حدوتة لغة السي شارب - C# Story

مساء الخير, ازيكم, معاكم محمد الشريف و فيديو جديد.
زي ما وعدتكم في حلقة "هل الجافا بتموت" اننا نتكلم عن قصة نشوء لغة #C, لو ما شفتش حلقة ال Java حتلاقيها فوق في ال info card هنا.
قبل ما نبدأ, يا ريت لو عاجبك المحتوى اللي بنقدمه, تعمل Like للفيديو, و subscribe للقناة, و يا ريت لو تعمل Share كمان.
الحكاية بتبدي سنة ١٩٩٥, في الفترة دي كان نظام ويندوز هو المهيمن على أنظمة التشغيل الشخصية بشكل عام, و بالتالي كل التطبيقات بتتكتب لنظام ويندوز.
لكن كان فيه مشكلة ....
المشكلة هي ان التطوير على ويندوز كان فيه مشاكل, لأن مش كل المطورين عاوزين يستخدموا لغة زي C++ أو C لأنها معقدة بالنسبة للتطبيقات اللي عاوزين يبنوها, و برضه في شريحة مش قليلة مش مستسيغة ال Visual Basic, و ده خلى فيه فجوة كبيرة في الاختيارات المقدمة للمطورين.
في عام ٩٥, ظهرت على الساحة لغة Java و اللي قدمت لغة شبه ال C++ لكن أبسط بكثير, و بتدعم ال Object Oriented Programming بشكل أساسي, و ده كان يعتبر من أحدث أساليب التطوير وقتها, بالإضافة ل Class Library متميزة و غنية جداً, و فوق ده كله Cross Platform عن طريق ال Java Virtual Machine, و اللي خلت البرامج المكتوبة بيها تشتغل على أي أنظمة تانية زي Apple Macintosh أو Linux و Unix و غيرهم.
و في وقت قصير جداً, أثبتت ال Java نجاح و انتشار بين المطورين, و اللي لفت بالتالي انتباه مايكروسوفت, و اللي أقدمت على خطوتين.
الخطوة الأولى, التعاقد مع واحد من أكبر مصممي اللغات و المترجمات في العالم في الوقت ده Anders Hejlsberg, و اللي كان ليه اسهامات في لغات كثير جداً ساعتها زي Turbo Pascal, Delphi.
التعاقد مع Sun Microsystems مخترعة لغة Java, علشان تسمح لمايكروسوفت بتطوير نسخة للجافا لل Windows, أكثر كفاءة, بالإضافة لأدوات تطوير تساعد المطورين, و حطت Anders على رأس فريق التطوير.
مايكروسوفت أطلقت على نسختها من ال Java اسم J++, اللي أصدرتها لأول مرة سنة ١٩٩٦.
المشكلة حصلت لما مايكروسوفت قررت ما تلتزمش بكامل معايير ال Java, و ابتدت تشيل أجزاء زي ال Java Native Interface (JNI) أو ال Remote Method Invocation (RMI) و تستبدلهم بتقنيات مناسبة أكثر لل Windows علشان تحسن أداء اللغة على نظام Windows أكثر, و أيضاً اضافت Windows Foundation Classes (WFC) علشان تسهل التعامل مع ال Windows , غير تعديلات على اللغة نفسها زي إضافة ال callbacks و ال delegates.
الموضوع ده خلى Sun Microsystems تعتبر Microsoft أخلت بالاتفاق اللي بينهم, و قررت انها ترفع قضية على مايكروسوفت علشان توقف تطوير اللغة.
الموضوع طبعاً تصاعد بسرعة, و مع مرور الوقت و الأزمة وصلت في النهاية الى قناعة داخل مايكروسوفت انهم محتاجين يتحكموا في مصيرهم بشكل أساسي, بدون الاعتماد على تقنيات من شركات تانية.
سنة ٩٩, أسس Anders Hejlsberg فريق تطوير للغة جديدة, تم اطلاق اسم Cool عليها أولاً, و كان اختصار ل C-Like Object Oriented Language, لكن الحمد لله الاسم ده ما كملش, و تم تغييره قبل الاعلان عن اللغة بشكل رسمي لاسم C# سنة ٢٠٠٠ في مؤتمر PDC, و صدرت اللغة رسمياً لأول مرة سنة ٢٠٠٢
لغة C# في البداية كان عليها انتقادات كثيرة جداً, لأنها كانت مشابهة جداً للغة Java, و ناس كثير اعتبرتها مجرد تقليد أعمى.
لكن بمجرد ظهور الإصدار الثاني من اللغة سنة ٢٠٠٦, و اللي بدأت لغة C# في اظهار فلسفة مختلفة في تطوير اللغة, و ظهور مميزات زي ال Generics, و اللي أسلوب عملها اختلف بشكل جذري عن ال Java.
و مع الوقت بدأت ال C# تعمل مزج بين أساليب مختلفة من البرمجة, زي تأثير ال Functional Programming الواضح على الإصدار الثالث و اللي ظهرت فيه تقنية LINQ, و ابتدت تبقى ليها بصمة في لغات البرمجة بشكل واسع, زي مثلاً تقديم فكرة ال async / await و اللي لغات كثيرة بعد كده استخدمت نفس الأسلوب ده.
و في سنة ٢٠١٢, أعلن Anders Hejlsberg رسمياً لغة Type Script, و اللي كان واضح فيها جداً تأثير فلسفة لغة ال C# عليها.
بشكل شخصي أنا كنت محظوظ اني اتعرفت على لغة C# من أول beta نزلت ليها سنة ٢٠٠١, و ابتديت استخدمها في أغلب مشاريعي في الجامعة, و شفت تطور اللغة و مراحلها المختلفة على مدار أكثر من ١٥ سنة, و لحد النهاردة بعتبر ال C# لغتي المفضلة, حتى لو حالياً انا بشتغل بال Java بشكل أساسي.
لو عجبك الفيديو ما تنساش بقة ال Like, ده بيساعد جداً, و تاني لو مش مشترك يا ريت تشترك علشان يوصلك جديدنا أول بأول, و لو عندك أسئلة أو أي ملاحظات يا ريت تسيبها تحت في التعليقات.
سلام.
Our facebook Page
/ askdeveloper
On Sound Cloud
/ askdeveloper
Please Like & Subscribe

