مميزات و عيوب فيات تيبو | Fiat Tipo Review (لا تنسى الاشتراك )

Facebook page: / carhints-bam-102732905...
Telegram: t.me/tipofiatcarsegypts
Instagram Page: / c4rhints
KZbin channel:
#CarHints #Car_Hints #fiat #tipo #fiat500 #dodgeneon #dodge #fiattipo
-fiat tipo 2022 نفس مواصفات دودج نيون و بنصف سعر النيون تقريبا
عيوب و مميزات فيات تيبو ٢٠٢٢ بعد استخدام اكتر من ١٠ الاف كم
المميزات
١-التصميم الخارجي
تصميم جميل و شيك و متناسق و تحس ان العربية اوروبية جدا
التصميم الداخلي برضو حلو و حديث و تصميم عجلة القيادة مميز و مستخدم في عربيات كتير زي فيات ٥٠٠ x و جيب رينيجيد و جيب شيروكي و كريسلر 300 و دودج تشارجر و تشالنجر و دودج نيون اللي هي اصلا نسخة من فيات تيبو فكل حاجة
٢-الثبات
فيات تيبو مميزة جدا فالثبات و ثابتة جدا علي السرعات المتوسطة و العالية و تعتبر من اكتر العربيات الثابتة فالفئة السعرية دي
٣- التوجيه
العربيات الايطالية متميزة في توجيهها
توجيه العربية جميل جدا و مظبوط و من نقط تميزها و في اختيارين للتوجيه الاختيار الاول تقيل و دا يستحسن تستخدمه علي الطرق السريعة
و الاختيار التاني انك تشغل اوبشن السيتي
و اللوبشن دا بيخلي الباور بيشتغل بقوة اكتر و بيخلي الدريكسيون اخف و دا يفضل تستخدمه جوي المدينة و فالركنات و الاماكن الديقة
٤- الخلوص الارضي
ارتفاع العربية عن الارض ممتاز جدا تقريبا ١٥ سم و مبتحكش في اي مطب
٥-المساحات
فيات تيبو مميزة فالمساحات
مساحات الكراسي الامامية ممتازة و مريحة مساحات الكنبة الخلفية معقولة جدا
مساحات التخزين داخل العربية معقولة
درج التابلوه مساحته كويسة و في مساحات تخزين فالابواب و مساحة تخزين في الكنسول الوسطي كويسة جدا
و مساحة التخزين فالشنطة عملاقة فعلا بحجم ٥٢٠ لتر
و دا بيخلي اختيارها كعربية عائلية اختيار مناسب
٦-الامان
فيات تيبو مميزة جدا فالامان من اول فئة عندك ٢ ايبرباج و abs و ebd و esp و tpms و brake assist و hdc نظام الثبات علي المرتفعات و ايموبليزر و اماكن تثبيت لكرسي الاطفال -الكار سيت
وفي الفئات العالية بيزيد عليها ٤ ايرباج و نظام التحذير من النقط العامية
و الفرامل الخلفية بتبقي ديسكات في الهاتشباك
٧-الاوبشن
من اول فئة عندك مثبت سرعة و شاشة تاتش فيها بلوتوث للميديا و المكالمات و مدخل USB و تقدر تتحكم منها في اعدادات كتير
و العربية فيها voice commands و تحكم multi فالدريكسيون للتحكم في الميديا و المكالمات
و شاشة معلومات وسطية فيها حاجات كتير زي عداد سرعة ديجيتال كيلومتر و ميل و عداد رحلات و الوقت و التاريخ و درجة الحرارة الخارجية و استهلاك البنزين و ضغط الاطارات و درجة حرارة الزيت و شاشة اعطال و بيظهر عليها التليفون و الميديا
و سماعات العربية كويسة جدا
و فيها شاحن لاسلكي
و جنط ١٦
و فوجات امامية و خلفية و خاصية الكورنرنج لايت
