Рет қаралды 546,463
អស់លោកអ្នកនាងកញ្ញានិងប្រិយមិត្តជាទីគោរពរាប់អាន!!! ថ្ងៃនេះខ្ញុំ មរតកខេមរៈ សូមអញ្ជើញអស់លោកអ្នកនាងកញ្ញាចូលរួមទស្សនា នូវខ្សែវីឌីអូមួយដែលជាកម្រងអនុស្សាវរីយ៍ក្នុងគ្រាអតីតកាល នាចុងទសវត្សរ៍ទី៦០ ក្នុងភាពយុវវ័យរបស់ពួកគេ។ នៅក្នុងខ្សែវីឌីអូនេះយើងបានរកឃើញតារាភាពយន្តមួយចំនួនដូចជាលោក គង់ សំអឿន លោក ម៉ង់ ដូលីន លោក ឡូ តូ អ្នកស្រី ម៉ាប់ ណូយ៉ា និងអ្នកនាង សាក់ស៊ី ស្បោង។ល។ ចំណែកឯក្នុងក្រុមតន្រី្តករវិញយើងរកឃើញលោក ប៉ាវ ស៊ីផាន់ ដែលជាអ្នកលេងហ្គីតាដៃឯកម្នាក់ ក្នុងចំណោមអ្នកលេងហ្គីតាដៃឯកដទៃទៀត។ ទិដ្ឋភាពបែបនេះហាក់នៅតែថ្មីដដែលក្នុងអារម្មណ៍របស់កូនខ្មែរ ជំនាន់មុនដែលធ្លាប់បានទស្សនានិងឃើញលោកទាំងអស់នោះដោយផ្ទាល់នឹងភ្នែក។ រីឯអ្នកចម្រៀងវិញយើងរកឃើញអ្នកម្នាង សៀង ឌី អ្នកស្រី ខៀម សោភ័ណ និងអ្នកស្រី ប៉ែន រ៉ន ផងដែរនៅក្នុងក្រុមលោក ប៉ាវ ស៊ីផាន៉ នោះ។ តែគួរឲ្យអនិច្ចាតារាស្ទើរទាំងអស់នោះ បានលាចាកលោកនេះទៅហើយដោយសារភ្លើងសង្រ្គាមដ៏សាហាវ ដែលបានឆក់យកជីវិតខ្មែរគ្រប់មជ្ឈដ្ឋាន ស្ទើរផុតពូជដោយគ្មានត្រាប្រណីឡើយ។ នេះហើយអំណាចនៃភ្លើងសង្រ្គាមនិងអំណាច់ផ្ដាច់ការរបស់មេដឹកនាំស្ទើរតែគ្រប់ទសវត្សរ៍ ក្នុងពាក់កណ្ដាលសតវត្សរ៍ចុងក្រោយនេះមិនទាន់ផុតរលត់នៅឡើយទេ ៚