[@ArabicCompetitiveProgramming]

جميل...تسلم ايدك

[@abdulkareemaltawashi9013]

الجميل حضوركم معنا ي دكتور ، وكل الشكر للمهندس محمد ع الطرح الراقي والمفيد

[@aseel1024]

ال C# فعلا بتطور بشكل كبير. لاكن اللغه الاكثر استخداما والي بتفيدك في كل بلاتفورم سواء ويب، موبايل، ديسكتوب، AI والخ هيا جافاسكربت. جافاسكربت بلرغم من انها لغه مفيش لها ستاندرد معين لاكن المبرمجين بيحبوها وبيكرهوها بنفس الوقت 😂 وانا منهم. عايزين فيديو منك عن جافاسكربت والتايب سكربت 😍

[@mohammedelsayed7347]

طبعاً مفيش خلاف علي أهمية الموضوع وطريقة العرض الجميلة يا بشمهندس، ولكن أكتر شيء بيعجبني في فيديوهاتك هي إنك بتتكلم عربي بشكل سلس. بتتكلمها بشكل مريح وبدون إخلال بال technical terms اللي بتستخدمها عند الحاجه، ودا عكس ناس كتير بتحاول تستعرض قدراتها اللغوية وبيدخلوا كلمات إنجليزي بشكل استعراضي أكتر منها لخدمة الموضوع محل النقاش. شكراً يا محمد، وجميل نوعية الفيديوهات القصيرة دي، إستمر.

[@Basel-ll8fj]

انا بستخدم السي شارب في Unity من امتع اللغات الي الواحد ممكن يتعلمها فعلاً انا اتعلمتها بعد الجافا وكانت بالبداية بالنسبة شبيهة بالجافا اوي لغاية لما اتعمقت فيها شوية اكتر لغة modern وبنفس الوقت جايبة حاجات كتير من الc++

[@tariqhajeer6171]

يا ريت تحكيلنا عن ال (.net و .net frameworkو standard و core و .NET الأخيرة )

[@mindreader860]

بالنسبة ليا كواحد لسه متخرج من تمريض ومش بحب المجال ولا هكمل فيه و بدأت في ال Java من فترة وخلصت الbasics وحاليا في مرحلة problem solving كتير وبكثف منها .. وقريب اوي هبدأ OOP وان شاء الله ناوي اكمل في مسار الأندرويد وطموحي أكبر من كدة بس انا باخد السلم سلمة سلمة😁💪نصايح حضرتك يا بشمهندس.