بيزيد علي الاوبشنز دي في الفئات الاعلي
سنسور امامي و خلفي و كاميرا خلفية و دخول و تشغيل بدون مفتاح و شاشة وسطية اكبر فيها ابل كار بلاي و اندرويد اوتو و عدادات ديجيتال و مرايات تعتيم اوتوماتيك و تكيف اوتوماتيك و خامات داخليه احسن و امكانية طي الكنبة الخلفية و مخرج يو اس بي خلفي و نواكل في العربية من بري و كروم فالشبكة و اضائة ليد امامية و خلفية و جنط اكبر
٨-الاعتمادية
العربية ماتورها ١٦٠٠ تنفس طبيعي e torque ١١٠ حصان اعتمادي جدا و سير كاتينة جنزير و الفتيس ايسن ياباني ٦ سرعات اوتوماتيك تقليدي اعتمادي
و التكيف ياباني اعتمادي متميز جدا بيسقع من اول درجة فالمروحة
و العربية فعلا اثبتت نفسها و ملاك كتير عدو النص مليون كيلو من غير مشاكل في الماتور او الفتيس
٩-الانتشار
العربية انتشرت جدا و قطع غيارها متوفرة في اماكن كتير و باسعار كويسة و ارخص من التوكيل بكتير
و مراكز خدمة كتير بتشتغل فيها و في صيانتها
١٠-الاداء
اداء العربية مرضي جدا علي امكانيتها و سعرها و خصوصا مع الفتيس ال ٦ سرعات اللي الي حد ما ذكي و بيفهمك لما تعوز تجري
١١-استهلاك البنزين
استهلاك البنزين معقول جدا و خصوصا فالسفر او لو سواقتك مش دايما عنيفة
انا في ١٢،٠٠٠ كم متوسط استهلاكي كان ٨ لتر كل ١٠٠ ك و معظمهم داخل المدينة
و ممكن تعمل استهلاك احسن من كدا لو سواقتك هادية او بتسافر كتير بالعربية
العيوب
١-عدم وجود بعض الاوبشنز في اي فئة
ولا فئة من العربية فيها فتحة سقف او مرايات ضم او وحدة رفع او هاند بريك كهرباء
٢-العزل الارضي
عزل العفشة سيء جدا لو دست علي زلطة هتسمعها كانها جوي العربية و هتسمع كل حاجة بتحصل فالعفشة صوت المساعدين و الفرامل و كل حاجة تحت العربية
و عموما عفشة العربية ناشفة شوية و هتحس بالمطبات كلها تقريبا
٣-حساسية من البنزين
العربية حساسة جدا للبنزين و لو حظيت بنزين سيء او مغشوش هتحس باهتزازات و عدم انتظام فالماتور وصوت كركرة واضح
٤-المواد الداخليه
المواد الداخليه سيئة جدا بلاستيك بس وبلاستك تعبان كمان و ممكن تخربشه بضوافرك
و بيتحسن شوية فالفئات الاعلي
٤-الدهان الخارجي
الدهان الخارجي ضعيف و بيتخربش من اي حاجة و بسرعة جدا
٥-التوكيل
التوكيل ضعيف جدا و معندهمش خبرة و الشكاوي منه كتيرة و لما بتحجز الصيانة بيديك ميعاد بعد شهر و معظم قطع الغيار مش متوفرة و اسعار قطع الغيار و الصيانة الدورية مبالغ فيها جدا
٦-البطاحات
ناس كتير اشتكت من البطاحات انها بتبوظ بسرعة و بتتصلح فالتوكيل ببلاش
٨-الكلكس
الكلكس بيبوظ بسرعة و بيتصلح فالتوكيل ببلاش
٧-الزجاج الأمامي
الزجاج الامامي ضعيف و بيتشرخ بسرعة
١٠- غطاء تنك البنزين مبيتقفلش
علاطول مفتوح
١١- فالفئات العالية الجنط ال ١٧ و ال ١٨ بيعمل بلالين بسرعة جدا و دا عيب في اي عربية فيها جنوط كبيرة و البروفايل بتاع العجل بتاعها واطي في ظروف الشوارع في مصر

