Эмомалӣ Раҳмон дар шаҳри Хуҷанд тарабхонаи брендии “Форел”-ро ифтитоҳ карданд

Иншооти хуштарҳу назаррабо дар соҳили Сирдарё бо саҳму иқдоми соҳибкори маҳаллӣ Муҳсин Шодиев ва ҳамкоронаш бо харҷи беш аз 4 миллион сомонӣ бунёд шудааст.
Иншоот аз 3 ошёна бо таҳхона ва Маркази таомҳои миллӣ иборат буда, аз ҷониби бинокорону ҳунармандони маҳаллӣ бо тарҳи зебо сохта шудааст.
Дар иншоот толори баргузории чорабиниҳои фарҳангию маросимҳои миллӣ, қаҳвахона, ҳуҷраҳои истеъмоли хӯрок мавҷуд буда, зиёда аз 50 нафар ба тайёр намудани таомҳо ва хизматрасонӣ ҷалб шудаанд.
Дар тарабхонаи брендии “Форел” асосан навъҳои гуногуни моҳӣ пухта ба мизоҷон пешниҳод карда мешаванд.