[@ahmedmhhh]

c# vs Java عايزين حلقه عن الموضوع ده

[@moamenkhaled6374]

جزاك الله كل خير يابمشهندس من اجمل القنوات الي بحب اتبعها 🧡 ربنا يزيدك

[@TamerAhmedFarrag]

تحس انك و انت بتتكلم عن سي شارب بتتكلم عن صديق شخصي او قصه حب (انا زيك). الاصدار الاخير كمان منها تحسه ليفل الوحش مع ظهور Records Too level programming

[@oxfordcairo]

أخوك لم يبدأ بعد و مهتم أكثر ما يكون بتطبيقات الموبايل ثم برامج الديسكتوب و غير مهتم بالويب حاليا فهل تعلم السى شارب و بذل مجهود فى اتقانها أنفع أم تعلم الجافا أم غيرذلك. بارك الله فيك و نفع بك.

[@mody155]

عاش بجد يا محترم .. حبيت ادائك واسلوبك وصوتك ..استمر

[@Mostafa01080]

بشمهندسنا المحترم ، بارك الله فيك

[@MoAdel92]

بسم الله ماشاء الله عليك

[@playgoods]

ممكن تكمل على وتيرة هذا النهج وتتكلم عن لغات البرمجة الأخرى

[@AbdelhameedG]

اللى مشرفنا في وسط الأمريكان :D

[@dhjjs2011]

شرح رائع ... ممكن تدلنا على افضل مقاطع فيديو على اليوتيوب تشرح هذه اللغة ومن البداية

[@mahdeesharef1995]

حلو كثير تسلم يبش مهندس

[@mohamedjunior9699]

عظمة و الله ي هندسة ❤️❤️

[@mohamedteama1637]

جزاك الله خيرا

[@fatihabdjn9877]

الله نور السماوات والأرض

[@alnajafyprogrammer3460]

احسنت معلومات جميلة جدا

[@androidsavior]

بتشتغل ايه بالجافا حاليا ؟ ايه الي خلاك تترك سي شارب وخبرة ١٥ سنة

[@omaressam3540]

الله ينور يا باشمهندس 💓💓

[@TheError17191]

شغل فاخر

[@abdogebril3525]

انا حابب اتعمق في لغة سي شارب وبناءا علي كدا اشتريت كتاب fundamentals of computer programming with c#. بس عايز اعرف افضل طريقة للوصول لافضل استفادة من الكتاب . 🌟 اول كتاب اقرأه.

[@muhammed11P]

الله يجزيك الخير رائع 👍🏻

[@mohamedmahmoud7748]

ربنا يباركلك يا بشمهنس

[@JSameh]

فيديو جامد يحامد

[@mrvictor2010]

مجهود رائع جدا

[@mostafamohammed4853]

فيديو جامد ⁦❤️⁩

[@MahmoudAHMED-vu4ml]

صباح الخير يا بشمهندس فيديو جميل كالعادة أنا عارف أن زامرين مبني ع سي شارب بس كنت عايز أعرف رأيك أنت تفضل أني اتعلم زامرين والا فلاتر ف mobile apps تاني حاجة بعد أذنك عايز مصدر أعرف منه عن نظام التشغيل لينكس. جزاك الله خيرا شكرا..❤

[@ahmednasr1671]

بص بالنسبه للينكس فى ماده باخدها فى الكليه اسمها نظم تشغيل باخد فيها الأوامر فى السكشن فرفعت ليك الملفات pdf على جوجل درايف شوفها كده كل أمر وتعريفه كمساعده drive.google.com/folderview?id=1JHFKoRHoVU7vjUwrUEOXaOUO9wyt2Ae7

[@ahmednasr1671]

شوف ده كده يمكن يساعدك فى الاوامر برده kzbin.info/aero/PLO-iOcM8W0KezqB4DZQlrQ-12l9PtIQWn

[@MahmoudAHMED-vu4ml]

@@ahmednasr1671 ربنا يجازيك خير ويجعله في ميزان حسناتك شكرا يا صديقي..❤

[@Destiney..]

