Рет қаралды 276,480
Москва биржасида жаҳоннинг икки асосий валюталари бўйича савдоларнинг тўхтатилиши ҳақидаги эълон АҚШ Молия вазирлиги томонидан жорий этилган янги санкциялар ортидан пайдо бўлди. Биржа сайтида маълум қилинишича, валюта операциялари жорий йилнинг 13 июнидан бошлаб тўхтатилади.
Россия Марказий банки Москва биржасида Гонконг доллари билан ҳам савдони тўхтатди. “Коммерсант” нашри хабарича, 13 июн куни эрталаб Москва биржаси рубл индекси 3100 пунктдан пастга тушди, унинг акциялари эса 15,8 фоизга, Сбербанк - 4%га, ВТБ - 4,7% га қулади.
Россия валюта бозорида доллар савдосида воситачилик қилувчи Москва биржаси, Миллий клиринг маркази ва Миллий ҳисоб-китоб депозитарийси янги санкциялар рўйхатига киритилди - жами 33 киши ва 300 та компания. Россия молия институтларидан ташқари, рўйхатга россиялик ўндан ортиқ трансмиллий тармоқлар; дрон ишлаб чиқаришни қўллаб-қувватловчи ва Россиянинг кимёвий ва биологик қуроллар дастури учун ноёб ва муҳим материалларни харид қилувчи тузилмалар киритилди.
Ўзбекистон Маркази банки ҳозирча бу борада расмий изоҳ бергани йўқ.
🔴Ozodlik kanaliga obuna bo'ling! 👉 t.me/ozodlikkanali
🔴 Bizga xabar yo'llash uchun 👉 t.me/ozodnews
Moskva birjasida jahonning ikki asosiy valyutalari bo‘yicha savdolarning to‘xtatilishi haqidagi eʼlon AQSH Moliya vazirligi tomonidan joriy etilgan yangi sanksiyalar ortidan paydo bo‘ldi. Birja saytida maʼlum qilinishicha, valyuta operatsiyalari joriy yilning 13 iyunidan boshlab to‘xtatiladi.
Rossiya Markaziy banki Moskva birjasida Gonkong dollari bilan ham savdoni to‘xtatdi. “Kommersant” nashri xabaricha, 13 iyun kuni ertalab Moskva birjasi rubl indeksi 3100 punktdan pastga tushdi, uning aksiyalari esa 15,8 foizga, Sberbank - 4%ga, VTB - 4,7% ga quladi.
Rossiya valyuta bozorida dollar savdosida vositachilik qiluvchi Moskva birjasi, Milliy kliring markazi va Milliy hisob-kitob depozitariysi yangi sanksiyalar ro‘yxatiga kiritildi - jami 33 kishi va 300 ta kompaniya. Rossiya moliya institutlaridan tashqari, ro‘yxatga rossiyalik o‘ndan ortiq transmilliy tarmoqlar; dron ishlab chiqarishni qo‘llab-quvvatlovchi va Rossiyaning kimyoviy va biologik qurollar dasturi uchun noyob va muhim materiallarni xarid qiluvchi tuzilmalar kiritildi.
O‘zbekiston Markazi banki hozircha bu borada rasmiy izoh bergani yo‘q.
#ruble #dollar #sanctions #usa #russia #war #migrants