مميزات مواسير"بولي اثلين عالي الكثافة" HDBE في التأسيسات الكهربائية ودخلت بهذا العمل بين2017 و 2018

هناك دول تستخدم مواسير البولي اثلين عالي الكثافة HDBE و به مميزات انه يتحمل عمرا طويلا بالعمل و يتحمل اشعة الشمس و يتحمل الضغط المفاجئ نتيجة سقوط جسم ثقيل عليه .
و نحن ادخلناه في هذا العمل بين سنة 2017 و 2018
و وجدت انه يمنع الفطور بنسبة كبيرة و أحيانا لا توجد نهائيا
و من مميزاته سهولة التعامل معه و عمل عكوس بسرعة و دون الحاجة لسبرنك العوج الا بانحناء صعب او ضيق و هذا قليل جدا حصوله به لان العمل به يكون غالبا ارضي و جدران .
🚨هذا النوع يستخدم للتمديدات الدفن سواء كهرباء او اتصالات كما في تمديد كيابل الفايبر او الكيبل الضوئي و كما في كيابل الطاقة الكهربائية المدفونة بالارض اي يتحمل ظروف الدفن من ماء و غيره من المؤثرات .
موقع العمل / ديالى / بعقوبة / السادة /القرية الجديدة

[@ahmedelectricianofiraq5550]

السلام عليكم ... هذا العمل قديم بين 2017 و 2018 و رفعناه حتى نعلم رأيكم به فقط وهل جرب احدكم شيء منه مع العلم توجد ببعض بلدان الخارج نفس النوع يستخدم في التأسيسات الكهربائية . 🚨 الفيديو كما هو لم يتم التعديل عليه او منتجه شيء منه .

[@hassanal-yasiri6242]

مو اكلك فنان عندك تفاصيل بالشغل محد يسويه اتونس من اتابعك ربي يحفظك ويرزقك

[@salamsmi]

استاذ احمد انت كلش راقي بشرحك وانسان مرتب بس ملاحضه من اخوك اني هم كهربائي شغل بواري ال pvc احسن من بواري الماء والسبب الأول هوه الترتيب وتحياتي الك وبالتوفيق للجميع

[@ahmedelectricianofiraq5550]

الله محيك و اشكرك .. الفيديو طرحته لاجل ان ابين عن تنوع الانابيب و هذا النوع ميزته انه مقاوم و متين و به ليونة اكثر من ال upvc الابيض لانه اساسا لو رجعنا لمواصفات الفنية لو التصنيعية ستجده مخصص للوضع الظاهري بسبب قساوته و عدم تفاعله مع تمدد و تقلص الجدران ... لذلك انا صاحب تجربة و التجربة خير برهان لان هذه الانابيب HDBE كمواصفات فنية اكثر و مفيدة لي احيانا في التمديدات الطويلة لانها قطعة واحدة تصل الى 50 متر او 100 متر على امتداد واحد بدون توصيلات و لهذا السبب افادتني في تسليك اسلاك الاشارة للستلايت و الكامرات و غيرها .

[@bouabidihicham8275]

أسلام عليكم ورحمة ألله أخي الكريم أخوك هشام كهربائى جعله ألله في ميزان حسناتك وشكرا

[@user-th3wy5up6u]

عاشت ايدك هذاالانبوب حتى مرونته افظل بشغل

[@ahmedelectricianofiraq5550]

وايدكم .. نعم اكيد . لكن ادخاله و الاعتماد عليه يتطلب تجارب و استشارات من المختصين و نحاول التوصل لامثل الطرق لاستخدامه عبر التحدث لمن جربه و يعمل به في خارج العراق .

[@user-ue1ni7rx2e]

عاشت ايدك هذا البوري الي اقصد عنة

[@user-et7qy6ss6j]

عاشت ايدك ولله فكرة حلوة آني جربت البوري ماء البلاستيك الأخضر ثلاث أرباع الأنج

[@ahmedelectricianofiraq5550]

و ايدك اخي العزيز . ال ppr كلفته اعلى و تخصصه للمياه غالبا و يحتاج كوي حتى تقوم بتوصيل انبوب مع اخر و ليس توصالة و صمغ و البديل الافضل cpvc الي لونه رمادي لان الامريكان يستخدمونه

[@walemus9300]

عاشت ايدك ،طرحك جيد وذو فاءدة

[@ahmedelectricianofiraq5550]

وايدك اخي العزيز .. اشكرك

[@user-zq3ui7dj3k]

استاذ احمد كلامك صحيح احنه في تركيا نستخدمه لكن الفرق الاحجام 16 و20 والفرق السمك الداخلي اقل سهل التسليك بالتسليح يعني بعد القالب لكن من عيوبه شكيد من نحاول ميجي بصورة مستقيمة 100% واذا خلي انكولها بالعامية انطعج او انعقج يصير بيه نتوء من الداخل ميتسلك بسهوله الواير بيه بس بصورة عامة اني برأيي الشخصي فكرته ناجحة واسهل بالعمل والمجهود والتكلفة من الpvc حضرتك سبقتني بطرح هذا الموضوع بارك الله بيك ويكثر من امثالك

[@ahmedelectricianofiraq5550]

حياك الله اخي العزيز . البولي اثلين اني اشوفه في دفن الارضيات جدا ناجح و مرن جدا و هو حل وسط بين ال pvc و الفلكس بالنسبة للدفن الارضي اي بالتربة او ضمن الصبات الارضية . و اني لاحظت القياس 16ملم و قياس 20 ملم لكن ما حصلت السمك المناسب الي تفضلت به و ان شاء الله تعالى نتقدم بهذه المسألة للافضل.