اعرف ان من الكتب الي حضرتك بترشحها لتعلم c# هو CLR via C# ... مفيش كتب تانية تكون تطبيقية اكتر.

[@bashmohandes]

هو ده مش كتاب تعليم حد من الصفر يعني، ده كتاب لحد عاوز يتعمق، الصراحة انا ما اعرفش كتاب بعينه اقدر ارشحه لحد عاوز يبتدي بناء على تجربة شخصية، لكن اعتقد اي كتاب عن اللغة نفسها حيأدي الغرض

[@Destiney..]

@@bashmohandes شكراً جزيلاً لوقت حضرتك ❤❤

[@somarpy2817]

ممكن تعمل فيديو مشابه عن بايثون و سي بلس بلس

[@abdelrahman5094]

حلو التغير البسيط في الكادر 😂♥️

[@medhatrabie7391]

Delphi, Pascal

[@kadhumhamoud4828]

فيديو جميل جدا. عندي سؤال لحضرتك لماذا لا توجد منهجية لتدريس المفاهيم المتقدمة من لغات البرمجة التي تفضلت بذكرها. لماذا كل الكورسات تقريبا تتحدث عن المفاهيم الاساسية و تتوقف. انا من الناس الذين اشترو كورسات و سجلت في دورات مدفوعة لكن لم يقم اي احد بشرح المفاهيم المتقدمة للغة سي شارب. رغم طلبي و الحالي من البدايه على و جود هذه المواضيع لكن انتهي مع الاتصال بقاعدة البيانات و يتوقف المحاضر.

[@medhatmegahed]

بس انا ليا تعليق صغير ليه كل برامج dot net يتم فكها وكسرها واظهار الكود بسرعه واذا تم تشفيرها تظهر كانها فيرس ويتم حذف التطبيق هل يوجد حل للسورس كود لعدم عرضه بعد compiler وشكرا جزيلا

[@bashmohandes]

هو ده مالوش حل و هو اصلا مش مشكلة، كل اللغات اللي زي C# أو Java أو Kotlin أو غيرهم من نفس فئة اللغات في النهاية بتترجم للغات وسيطة، و بالتالي ممكن عمل هندسة عكسية ليها، و القاعدة عموما أن الكود ما يبقاش فيه اسرار، بالذات لو الكود ده حيشتغل على جهاز المستخدم.

[@medjl6083]

انا احب الجافا على ال #C لان microsoft متحيلة و غير نزيهة و لم تبذل مجهودها الخاص. حتى ان James Gosling و هو يمثل ابو الجافا قال ان #C هي تقليد للجافا.

[@sheriftoiema642]

ما توضح لنا features لكل لغة بتتطور الوقت

[@ahmednasr1671]

⁦♥️⁩⁦♥️⁩⁦♥️⁩

[@windows7learning431]

طيب ما هي اللغه التي كانت Microsoft تستخدمها في Windows me و الاصدارات القديمه من ويندوز

[@fadyhany6818]

في الوقت الحالي ال enums و ال boxing و ال unboxing موجودين في لغة ال java زي ماهما موجودين بالضبط في لغة ال CSharp ( نفس ال concepts بالضبط ) ولا في اختلاف ؟؟

[@georgetomeh8898]

شكرا علفيديو، مفيد جدا. شو نوع التطبيقات يلي ممكن تنشغل على سي شارب؟

[@bashmohandes]

كل انواع التطبيقات، ويب، موبايل، دسكتوب، خدمات، العاب وغيرها

[@M.AbdulRahman]

أنا بدرس سي شارب و asp. Net core حاليا بغرض الويب و كتير قالوا لي إن أبدا php أفضل. بس أنا حابب سي شارب ك syntax وطريقة كتابه بعكس php.. فهل فعلا هضطر أروح للغه تانيه غير سي شارب ؟

[@mohammedelsayed7347]

اللي بيقولك كدا بيتكلم عن جهل للأسف، متسمعش كلام حد وتتشتت. كمل طريقك اللي قولته، وإتقانه هيكون ليك أكتر من كافي بإذن الله.

