Рет қаралды 94
ភ្នំឧដុង្តជាអតីតរាជធានីបុរាណនាសតវត្សរ៍ទី ១៧ (ពីឆ្នាំ ១៦១៨ ដល់ឆ្នាំ ១៨៦៦) ហើយត្រូវបានបោះបង់ចោលក្នុងរជ្ជកាលដោយ ព្រះបាទ នរោត្តម នៅឆ្នាំ១៩៦៦ ដោយផ្លាស់រាជធានីទៅកាន់រាជធានី ភ្នំពេញរហូតដល់សព្វថ្ងៃ។ ភ្នំឧដុង្តមានចំងាយប្រមាណ ៤០គីឡូម៉ែត្រពី ភាគពាយព្យនៃក្រុងភ្នំពេញ។ រមណីយដ្ឋាននេះត្រូវបានក្លាយជាទីចាប់ អារម្មណ៍ជាថ្មីបន្ទាប់ពីការកសាងព្រះសក្យមុនីចេតិយ ដ៏ធំនៅលើកំពូលភ្នំឧដុង្គច្រុងខាងជើង ដែលមើលទៅ ឃើញធំខ្ពស់ និងមានភាពស្រស់បំពង។ភ្នំឧដុង្តស្ថិត នៅក្នុងឃុំផ្សារដែក និងឃុំភ្នំបាត ស្រុកពញាឭ ខេត្ត កណ្តាល។ ភ្នំនេះមានឈ្មោះបីគឺ ភ្នំឧដុង្គ ភ្នំព្រះរាជ ទ្រព្យ និងភ្នំអដ្ឋរស្ស។ បើសម្លឹងពីលើកំពូលភ្នំទៅក្រោមឃើញទិដ្ឋភាពគួរជាទីកំសាន្ត ហាក់ដូចជាខ្លួនយើងកំពុង តែត្រដាងស្លាបហោះហើរដូចសត្វបក្សាបក្សីដែរ។ បើមើលទៅលិច ឃើញភ្នំស្ទុងៗនៅឆ្ងាយសន្លឹម មើលទៅកើតឃើញ ដៃទន្លេសាប និងភូមិ អ្នកស្រុកកំពង់ហ្លួងមើលទៅជើងឃើញភូមិវាំងចាស់ និងផ្សារឧដុង្គ។ នៅឯជើងភ្នំវិញមានម្អូបចំណីអាហារលក់ជូនភ្ញៀវទេសចរណ៍ ដែលបាន ទៅកម្សាន្តនៅទីនោះ។ភ្នំនេះជាទីកន្លែងសម្រាប់បញ្ចុះសពនៃព្រះរាជ វង្សានុវង្ស និងជាកន្លែងដែលព្រះរាជាទ្រង់ព្រះរាជានុញ្ញាតឱ្យសាងសង់ វត្តនិងព្រះវិហារ។ ការដែលគេហៅ “ភ្នំព្រះរាជទ្រព្យ” ដោយសារ ព្រះមហាក្សត្រជំនាន់ នោះយល់ថាភ្នំនេះស្ថិត នៅក្បែរឧដុង្គជារាជវាំងស្រាប់ព្រះរាជាក៏ទ្រង់ចាត់ឱ្យសាងព្រះចេតិយធំៗសម្រាប់បញ្ចុះព្រះបរម អដ្ឋិ និង ព្រះអដ្ឋិនៃព្រះរាជវង្សានុវង្ស ដោយប្រើប្រាសកម្លាំងព្រះរាជទ្រព្យ ផ្ទាល់ព្រះអង្គទើបសន្មតថា “ភ្នំព្រះរាជទ្រព្យ”។