[@carhints]

ارجوا دعم القناة باشتراك (subscribe) تحفيزا لنا على الاستمرار و تقديم ما هو أفضل ❤

[@ConcretePerfumes-id3xv]

Done

[@fethihessainia8271]

سؤال من فضلك أيهما أفضل سيارة فيات تيبو سودان أو سيارة جيلي آمجراند 2023

[@eslamezat9517]

مشكور على كم المعلومات الغزير فى انتظار المزيد

[@carhints]

شكراً 🙏

[@user-px4uo9ih3r]

الله ينور ي هندسه اقسم بالله منك بنستفيد وبجد بنستفيد منك كمل

[@carhints]

شكراً 🙏

[@fethihessainia8271]

ممتاز.شرحا وتفصيلاً.تسلم يا استاذ

[@carhints]

اشكرك 🙏

[@MohamedAhmed-hu3fz]

الله ينور عليك ياباشا

[@islamhussienahmed9505]

هايل جدا شكرا لك مهندس❤

[@carhints]

تسلم 🙏

[@remiliadda1386]

شكرا سيدي على المعلومة لفياتح رمضان كريم

[@carhints]

تحياتي لحضرتك رمضان كريم

[@midomonir9634]

مراجعه ممتازة سيارة اعتماديه قيمه مقابل سعر

[@waleedwa63]

العربيه جميله جدا وتستحق الشراء

[@WlidWlid-cg6kq]

انت اشتريتها السيارة .انا حبيت اشتريها لكن متخوف

[@djamelzahout2121]

بارك الله فيك

[@carhints]

اللهم آمين

[@mohamedsarhan7]

الله يرزقني هذه العيوب ان شاء الله 😅😢

[@carhints]

👌🙏

[@carhints]

ارجوا دعم القناة باشتراك (subscribe) تحفيزا لنا على الاستمرار و تقديم ما هو أفضل ❤

[@adhamashr4f556]

الله ينور شرح رائع

[@carhints]

شكراً 🙏

[@user-gj2qs1eu6t]

الله ينور 😍

[@carhints]

تسلم 🙏

[@AhmedElshayal]

بالتوفيق ❤

[@carhints]

شكرا 🙏

[@ConcretePerfumes-id3xv]

Best Review 👌

[@carhints]

Thanks 🙂

[@user-lz7md9jz8i]

الله ينور عليك يا باشا فديو رائع

[@carhints]

شكراً🙏

[@civilhints9477]

الله ينور

[@carhints]

تسلم 🙏

[@moustafaahmed3195]

Nice video

[@carhints]

Thanks 🙏

[@mohammedshaf3ie937]

🙏💪

[@ahmedbenhadjtaher8305]

ممكن جاوبنا علي صدق المحرك ومشاكل نقص الزيت وشكرا استاذ

[@carhints]

بالنسبة للنسخة الاوتوموتيك بيكون الماتور ١،٦٠٠ سي سي اعتمادي ، محترم جدا ، ولا يوجد مشاكل او نقص زيت نهائيا ما دمت ملتزم بتغيير الزيت و الفلتر بنفس اللزوجة المطلوبة و في ميعاده النسخة المانوال فيها ماتور ١٤٠٠ سي سي بيكون فيه نسبة بخر للزيت بسيطة و غير مؤثرة و دي حاجة مكتوبة في كتالوج العربية يعني المصنع عارف ان الماتور فيه نسبة تبخير للزيت تحياتي

[@bobbob7300]

بالنسبه للشاشه العدادات جايبه عندى اجراء صيانه للمحرك ممكن يكون السبب انى حطيت اخر مره بنزين ٩٢ وكمان جايبه اجراء صيانه لنظام التوجيه المعزز ممكن اعرف السبب يا هندسه

[@carhints]

لو البطارية سليمة يفضل حضرتك تكشف عند حد متخصص افضل تحياتي

[@carhints]

ارجوا دعم القناة باشتراك (subscribe) تحفيزا لنا على الاستمرار و تقديم ما هو أفضل ❤

[@user-ob1py7kl4k]

Quel.et.le.dernier.chifre.indiquer.sur.le.tableau.de.vitesse

[@XXXXXXMidOXXXXXX]

هل واجهتك مشكلة نقص قربة المياة بسرعة ؟؟ وهل دي تعتبر مشكلة شائعة في الفيات تيبو ولا لاء ؟؟

[@carhints]

