🙏

[@rickychan812]

Michelle,你真係好勇敢

[@2203ken]

Michelle 你依條片必定影響到好多人，活在當下，祝妳同你先生身體健康

[@maymayhui9763]

加油👏好多唔識你哋嘅人都留言支持你們，看了你的故事，真的好感動，衷心祝福你和老公每天都過得幸福快樂 身體健康 ，好好享受上天給予的每一天，活在當下珍惜眼前人，為自己的人生活出精彩🎉

[@leolee6013]

你哋兩公婆真係好勁，祝你地永遠幸福快樂❤🎉

[@meitingpoon835]

真的感動，希望你可以同丈夫幸福快樂的，你真係好叻的，希望你可以戰勝病魔的。

[@qqsweety]

愈睇套片愈覺得michelle真係好強好樂觀積極開朗好正能量，好欣賞佢❤

[@BeautyCherie25]

希望Michelle身體健康🙏🏻

[@nannan421]

兩位都要加油！繼續要幸福

[@user-lz6rd7ik9o]

堅持，開開心心活在當下

[@Jimmyhk]

真係好感動！希望這夫妻可以繼續開開心心，快慘樂樂。

[@ABc-ng2ry]

上天俾左個不幸,幸運是她有聖強的精神.也令她碰上對的人，不用海誓山盟，支持陪伴到這份愛已在您們心裡、愛真美好.祝福你們

[@lawkit9470]

希望你哋可以永遠幸福快樂

[@waltercheung845]

希望你哋兩個一直幸福落去

[@hkbuggyboy]

Michelle & Leo, 祝願平安,幸福❤

[@rubylo3182]

係真愛❤，好感動🥹

[@andrewchan4695]

多謝MM,Michelle同你先生❤努力爬上去

[@sunyanapple]

加油 欣賞你既堅強 好勵志

[@sandraqu1655]

超感人 多謝兩位 活出了生命的大能 愿主祝福你

[@double.beef.noodles]

的確好堅強 好勵志

[@hungtim2405]

To Michelle & Leo Stay strong, best wishes ❤❤❤

[@cpy123]

加油，希望兩位每日都開開心心

[@pluslikify]

😢😢加油！好佩服你哋！

[@eatbananas7581]

祝福兩位，加油！

[@leungkayeeiris4227]

祝福Michelle同Leo身體健康，幸福快樂❤

[@user-vm3nc3yy4n]

真心佩服你 ❤祝福你可繼續平安地生活

[@RALnMeow]

Michelle 你好勁呀！

[@user-xf9cv2mg9s]

好叻女有個好老公加油

[@AF-ov4zf]

好有啟發性同鼓勵性既訪問! Michelle同Leo好積極樂觀，好有愛既兩公婆♥️ 希望奇蹟會出現，祝願兩位一直健康幸福快樂

[@barrylee8]

Michelle努力加油💪💪，我們支持你👏👏🥰🥰

[@NT-jk4yu]

Michelle 同 Leo 兩位都好叻，加油，祝福你地. 希望大家都身體健康，生活偷快.

[@evato8746]

熱愛生命的少女！大病中好勇敢面對！願上天佑保佑你和家人！

[@changloria7828]

Michelle 加油，祝福你們

[@joshualee8030]

Michelle Leo 好欣賞你地兩個啊 加油!

[@user-uc8lj3el9f]

Michelle, 你好犀利

[@kybb]

多謝MM分享Michelle 嘅故事，so touching and inspiring! @Michelle 妳好叻女，祝福妳健康快樂、甜蜜幸福 🥰

[@dorothychan5660]

努力， 你已經好勇敢

[@kuer38]

你好勇敢，大家好有愛，希望你繼續堅強，快樂 🙏🏽🙏🏽

[@carmenlow9219]

好坚强！好有爱this couple! ❤

[@kingson.l2087]

感恩有你既故事 祝福你地永遠健康落去❤