[@M.AbdulRahman]

@@mohammedelsayed7347 تسلم يارب إن شاء الله.. طيب ممكن تدلني ع Road map كويسة خاصة بالسي شارب كويب ؟

[@reemsham5704]

@@M.AbdulRahman موجود علا غيت هاب صورة رود ماب لتعلم دوت نيت كور وفعلا من اكتر مساوئ سعر استضافتا العالي جدا غير كده مفيش سبب لكن سوق php اصبح طلبه اكتى من كترة المشاريع لمطلوبة بلارفيل مع رخص استضافة السيرفر لينوكس

[@mohammedelsayed7347]

@@reemsham5704 سؤال، ليه دوت نت كور سعر استضافتها عالي جداً مقارنةً بphp؟ الإتنين يمكن استضافتهم علي لينكس، وبالتالي مفيش فرق إلا لو قررت الإعتماد علي استضافة ويندوز.

[@reemsham5704]

@@mohammedelsayed7347 ماخطر ببالي الطريقة لتشغيل الدوت نيت كور عسيرفر لينوكس لكن للي لاحظتو هو سعر اشتراك شهر واحد دوت نيت يساوي سنة كاملة اشتراك عند استضافة php بتذكر اني قرأت مقالة عن اعداد سرفر لينوكس ليقبل مشاريع دوت نيت كور بس تركتو لاسف،😅

[@maher5093]

ال asp.net الي تتعانل بلغة #c محيره، لما حبيت اتعلم دي اللغة حصلي confused، هل اتعلم asp.net ولا asp.net MVC ولا اتعلم نسخة ال core عكس لغة ال php عندهم frameworks زي المشهور laravel و مافي نسخ مختلفه

[@bashmohandes]

ال PHP برضه فيها كذا أسلوب للتطوير، لارافيل هو أشهرهم حاليا

[@hussamdev6863]

Asp.net core in dot net 5

[@CodePhiles]

السلام عليكم ورحمة الله ,, أشكرك على مجهودك وفيديوهاتك الرائعة .. كان عندي سؤال واعتقد ان حد خبرة زيك هو اللي يقدر يجاوبني عليه .. أنا ببرمج من ايام ثانوي وكان شغفي البرمجة وحاليا انا عديت الاربعين .. لكن للأسف ما اشتغلتش مبرمج..لكن شغفي بالبرمجة لسه موجود بدليل اني اتعلمت بايثون وبكتب بيها كود .. وخبراتي ابتدت في البرمجة من اول باسكال وحتى سي شارب وبايثون حاليا ( كهاوي) ..معذرة على المقدمة .. السؤال بقى .. لما بشوف كود لناس تانيين محترفين بحس بفجوة كبيرة وكأن فيه حاجات معدية ..وأنا عارف ان فيه مستويات اعلى ...ازاي اوصل للمستوى ده .. هل عن طريق اني التزم بكتب واغطي كل حدود لغة البرمجة من البداية للنهاية .. ( المستوى الحالي .. كلاسس واوبجيكتس + parallel programming + synchronous and asynchronous code+ debugging code and solving problems )

[@Majariat4953]

بحكم خبرتك في مجال البرمجة أنا خريج حقوق واريد اكتساح مجال البرمجة مهتم كثيرا لكن ليست لدي اي خبرة ماهي اللغة التي تنصحني بها كبداية ؟ وماهي المراجع المرشحة لتعلمها ؟ اعتقد أنك تقدم محتوى ثري جدا وأنا من مدة أتابعك وحقيقة استفدت كثيرا

[@bashmohandes]

ممكن تبتدي بال Python و أن كان عموما أي لغة مش هتفرق

[@sal96ali]

عراقي؟

[@Majariat4953]

@@sal96ali جزائري

[@Majariat4953]

@@bashmohandes شكرا جزيلا

[@windows7learning431]

طيب كانوا بيبرمجوا باي لغه

[@hfaharf]

يارت تمسك اى بروفيدر من بتوع الكلاود وتعلمنا فى واحدة واحدة الاهم فيهم طبعا وياريت بالسيرفيس الفرى عشان نقدر نطبق وليكن AWS