[@ayadmahde3411]

احسنت وبارك الله فيك مبدع دائما

[@ahmedelectricianofiraq5550]

ويبارك فيك اخي الكريم .

[@user-ue1ni7rx2e]

عندي الك فكرة قوية جدا وعمليه للبريمة الي مسويه انت من وايرات لثقب البوري المسدود بالاسمنت بس ما اكدر اشرحه الك بالتعليق متعبة الكتابة وخاف الفكرة ما توصل

[@ahmedelectricianofiraq5550]

وتساب او فايبر و نرحب بك بعد الساعة التاسعة مساء 07723602905

[@user-ki4tg7gh9e]

اخويه احمد هذا بوري موجود عندنا باليمن ويستخدم للمؤية فقط اذا استخدمناه في الكهرباء غالي جدا جدا جدا يطلع 50متر ب150دولار ولا احد يستطيع ان يشتريه

[@ahmedelectricianofiraq5550]

حياك الله .. هذا الانبوب بسعر البوري upvc الابيض و بعض الاحيان يكون ارخص عندنا المتر منه لا يصل 0.5 دولار

[@haideralkurdi1266]

عاشت ايدك اخويه ابو شهاب

[@ahmedelectricianofiraq5550]

و ايدك اخي العزيز .

[@user-ut9wt4dr1w]

السلام عليكم عاشت ايدك .وربي يوفقك بعمل وبحياتك المهنية . انتة هنا مأسس واير سيمنس وايضا بوري مو صح . شنو فائدة البوري بعد

[@ahmedelectricianofiraq5550]

وعليكم السلام ورحمة الله اخي السيمنز للضرورة قمنا بعمله بسبب التكلفة لصاحب البيت لو تم عمل الانابيب اما بخصوص انبوب البولي اثلين عالي الكثافة HDBE استخدمناه لان اسلاك الاشارة اغلبها تتغير مع الوقت اي تستحدث يمكن ان تكون ستلايت و انترنيت معا او ستلايت فقط او كيبل للانترنيت وهكذا اما اسلاك الطاقة الكهربائية فلا تتغير ستظل ثابتة لان الكهرباء لا تتغير مجرد فولت و تيار .

[@user-ut9wt4dr1w]

حبي استاذ احمد اعرفك خوش ولد وجاي اسالك لان استفاد منك رشكرا" . ممنون

[@ahmedelectricianofiraq5550]

تدلل اخي و لكل سؤال جواب

[@ahmed.a_r]

بس قلل كلمه يعني اخويا انت فدوة لكلبك

[@ahmedelectricianofiraq5550]

فخامة رجل شرقي حبيبي انت ، والله صدقت اني حسبتهن الي بالفيديو قلت ( 50 يعني) 😆😆😆 بس لو تلاحظ ماكو عراقي يقدر يعبر عن كلامه اذا مو وياهة يعني . يعني كلمة مستحيل تشيلهة من قاموس العراقيين . بس اوعدك راح اقلل ☺☺

[@ahmed.a_r]

@@ahmedelectricianofiraq5550 هههههههه حبيبي بكيفك يعني اذا تحب تكول عادى😂😂😂😂

[@pubgmobile-xd6rq]

عاشت وسلمت .يدك ..رحم الله امرء عمل عملًا فأتقنه...الله يجعلها في ميزان حسناتك.... ممكن سؤال .اكدر استخدم بوري 20ملم للتأسيس .مع العلم .الاسلاك عندي قليله لان كل غرفه اسحب بوريين .وبوري ابو 20 يشيل اكثر من 10اسلاك واحد ونص .واكثر من 6ابو 2 ونص .والشي الثاني .شغله سهل حفر قليل .وميسبب تشقق الجدار ..ارجو التوضيح .اخي الكريم

[@ahmedelectricianofiraq5550]

نعم اخي تقدر تستخدمه و غالبا في الدول الخارجية يفضلون قياس 20 لان امتن واقوى و هذا عن تجربة . لكن انت في مثل هذه الحالة ستطر الى ان تستخدم بوكس حديد بفتحات 20 ملم و جنكشن 20 ملم و حاليا قليل من يستخدمها او يفضلها لان اغلب العمل توجه للقياس 25 ملم ولالنسة للتشقق نعم سيقل بنسبة اكبر ان شاء الله

[@pubgmobile-xd6rq]

@@ahmedelectricianofiraq5550 ربي يحفظك ويسعدك. حاليا موجوده قياسات 20ملم .للجكشن .وبوكس حديد ايضا موجود .بقياسين 20 .و 25 .لان اشتغلنه مجمع سكني .وكانت الخريطه هي قياس 20 ملم للبوري .وحصلنا على الجكشن والبوكس .في الناصريه .وكيل شركة جيبكو الاردنيه .

