Mokozabal bat Antiguan

Irutxulo.hitza.eus | Hegazti bisitari oso ezohiko bat eduki du Antiguak egunotan: mokozabal bat. Zubimusu parkean egon da gutxienez bi egunez, asteazkenean eta ostegunean, urmaelean janaria bilatzen, eta abar. Aldiz, gaur goizean dagoeneko ez zebilen han, beraz, litekeena da dagoeneko alde egin izana.
Itsas Enara ornitologia elkarteko Xabier Saralegik hedabide honi azaldu dionez, "erabat ezohikoa" da mokozabala Donostian agertu izana, hainbat arrazoirengatik. Alde batetik, garai honetan agertu izanagatik: "Abuztuan hasten dira ikusten lehenengo talde migratzaileak eta beti taldeetan". Bestetik, "horrelako parke urbanoetatik ez direlako pasatzen. Are gutxiago horren denbora luzez".
Bideoa: Joseba Parron San Sebastian.