[@bashmohandes]

انا مش بعمل كورسات و الله

[@hfaharf]

@@bashmohandes لا مش كورسات ذى ما اتكلمت هنا على السى شارب او ال و من قبل Blazor على نفس المنوال ولو حتى مقارنات لو شايف انه مش هينفع حضرتك ادرى بقى هههه وبصراحة اكثر نفسى كمان اسمع منك حاجة عن ML

[@windows7learning431]

انت عاوز تقول لي ان لغة #C هي اللغه الي كانوا بيبرمجوا بيها وهيه لسة بتطور

[@mouhamedfardousi1145]

مسا الخير ياريت لو تعمل فيديو عن 5.NET واخر الاصدارات من ميكروسوفت في شغلات جميلة جدا متل BLAZOR FRAMWORK

[@bashmohandes]

عملت فيديو عن Blazor قبل كده, حتلاقيه في القناة

[@kirollos-samir]

مجهود متميز جدا 👍

[@malakggh]

I think the main difference between Java and C++ is that Java has a garbage collector.

[@becbelk]

لو تتفضل وتتكلم عن دارت وما هي الاضافة التي قدمها وما يميزه عن جافا وسي شارب

[@bashmohandes]

ماليش فيها الصراحة و كل تقنيات الموبايل ماليش علاقة بيهم خالص

[@ahmed_raaphat]

لو أنا لسه طالب ومبتدأ وعايز اتعلم حاجه تخليني ابني جزء ال server side في مواقع الويب مثلا, وقدامي حاجات زي php-laravel أو c#-.net او java-spring او python-django او Ruby-RubyOnRails أو حتى node.js .. تنصحني اتعلم ايه؟

[@mohamedtoria4385]

بعد اذن حضرتك عندى استفسار قد يبدوا غريب شويه بفضل الله بدات اتعلم سى شارب ومن ضمن الاسباب الى خلتنى اختارها ان اغلب الى سمعته عن اللغه انها نوعا ما صعبه مش بصعوبة ال c لكن فيها درجة صعوبه ومن وجهة نظرى المتواضعه حبيت اتاسس فى لغه صعبه بحيث لو حبيت بعد كدا اتعلم لغه تانيه اكون متاسس كويس السؤال بقى بعد ما خلصت الاساسيات دلوقت داخل على oop لكن مش حاسس ان اللغه صعبه وبفكر ارجع ابدا فى c حضرتك تنصحنى بايه انا متردد لانى قضيت وقت طويل ومجهود كبير فى اساسيات السى شارب

[@mohamedsoliman7323]

يا بشمهندس انا شغال دوت نت بس لسه جونيور ، بشوف ناس بتقول ان المفروض الواحد بيقعد في المجال دا لحد ما بيكون تيم ليد وبعدها مش بيكون مرحب بيه ف الشركات يعني عشر سنين مثلا كدا و الشركات مش بتكون محتاجه للخبره كتير

[@reemsham5704]

نزا سؤالك علا غروب لمهندس اسمو Egyptian geeks jobs

[@mohamedsoliman7323]

@@reemsham5704 تمام و شكرا جدا علي ردك 💙

[@lenaggar]

❤️❤️❤️

[@mohamedsoliman7323]

يا بشمهندس هل الدوت نت افضل ولا ال BI انا معايا فرصه اني اشتغل BI بس محتار اكمل دوت نت ولا BI ممكن نصيحه حضرتك

[@ahmedmagdi9834]

عايز أسألك سؤال مهم هو في كلام بيتقال ان تطبيقاتdesktopهتقل جدا الفترة الجاية وكلام على أنها تختفي عايز اعرف وجهة نظرك وطبيعة السوق اللي بتشتغل فيه ولا هو المجال أتنقل للشركات الكبيرة ؟؟ تحياتي لحضرتك 💗💗

[@bashmohandes]

هي لسة حتقل، الموضوع ده محسوم من ييجي عشر سنين 😂

[@ahmedmagdi9834]

