Рет қаралды 1,312,888
ပြီးခဲ့တဲ့ရက်ပိုင်းအတွင်းက ဖေ့ဘွတ်ခ်လူမှူကွန်ရက်စာမျက်နှာတွေထက်မှာ နာမည်ကျော်ခဲ့တဲ့ သမီးငယ်လေးတစ်ယောက် ရှိပါတယ်။
သူ့နာမည်က လှလှထွေးပါ။ အသက်က ၁၂ နှစ်အရွယ်ပဲ ရှိပါသေးတယ်။ လှလှထွေးဟာ ရှမ်းပြည် နယ် မိုးမိတ်မြို့နဲ့ ၂၈ မိုင်လောက်ဝေးတဲ့ လမ်းပန်းဆက်သွယ်ရေးမကောင်းတဲ့ တောင်ပေါ် ရွာ လေး တစ်ရွာကပါ။
လှလှထွေးမှာ အမေ အဖေနှစ်ယောက်စလုံး သက်ရှိထင်ရှားရှိပေမယ့် မိဘနှစ်ပါးစလုံးက မူးယစ် ဆေးဝါး သုံးစွဲနေကြသူတွေ ဖြစ်ပါတယ်။ ဒါကြောင့် သူ့အောက်မှာရှိတဲ့ မောင်လေးနဲ့ ညီမလေးတို့ အတွက် သူက အမကြီးအမိရာပါ။ ရက်သားပဲရှိသေးတဲ့ ညီမလေးရယ်၊ နှစ်နှစ်အရွယ်ညီ မလေး ခမ်းလှ၊ ၅ နှစ်အရွယ်မောင်လေး အဒေးတို့ သုံးယောက်ဖြစ်ပါတယ်။
အဲဒီလို အရွယ်မရောက်သေးတဲ့ လှလှထွေးရဲ့မာင်နှမသုံးယောက်ဟာ အစာရေစာ၀၀ လင်လင်မစားရလို့အဟာရချို့တဲ့ပြီး ပိန်လှီခြောက်ကပ်လာခဲ့ပါတယ်။ အဟာရပြတ်လို့ ရောဂါတွေထူပြောပြီး သေလုမျောပါးဖြစ်နေတဲ့ မောင်ညီမသုံးယောက် ဆေးကုသ နိုင်ဖို့ လှလှထွေးကြိုးစားရပါတော့တယ်။ ကလေးတွေကို မိုးမိတ်ဆေးရုံဆီ အဒေါ်အကူအညီနဲ့ အရောက်ပို့လို့ အသက်ကယ်နိုင်ဖို့ ကြိုးစားခဲ့တာဖြစ်ပါတယ်။
ဒါပေမယ့် ၅ နှစ်သားမောင်လေးဟာ မိုးမိတ်ဆေးရုံရောက်တဲ့ ဇူလိုင်လ(၂၃)ရက်ညမှာပဲ သေဆုံး သွားခဲ့ပါတယ်။
ကျန်တဲ့ ညီအမနှစ်ယောက်ရဲ့ ကျန်းမာရေး အခြေအနေကလည်း စိုးရိမ်ရတဲ့အတွက် မိုးမိတ်ဆေး ရုံကနေ မိုးကုတ်ဆေးရုံကို ဇူလိုင်လ၂၈ ရက်မှာ ပြောင်းရွှေ့ကုသပေးခဲ့ပါတယ်။ ဆေးရုံကဆရာဝန်ကြီးတွေ ဂရုစိုက်ကုသပေးခဲ့ပေမယ့် ကိုယ်ခံအားတွေ နည်းနေခဲ့တာကြောင့် အသက်နှစ်နှစ်အရွယ် ညီမလေးခမ်းလှလေးဟာ ဇူလိုင်လ၂၉ ရက် မနက်ခင်းမှာပဲ သေဆုံးသွားခဲ့ ပြန်ပါတယ်။
မောင်နှမလေးယောက် အတူတူလာခဲ့ကြတာ အခုတော့ လှလှထွေးမှာ တစ်လပင်မပြည့်သေးတဲ့ ညီမလေးတစ်ယောက်ပဲ ကျန်ရစ်ခဲ့ပါတယ်။ မိုးကုတ်ဆေးရုံအုပ်ကြီး ဒေါက်တာစိုင်းသန့်ခိုင်ကတော့ ကလေးအခြေအနေတိုးတက်ကောင်း မွန်လာတယ်လို့ ပြောပါတယ်။ သူတို့ညီအမတွေကို အဒေါ်နဲ့ဆွေမျိုးသားချင်းတွေကလည်း လာရောက်စောင့်ရှောက်ပေးနေပြီး မိုးမိတ်နဲ့ မိုးကုတ်က လူမှူအဖွဲ့အစည်းတွေကလည်း လာရောက်ကူညီပေးနေကြပါတယ်။ ဒီလိုကူညီထောက်ပံ့မှုတွေ စောင့်ရှောက်မှုတွေရှိနေတဲ့တိုင် နောက်ဆုံးကျန်တဲ့ ညီမကလေးလည်း အဒေးတို့ ခမ်းလှတို့လို့ သူ့ကိုထားခဲ့မှာ လှလှထွေးတစ်ယောက်မတွေးရဲပါ။
ဒါကြောင့် ညီမငယ်လေးကို မျက်စိအောက်က အပျောက်မခံ ဂရုတစိုက်ပြုစုချီပိုးရင်း လုံးဝစိတ်ချရတဲ့ အခြေအနေတစ်ခုကို စောင့်မျှော်နေတာပဲဖြစ်ပါတယ်။
ရုပ်သံသတင်းထောက်- ညီညီဇော်