من قصائد عدوان الهربيد الجزء (1) رثاء أخوته + اعلمك بالكيف

بعض من قصص وقصائد الشاعر عدوان الهربيد السويدي الشمري رحمه الله يرويها الشاعر مشعان ابن سحلي الحمزي السويدي الشمري رحمه الله في تسجيلات الدكتور سعد الصويان البحثية
من القصائد :
قصيدته بعد ما فقد جميع أخوته حيث لم يتبقى له إلا جريس
يادار يادار ربينا بك العام
بين الجلد يادار واشراف ضاحي
يادار مابك من هلك جرة اقدام
والمال ماله جرّةٍ .. بالمراحي
بس الثلاث اللي تقول روس خدام
وارض تصفق به نشيط الرياحي
ياجريس يامشكاي واطيرنا حام
واخون من لبدة ليالٍ لقاحي
حطن بنا هجرٍ عواقيد وخزام
واسقننا يا جريس مر الملاحي
حظ ربض لو قامت السمر ماقام
وباب عصا في قلة الانفتاحي
يا قد قلبي قد أزرق الخام
أو قد غرب من شفا البير طاحي
وين العيال اللي مشو لي بالاخدام
راحو كما برق بالامطار لاحي
-
يالله ياللي مابخلقك معيره
الواحد اللي للمخلايق خلاق
تسعين .. مية رنق انته دبيره
ترجيك يا باني حجر كل شوهاق
رزّاق فتّاح الأفام .. الكثيره
ومرضي كثير رنوق خلقك بالارزاق
ومحيي سكونٍ حال دونه جبيره
وتلحق شرودٍ بالجناحين خفّاق
شي طلوع الشمس حزة نشيره
وشي غياب الشمس فكه للارياق
واشداق ترعى من ثمر كل ديره
واشداق يوجدله معوشٍ من اشداق
دنياك انته حاكمه ، وانت اميره
المنفهق واللي على الرزق مطفاق
ومحيي سكون حال دونه جبيره
وتلحق شرود بالجناحين خفاق
دنياك انت الواحد اللي تديره
مر ربيع ومر يذون الاوراق
ومر دجى والعين يخلف نظيره
ومر نهار وكل دنياك مشراق
دنياك تقدم ماتقدّم نذيره
ومن هج عن لوذة مناياه ينعاق
انا دخيلك يوم يشتب كيره
يالله لاتصلى عظامي بالاحراق
وترجع لعبدٍ مودعك له ذخيره
الواحد اللي نوى بيك ماباق -
-
قصيدته بالكيف وهو يوضح أن شرب الدخان ليس كيف
-
شارب التنباك جوزوا مهو كيف
يامدور الشكلات مابه شكايل
لاجالي هم ولا مقري ضيف
ولامودع خط الرديين طايل
اعلمك بالكيف ياداير الكيف
شي تخلق من ضلوع الشوايل
اعلمك بالكيف ياداير الكيف
حب اللقيمي فوق عصبان حايل
واعلمك بالكيف ياداير الكيف
المعرقة والجوخ فوق الاصايل
واعلمك بالكيف ياداير الكيف
ركب العقايليات والدل مايل
واعلمك بالكيف ياداير الكيف
ضربت عدوك بالجموع الثقايل
واعلمك بالكيف ياداير الكيف
دنين نجور الماو بين النثايل
واعلمك بالكيف ياداير الكيف
تدليل حد السف في كل عايل
واعلمك بالكيف يا داير الكيف
وضحى من الخفرات شقرا جدايل
واعلمك بالكيف ياداير الكيف
بني الرباع السود ويا مقايل
اعلمك بالكيف ياداير الكيف
يامدور المشهول هذا الصمايل
قصيدته بأم طامي

[@نوافالشمري-ش3ي]

من اجمل الرواه مشعان الحمزي صاحب نبرة صوت مفعمه بالهداوه والدقه والشعور بإحذاث القصه

[@عبؤودالسويدي]

الله يرحمك يخالي كنعان سحلي

[@faisl646]

للمعلومه الجواضع الي يقول ترا الراوي ماحلها صح الجواضع الي يقول بها عدوان الهربيد هي والله اعلم ثلاث الى اربع حجار طوال وضّخام تكون تحت النضيده تسانك منت من اهل الشمال ايها القارئ ماراح تعرف النضيده 😂😂 عاد الجواضع هذي تكون تحت النضيده ترفعها عن التراب والسيل لاجاها هذي هي الضواجع والله اعلم 👋🏻

[@h_altoaan]

رحمة الله عليهم جميع

[@fok3686]

اسمعو الي يرمي برشاش 😃

[@faisl646]

عطنا تويتر حقك يا فريح

[@ابوماجد-ر7ذ]

كيف طريقة الحصول على التسجل كامل

[@lmhat_hail]

يا هلا وغلا .. التسجيل من تسجيلات الدكتور سعد الصويان البحثية والتسجيل كامل نزلته على مقاطع متفرقة بدون تعديل واذا تبي التسجيل كامل أبشر به راسلن بتويتر وابشر