[@ahmedelectricianofiraq5550]

@@pubgmobile-xd6rq نعم انا مجربه الجنكشن لان استخدم صوندة فلكس 20 باعمال الصيانة و بالتأسيس فاحتاج للبوكس و الجنكشن من القياس 20 ملم .

[@sailmsailmali2964]

وين يتحصل هيج بوري

[@ahmedelectricianofiraq5550]

عند محلات التجهيزات الزراعية او الكهربائية و عندهم انواع كثيرة و حسب الاستخدام و يؤخذ النوعية الملساء من الداخل و اللينة

[@alireiadhqasem950]

شكد قياس الصونده وكم واير تتحمل بالتسليك

[@ahmedelectricianofiraq5550]

قياس 25 ملم و التحمل يكون 40 % من سعتها اي دخل اسلاك و بعدها تحسب كم سلك دخل بحيث لا يصل النصف من قطرها

[@ali.ibrahem.aldragee]

عزيزي وين يبيعونه هذا البوري وكم سعرة بلا زحمة عليك

[@ahmedelectricianofiraq5550]

والله قليل ما يتحصل في محلات الانشائية الكهربائية لكن تحصله عند محلات الانشائية الصحية المعتمدة و هو انواع و نوعيات منه زراعي و منه عام لكل الاستخدامات .

[@abdullahaljumaily9203]

عاشت ايدك اخي احمد سؤال استخدمته بالسقف ام لا .

[@ahmedelectricianofiraq5550]

لحد الان لا لكن سيجرب لانه معمول في دول جارة للعراق و ناجح

[@abdullajan4902]

حبيبي شكد قديم انت بيتي مبنى بالستينات وموجوده الصونده وبي الكيبل الرئيسي مال ميزانيه

[@ahmedelectricianofiraq5550]

حياك الله . اني ما تكلمت عن كيبل اخي العزيز اني تكلمت عن صوندة بولي اثلين لمن لم يعرف استخدامها . و اني اتذكر بيوت تستخدم نفس الصوندة للمد الارضي من زمن السبعينات و بمنشآت حكومية و لحد الان تعمل سواء ماء او كهرباء تستغل للاثنين .

[@abdullajan4902]

@@ahmedelectricianofiraq5550 اني هم دااحجي على الصونده لان جانو يمدون بيه الكيبلات مال الكهرباء

[@ahmedelectricianofiraq5550]

@@abdullajan4902 نعم اخي عبد الله افهمك لكن مقصدي من الفيديو ياطيب ابين الطرق الاخرى في التمديدات الكهربائية اي لاتفهمني غلط اخي انت قلت اني شكد قديم و المقصد مو القدم بالموضوع لكن الاستفادة من المادة هذه و اني اعرف بها من زمن طويل من كنت طفل لكن لا يوجد احد بين التمديد بها او لم يضعها من مواد التمديد الكهربائي بدل انابيب upvc لان البولي اثلين مرونته اعلى و يتحمل الصدمات اكثر و مناسب جدا وضعه في الارضيات الرطبة و حتى في الجدران كما انا فعلت .

[@user-gy9tn7tr1z]

ما فيد

[@ahmedelectricianofiraq5550]

حياك الله ياطيب .... مالسبب في كونها ماتفيد

[@user-gy9tn7tr1z]

@@ahmedelectricianofiraq5550 ما طيب بجكشن وفتحته زغيره بس للتسليكات الارضيه هل يوجد له سوكت او توصيل قطعه مع قطعه اخرى .

[@ahmedelectricianofiraq5550]

@@user-gy9tn7tr1z هو تتعامل معه كما لو تعامل البوري تماما لانه نفس القياس بالضبط اخي .

[@user-fc1qd8fw5h]

خوش فكرة حلوة أقوى من البوري الأبيض عدنا صوندة مال ماي من زمن اليهود لحد الآن جوة الكاع الدنيا انكلبت وهية بعدها ابحيلها

[@ahmedelectricianofiraq5550]

بالضبط البولي اثلين اشبه بالاستانلس ستيل بالمعادن . لانه يتحمل الشمس و الصدمة و الضغط و غيره الكثير و تراه يصنع منه علب لحفظ الادوية و المأكولات و حتى الاحماض القوية فهو صحي و لايسبب التسمم و كذلك آمن من ناحية شرب الماء من خلاله . و ادخل بالتأسيسات الكهربائية من خلال صوندة الفلكس الي نشرت بيها فيدوات سابقة .