@@bashmohandes انا فاهم وجهة نظرك لكن في ناس بتقول أنها بتقل لكن الشرشكات الكبييرة وشركات apple,Microsoft هي اللي هتسيطر بشكل أكبر علي المجال ده وده انا بشوفه حقيقة لكن في ناس بتقول أن أساس الويب هو الdesktopفحتى لو فرص الdesktopقلت فهو مش هيختفي ابدا 🤔🤔

[@bashmohandes]

@@ahmedmagdi9834 ما حدش قال انها حتندثر خالص، بس طبعا ما بقيتش زي الاول خالص و لا حد واحد على الف من الأول، و موضوع أن الديسك توب هو أساس الويب ده مش صحيح

[@windows7learning431]

ولاكن Windows Vista ظهرت في 2006

[@AhmedMohamed-re2bc]

محتاجين قناه قويه عليها مشاريع او ديمو بلغه سي شارب

[@reemsham5704]

روح يامعلم عقناة kudvencat خالد السعداني C sharp labs

[@abdelrahmanelbehiri2523]

انا طالب جامعي ومهتم جدا بسوق العمل، حالي بعمل كطالب في مجال الBackend بحب جدا الجزء الي زي دا في المحتوى بتاعك، الجزء الي بتكون بتحكى فيه قصة لغة برمجة معينة او تقنية معينة ازاي طلعت وكدا بتحمسني اكتر وبتزود فضولي عن معرفة تفاصيل التقنيات دي ويتشدني اكتر ليها شكرا

[@mody155]

سؤال من واحد حابب يبدأ ويتعلم : جافا ولا سي شارب ؟

[@bashmohandes]

مش حتفرق

[@omar-fathy01]

بشمهندس أحنا لية المحتوي العربي بطيئ يعني أنا دلوقتي محتاج كورس 9 #C لية أقعد سنتين او تلاتة علي ماحد يعمل محتوي الكورس بالعربي لية حضرتك متبقاش سباق بالخطوة دي وتنزلنا لنا بكورسات الأصدارات الجديدة دي

[@bashmohandes]

أنا مش بعمل كورسات, و نصيحة حاول تحسن لغتك الانجليزية علشان ما تستناش المحتوى العربي اللي أكيد حيبقى متأخر

[@ahmedelshazly8115]

هل تعلم الفلاتر في الوقت الحالي أفضل كسوق وهل شرط اني أعرف لغة برمجه قبلها

[@alsaltisaid2218]

الفلاتر جميل.. اعتقد يحتاج وقت لتطويره بشكل أفضل على الويب وال Desktop application. لغته dart شبيه ب c# للأندرويد و ios جاهز...

[@oxfordcairo]

بارك الله فيك. لكن السؤال البديهى ليه بقالك 3 أو 4 سنين شغال بجافا بدل سى شارب.

[@bashmohandes]

حسب الشركة، الشركة اللي شغال فيها حاليا شغالة Java.

[@oxfordcairo]

@@bashmohandes إن شاء الله لو نزلت أسوان زيارة سوف نكرمك .

[@somarpy2817]

هل تنصح بال c++ او #c

[@bashmohandes]

حسب التطبيق أو النظام، كل لغة و لها إستخدام

[@AHMEDAHMED-kw3kv]

فين ايام ask developer 🥺😢

[@bashmohandes]

ماله ماهو لسة موجود!!

[@AHMEDAHMED-kw3kv]

بس مش زي زمان دلوقتي كله لايف مع القهوة بس .

[@bashmohandes]

@@AHMEDAHMED-kw3kv التغيير حلو برضه

[@AHMEDAHMED-kw3kv]

@@bashmohandes اي مادة مقدمة من حضرتك ممتازة تسلم يا باشمهندس و ربنا يجعل التعب ده في ميزان حسناتك يارب .🥰🥰

[@MahmoudAdel-wm3bd]

فى مشكلة فى التزامن بين الصوت والصورة، بداية الفيديو ونهايته فى فرق واضح بين الصوت والفيديو

[@bashmohandes]

مش ظاهر عندي مشكلة تزامن الصراحة، و جربت على الدسكتوب و على الموبايل الاتنين شغالين تمام، هل فيه أعدادات مختلفة عندك؟ مثلا جودة معينة للفيديو أو نظام تشغيل مختلف انت شغال عليه علشان اقدر احدد المشكلة فين!