الي ٣٠،٠٠٠ كم في عربيتين معانا من الزيرو مفيش نقص مياه و الحمد لله شفت بعض الشكاوي في الجروبات من الموضوع دا بس اتوقع بتكون حالات قليلة تحياتي

[@carhints]

ارجوا دعم القناة باشتراك (subscribe) تحفيزا لنا على الاستمرار و تقديم ما هو أفضل ❤

[@mohammedshaf3ie937]

بس بالنسبه للعفشه ممكن تجيب مقاس جنوط و طنابير اكبر وبالتالي الكاوتي وتدي نيتروجين للكاوتش بزياده في الضفط شويه درجتين تلاته وتعلي السوست ولو هتصرف غير كاوتش الميزان وبطاحه المساعد وهات حاجه الماني او امريكاني هتدي اداء احسن بكتير في العفشه ومش هتحس بعيوب الطريق ذي الاول العيب الوحيد ان ممكن تستهلك بنزين اكتر خصوصا لو الكاوتش مش متظبط علي اعلي درجه

[@carhints]

ممكن برده

[@carhints]

ارجوا دعم القناة باشتراك (subscribe) تحفيزا لنا على الاستمرار و تقديم ما هو أفضل ❤

[@Lion7840-i4c]

صحتي ماتتحملش العفش السيء وانا كنت مقبل على شرائها

[@sir8221]

​@@Lion7840-i4c للاسف انا مالكها وده العيب الوحيد ، ومحتاجين عربية تانية و نفسي اجيبها تاني بس مش عارف اعمل ايه فى نشفان العفشة

[@tahernegama4590]

هل تنفع شغل وسفر اكل عيش وبالنسبة لقطع الغيار واسعارها

[@carhints]

ممتازة فالسفر و مريحة جدا و ثابتة، قطع غيارها متوفرة بري التوكيل و لكن غالية شوية و مصاريف تشغيلها غالية شوية ، مش احسن حاجة للشغل لو شغلك هتمشي بيها كتير ، يعني مش زي الصني مثلا تحياتي

[@user-kx3or8sf1p]

​@@carhints ❤

[@carhints]

ارجوا دعم القناة باشتراك (subscribe) تحفيزا لنا على الاستمرار و تقديم ما هو أفضل ❤

[@ahhe126]

قطع غيار متوفؤ او غير متوفؤ ما افهمت؟

[@carhints]

متوفرة

[@mohammedshaf3ie937]

اوبشن السيتي ده موجود في كل الفئات ولا الفول اوبشن بس

[@carhints]

كل الفئات حتي المانيوال

[@isaac-kp2vl]

هل صحيح انها تنقص زيت؟

[@carhints]

لا يوجد نقص زيت والحمد لله فالاوتوماتيك الماتور ال ١٦٠٠

[@carhints]

ارجوا دعم القناة باشتراك (subscribe) تحفيزا لنا على الاستمرار و تقديم ما هو أفضل ❤

[@jussikulkevainen8657]

Hyvä auto myös talvella kestää pakkasta

[@mohammedgamal1344]

من رايك اشتريها ك شاب ؟

[@carhints]

ممتازة لشاب و ثباتها محترم و يفضل ليه ( الهاتشباك )

[@gaklengozlan1461]

عندي فيات تيبو ٢٠١٧ ومرتاحه فيها كتير من سنتين معي ومفيش مشاكل

[@carhints]

هي فعلا عربية ممتازة و اثبتت نفسها و مشاكلها قليلة و قيمة مقابل سعر

[@ameurdoudou]

او الدزيرية وين هم

[@sifotech]

ماشي نفس لموديل لي يستوردوها فيها للدزاير 😢

[@ameurdoudou]

@@sifotech 😭😭😭 ربي يجيب الخير

[@Lion7840-i4c]

​@@sifotechواش الفرق

[@faridzinou1589]

من فضلك كم سعرها في مصر

[@carhints]

٢١ الف دولار تقريبا حاليا

[@aouchettedahmane985]

جزائري 😅 نفس الشيئ انا جزائري

[@carhints]

منور و جميع اهل الجزائر 🇩🇿

[@amirouamir2383]

هل تنصح بشرائها ؟

[@carhints]

حضرتك الفيديو موضح المميزات و العيوب و قرار الشراء انت الوحيد اللي تقدر تحدده حسب احتياجاتك من العربية و هل هتكون مناسبة ليك و لظروفك ولا لا بس هي عربية محترمة و اعتمادية عن تجربة

[@amirouamir2383]

@@carhints بارك الله فيك

[@carhints]

شكراً 🙏 تحت امرك

[@user-gf6ng6vr9u]

استخدامك البنزين 92 ولا 95 موضوع نقص الزيت ايه أخباره اخره حاجه ايه رايك فالعربيه بناء علي تجربتك يعني تتشري ولا اشوف حاجه ثانيه

[@carhints]

استخدامي من الزيرو بنزين ٩٢ من محطات بنزين نضيفة و مجربها في سياراتي الاخري و مبغيرهاش لا يوجد نقص زيت و الحمد لله فالاوتوماتيك رايي عن العربية واضح فالفيديو كل العربيات ليها عيوب و مميزات و قرار الشراء دا قرار حضرتك لوحدك و انت اللي تقدر تحدد هل تنفعلك بمميزاتها و عيوبها ولا لا تحياتي

[@user-gf6ng6vr9u]

@@carhints اصل كل الفيديوهات بتنصح ببنزين 95 عشان تسقيف الموتور فهل بنزين 92 ماثرش علي السحب ولا اي حاجه وشكرا جدا ليك

[@carhints]

المواتير التنفس الطبيعي لا يوحد مشكلة من استخدام البنزين ال ٩٢ معها اكيد ال٩٥ هيكون احسن و ليه تاثير فالسحب بس تاثير بسيط جداً صعب تلاحظه بس هي المشكلة فين البنزين ال ٩٥ النضيف تحياتي

[@carhints]

ارجوا دعم القناة باشتراك (subscribe) تحفيزا لنا على الاستمرار و تقديم ما هو أفضل ❤

[@anisazharyela1677]

العيب الاول انها غالية

[@carhints]

مكنتش غالية في الاول ... دلوقتي مفيش حاجه رخيصة للاسف

[@carhints]

ارجوا دعم القناة باشتراك (subscribe) تحفيزا لنا على الاستمرار و تقديم ما هو أفضل ❤

[@AbdouAbdou-qr9vd]

مشكلتها تستهلك الزيت والبنزين

[@carhints]

بالعكس اقتصادية فالبنزين ولا يوجد نقص بالزيت في الماتور ال ١٦٠٠ الاوتوماتيك

[@alisousi4691]

العيب الذي لم يصنع شيء يتكلم العرب العر من سولالت الصفر والخراب 🤯🤯

[@99bou]

و من انت وماذا فعلت يا اقل من الصفر ياسالب

[@carhints]

ان شاء الله في يوم بنصنع و الفيديو لنصيحة المشتري و مساعدته لاختيار السيارة المناسبة

[@moussiyoucef5838]

406 تبقى 406

[@carhints]

👍

[@aryousaryous482]

عيوب سيءة جدا . تبقى الرونو احسن اختيار . بالرغم من كل المحاولات تاع الفيات مازلت لا احبها

[@midnightsundays3892]

حتى هي مابتحبكش...لما تصنع سيارة اتكلم ....تعرفوا تصنعوا الا الانتقاد و الشكاوي ...هههه...

[@boucifkada6305]

ربي يهديك واش من رونو باغي تجيب طليان لفرنسا

[@user-sd7rw1ug7w]

هاذي يسموها عاطفة ماشي رأي صريح و محايد في السيارة...مع الأسف

[@midnightsundays3892]

اختر رونو سيمبول...هههههههه

[@carhints]

اختلاف الاراء و الاهواء ده شئ صحي و كويس

[@anwartube3673]

براحة فيديو متناقض

[@carhints]

رأيك يهمنا طبعا ليه الفيديو متناقض ده مميزات و عيوب السيارة؟؟

[@anwartube3673]

مميزات السيارة هي عيوبها

[@carhints]

@@anwartube3673 قصدك ان مفيش مميزات للسيارة ؟

[@MlBaaissa-ek7mn]

ما تتكلم عربي احسن

[@carhints]

هو في عربي تاني غير اللي بتكلمه !؟