[@MahmoudAdel-wm3bd]

@@bashmohandes معتقدش ان فى حاجة معينة عندى ممكن تكون مسببة المشكلة، جربت من فايرفوكس وكروم ايدج وكروم كانارى ولسه المشكلة موجودة ، فى اوقات الدنيا بتكون كويسة جدا وبعدها بيحصل مشكلة التزامن دى

[@bashmohandes]

@@MahmoudAdel-wm3bd مش عارف و الله المشكلة فين،، هل جربت على تليفون طيب؟ معلش بتقل عليك

[@MahmoudAdel-wm3bd]

@@bashmohandes لا بالعكس انا مبسوط انى بساعد، انا جربت من الموبايل والفيديو مظبوط جدا بس لاحظت حاجة جديدة مكنتش موجودة وهى ان بقى فى مونتاج او استايل التقطيع بين الكلام دا بقى موجود، جربت دلوقتى بعد م لاحظت دا على الديسكتوب والفيديو بقى مظبوط برضوا فتقريبا دا كان سبب المشكلة ودى حاجة غريبة شوية

[@bashmohandes]

@@MahmoudAdel-wm3bd هو عموما الحمد لله أنه اضبط، بس انا مستغرب جدا، مش عارف هل ال encoding بتاع يوتيوب بما أنه بيعمل نسخ مختلفة لكل نوع جهاز ممكن يكون عمل حاجة غلط في النص 🤷🏻‍♂️ عموما الف شكر يا باشا على المساعدة، تعبتك معايا

[@Youssef_x9]

حلمي انا يبقي عندي بي سي حلو للغات البرمجه😥😥

[@mahmoudhussien9988]

مجهود رائع ❤❤ بس لو تتكلم بسرعة اقل شوية 😅😁

[@NabilMSalah-no5cu]

ازيك ي بشمهندس محمد لو سمحت انا كان استفسار من حضرتك sse.aucegypt.edu/programs/undergraduate/data-science?fbclid=IwAR1OWLfKI1vlBUdfoTCTHY1--G9bigAqKqEo65opRul-1qSfzZvQdfW3q38 هوا ال auc منزل البرنامج ده و انا كنت بفكر فيه بس هل رأى حضرتك انو برنامج كويس ولا لو دخلت كلية حاسبات و تعلمت ال data science اون لاين هيدى نفس الناتج + انا كنت بعت لحضرتك عالفيس بس حضرتك مردتش فا كنت اتمنى حضرنك ترد هنا

[@bashmohandes]

هو أنا مش متخصص في المجال ده عموماً, فمش حفتي, محتاج تسأل حد يكون فاهم في الكلام ده, أو يكون دخل البرنامج ده. في رأيي ان الجامعة الأمريكية مكان محترم, و غالباً برامجها كويسة. بس طبعاً ده بشكل عام.

[@NabilMSalah-no5cu]

@@bashmohandes طب حضرتك متعرغش اسأل مين او فين

[@mr-vg7uy]

انا باخد #c في الجامعة اكمل معاهم ولا اتعلم c++

[@mohamedabdullah3232]

انت جامعة ايه لان انا بردو س شارب

[@mr-vg7uy]

@@mohamedabdullah3232 المنصورة

[@abodzplays9822]

بعد 3 سنين انا عندي نفس سؤالك ايش تنصحني

[@mr-vg7uy]

@@abodzplays9822 انا شوفت الكومنت فصلت ضحك شوية 😂 بص يا ياصحبي انا اتعلمت اغلب اساسيات البرمجة من الاول الي الالجورزمس من المسائل فا شوف في الكلية عندك لو في اسرة او نشاط طلابي ليه علاقة بال icpc وخشه هتستفاد جدا وبعد دراسة الاساسيات شوف سوق العمل عندك طالب ايه وذاكرة لإن بعد مرحلة الاساسبات مش هتفرق معاك اللغة كلهم هيبقو شبه بعض نفس المنطق تقريبا انا كملت c++ وذاكرت بعدها nodejs عشان مشروع التخرج ديه تجربتي.

[@kareemsalem8864]

بقفل الكومنتات اربعين كومنت 😁😁